巢私厨川菜 (裝修中)

巢私厨川菜 (銅鑼灣)呢度環境非常之精緻，位於鬧市銅鑼灣地鐵站C出口一出行3分鐘左右就見到金利文廣場上一樓就係啦！位置寬躺，坐得非常之舒服，而且裝修都非常之精美餐具呢都主要係用雀鳥為題材，超級之靚同可愛！.⚜️勝瓜煮魚滑⚜️勝瓜煮魚滑，清清地而且份量大碟，唔錯！.⚜️蟹黃豆腐⚜️個蟹黃豆腐非常之好食呀！(⁎⁍̴̛ᴗ⁍̴̛⁎)唔算太漏，豆腐嘅份量多過鹹蛋蟹黃少少，再加$15有個白飯，撈埋食真係超級極絕配！.⚜️蟲草花燉烏雞⚜️蟲草花燉烏雞一位$68，非常之推薦大家飲呢個湯！雖然$68細細盅，但係味道同材料都非常之足料啊！湯底味道濃郁，每一啖呢都覺得係精華！ ！ 呢個天氣咁凍飲完之後簡直覺得成身暖粒粒啊！(˶‾᷄ ⁻̫ ‾᷅˵).⚜️肉絲炒年糕⚜️嚟到呢度唔係好食得辣嘅朋友都好有另外一個選擇！呢度所有嘢嘅份量都好大碟就，肉絲炒年糕味道香濃！ ⚜️肉絲兩面黃⚜️兩面黃一邊濕炒一邊係脆卜卜，份量極之大份！我哋三個人食食到捧住個肚走！結帳之後仲有生果盤送上，生果盤唔係淨係幾塊西瓜🍉，而係非常之多水果！有提子🍇菠蘿🍍天桃，士多啤梨等，飯後有水果食呢一個服務真係非常之貼心啊！—————————————————————-環境：⭐️⭐️⭐️⭐️

今晚和媽媽在銅鑼灣逛街晚飯，她少有地想吃辣，上網找到了這家從內地開過來香港的巢私厨川菜。環境有別一般的川菜館，餐廳地方闊落，裝潢走精緻的路線，十分舒適。用上自家訂造的餐具，設計清新而不俗氣。主菜有不同的川式菜品，有麻辣、水煮、鮮椒等，同時亦有不同的涼菜及主食可選擇。麻辣三樣菜先來一客涼菜，三樣菜分別是豆角、涼瓜及在底下的蓮藕，口感各有獨特的三蔬配上清爽微辣的醬汁掠拌，令人吃完一條接一條，非常健康，作為前菜正好開開胃。香辣美容蹄侍者端上桌後會以燭火加熱，一股麻辣香氣撲鼻而來，一嚐豬手，豐富的骨膠原絕對稱得上是美容蹄，軟而不爛，麻辣鮮香，醬香馥郁滲透骨肉，味道令人上癮。蟹黃豆腐雖然美其名為蟹黃豆腐，其實是以南瓜、鹹蛋黃作調味，做出類似蟹膏的鮮香，一點也不比真的蟹黃遜色，更另外多出一份鹹蛋黃獨有的香氣，味道鹹香帶勁，層次豐富。椰香蒸饅頭主食簡單點了一客蒸饅頭，就是配上蟹黃豆腐及香辣美容蹄的醬汁同吃，十分惹味。

去完中環aia嘉年華玩，就搭幾個站黎銅鑼灣行街同醫肚經過街道樓下有個姨姨極力推薦食川菜仲表示有88折，由於佢太熱情之下我地就去左巢私㕑川菜-晚上6點幾上到去，可能因為新開既關係客人未太多，安排坐卡位，餐廳好寛敞裝修典雅，身在其中好舒適-雖然話就話川菜，好辣既朋友就肯定熱愛但原來唔食得辣既我都有好多選擇岩胃口--先來一壺香片-餐具設計都好別緻，睇得出餐廳既用心-蟹黃豆腐 $88份量都唔少，用佢黎撈飯食一流蟹黃味道剛好，香而不膩-銀芽肉絲雙麵皇 $88麵底脆身，係我愛吃既口感上枱時仲有煙，新鮮熱辣辣肉絲同芡汁既稠度剛剛好，配埋落雙麵皇既味道唔錯雙麵皇有四餅，兩個人食都好飽！如果餐廳有蟹粉雙麵皇我諗一定大賣！-豆腐魚羹 $32味道同銀芽肉絲太相似，味道一般-黃金炸饅頭 $25 三件饅頭炸得又熱又脆，內裡鬆軟-最最最意想不到就係！食完飯店員好貼心咁話原來有生果送提子好大粒個皮好薄脆，裡面好多汁好甜正呀～-埋單有88折，一人一百蚊鬆少少食物味道唔錯，店員有禮，又好主動加水環境都坐得好舒服性價比高.！

