林洪記水產

營業中

休息中

之前成日去西貢食海鮮....  每次都使一大舊錢... 但係呢間餐廳呢~~  我食到嘅嘢同西貢嗰啲差唔多,  甚至有啲仲更好食,  但係價錢就真係一個天一個地啦！我哋叫咗個海鮮火鍋放題,  Wahhhhh！啲海鮮真係新鮮到不得了！啲魚呀蝦呀,  全部都生猛生猛咁, SOOOOO Freshhhhhh!!  食落口真係好鮮甜。特別係嗰條豉汁蒸海魚,  肉質好嫩滑, 豉汁又夠味,  Goood個蟹黃飯都好好食！啲蟹黃又香又濃,  撈埋啲飯一齊食,  真係MM7 !！我同班朋友食到個個都飽到行唔多郁, 但係埋單嗰陣, 個個都嚇咗一跳,真係抵到笑！最美中不足既地方係佢地無我至愛既藍妹啤酒任飲 😒

每次海鮮癮起都會嚟呢度encore，原因好簡單，因為佢價錢公道、食材新鮮、店員服務好。今次我哋叫咗份麻辣雞煲，順便用嚟做海鮮火鍋。呢個麻辣雞煲帶有芝麻香味，好開胃。麻辣雞煲好惹味，雞肉好嫩滑。用嚟做火鍋湯底都唔錯，有麻辣嘅香氣，又有海鮮嘅鮮甜。朋友直情拎咗部分湯底嚟做湯，好似有啲自私，不過冇所謂啦，最緊要食得開心。啲海鮮好新鮮，同呢個麻辣雞煲湯底都算係絕配。另外一個朋友叫咗蟹黃飯，我見佢全部食曬，好似好滋味咁樣，下次都要試下呢個飯。

上次同我老婆嚟咗林洪記水產食海鮮火鍋放題，食到好滿足。其中一樣令我印象深刻嘅就係佢哋嘅蟹黃飯。蟹黃飯足料鮮味!!!!!!!!!蟹黃飯嘅份量十足，蟹膏好足料，每一啖都食到濃郁嘅蟹膏香味。飯粒煮得軟硬適中，吸收咗蟹膏嘅鮮味，蟹膏嘅顏色好鮮艷，睇得出好新鮮。我哋每人舀咗一大啖，蟹膏嘅香味即刻喺口腔裡面爆發。真係好正。不過我個人覺得佢哋嘅麻辣青瓜木耳辣咗少少，可能我平時唔食得辣。但係整體嚟講，呢個飯絕對抵得起呢個價錢。

我同班親人總共六個人，叫咗個海鮮火鍋放題。啲海鮮嚟到嗰陣都好新鮮。蟹黃飯真係好正，食得出好多蟹膏，好濃郁蟹嘅味道。青瓜都好新鮮，用嚟打邊爐一流。我哋用蒸氣火鍋嚟蒸海鮮.. 有紅點蟹、扇貝、大頭蝦、龍蝦等等...可以保留海鮮嘅原汁原味。蒸完海鮮之後湯底甜，用嚟打邊爐真係一流。我哋仲飲埋啲啤酒，海鮮配啤酒真係一流。埋單千幾蚊左右，我覺得算係超抵。而且店員雖然唔太多， 但勝在夠快同算友善，動作都好快手。