自從暑假去咗兩個月成都之後，自己變得非常鍾意川菜，加上女朋友鍾意食辣，所以每個月有一兩日出街搵川菜食。今日去完機舖打機，見到樓上開咗間四川菜館，二話不說就同女朋友上左去。我哋坐咗卡位，一個人霸曬成張梳化，灰色牆身配上黑色家具，加上金色吊燈同配飾，整個環境顯得高貴之餘，又提供足夠嘅空間感。餐廳餐具設計非常一致。首先上菜係陳醋肴肉。豬肉部份晶瑩剔透，唔會太肥太膩 ，香酥可口。另外醋果凍令我可以直接食唔使額外蘸醋，非常方便。不過肉同醋嘅比例係1:1，醋凍的比例再少啲就更好。我女友最鍾意食水煮魚，今次點左桂魚，冇咩骨，魚片非常嫩滑。我哋叫左小辣，但整體唔係太辣，魚片份量非常足夠，另外亦有配料例如芽菜等等。呢道菜叫怪味雞翼，入口幾麻辣，每一件都煎得非常香脆。另外蓮藕片同土片都非常惹來。蟹黃豆腐真係令我食指大動，豆腐滑嫩嘅口感，加上鹹蛋黃嘅鹹香同炒香左嘅火腿，鹹中帶香，送飯真係一流。淨係呢道菜已經令我食咗兩碗飯！最後叫咗一碗豆腐魚羹同女朋友share，非常足料，魚非常鮮甜所以整體唔會太寡淡。最後仲有生果拼盤送，有菠蘿、提子同蓮霧，每款都非常清甜，證明水果非常新鮮。巢私廚係我最喜愛川菜餐廳留有一定嘅

見到銅鑼灣開咗呢間新嘅川菜叫巢私廚，個名好得意去到啲碗碟都有一啲雀仔嘅圖案，好得意而且餐廳都算幾大，環境舒服，侍應都非常之有禮貌，招呼周到我哋唔係食得好辣，所以冇嗌啲好辣嘅食物。叫咗個巢辣牛肚，黎到好大窩牛肚分量好多，而且仲非常爽口個湯底少少辣，唔算好辣，個底仲有啲粉，加埋一齊食好惹味好好味另外叫咗蟹黃豆腐，勁多蟹黃， 富有蛋黃味，豆腐滑，撈飯食一流 可以食幾碗飯酸菜龍利魚呢個好抵食，又好多龍利魚，而且滑個湯底又係有少少辣，配少少麵喺入面正呀。 食物嘅辣味調教得好好味，鍾意食辣嘅朋友一定要嚟試

呢間有龍蝦仔食$12-20隻，有好多人都有叫來食因為我唔食龍蝦仔所以無叫🔸酸菜桂魚 $298例牌：初時佢話少辣唔夠辣幫我入去再煮加辣，出來都係唔辣，桂魚片ok ga 滑既！同埋入面有薯粉，好煙靭！但有點細份🔸蟹黃豆腐 $88例牌：用來撈飯一流👍🏻🔸韭黃鴨血 $88例牌：送來時o左咀，因為與圖片不符？？？好一般的菜😐🔸黃金炸饅頭 $25/3個：好弱雞，佢淨係得個表皮脆（唔係好脆）入面係軟...... 🔸最尾佢有送生果盤，呢個係意想不到！總結有更好選擇！