影片
營業時間
今日營業
11:00 - 00:00
星期一至日
11:00 - 00:00
以上資料只供參考, 請與餐廳確認詳情
優惠
84折
【火鍋放題】2小時極上海鮮蒸氣火鍋任食放題 (早鳥/宵夜時段)
$198
$238
86折
【火鍋放題】2小時極上海鮮蒸氣火鍋任食放題 (黃金時段)
$228
$268
88折
【火鍋放題】2小時究極海鮮蒸氣火鍋任食放題 (早鳥/宵夜時段)
$268
$308
88折
【火鍋放題】2小時究極海鮮蒸氣火鍋任食放題 (黃金時段)
$288
$328
相關文章
我於25年7月6號夜晚10入到鋪頭坐低。此刻，客人並不多，並不是處於非常忙碌狀態。但係過了數分鐘，仲係冇人嚟招呼，於是便叫一個後生女服務員要求攞餐牌，但係佢冇應我。跟住佢就以半飛狀態將餐牌「放」落枱。我一心入去係打邊爐，但發覺入邊並冇打邊爐嘅餐牌。於是便問頭先嗰個女侍應要打邊爐嘅餐牌，但係佢邊行邊講：「唔夠時間」，跟住佢就行入近廚房嘅位置同其他職員講：「我要食飯㗎，佢哋仲要打邊爐，叫飯食唔得嘅咩？」本來諗住走，但係越諗越唔忿氣，點解佢嘅態度可以咁差？於是便回頭對住嗰條女問，點解佢嘅態度可以咁差，而且餐廳收零晨12點，點會唔夠時間？（打邊爐係2小時任食）但係佢繼續喺度斟豉油，並不理會我。我再追問，佢超級晦氣咁講一句：「11點last order, 咁你係咪食一個鐘吖？」我已經唔想再同呢個人講多一句嘢，我便問呢間餐廳嘅負責人係唔係度。佢都係繼續扮做嘢唔答。我再三追問，佢先敷衍咁答呢度冇負責人。我都唔想再嘥時間同佢糾纏落去，便問佢乜嘢名，我要投訴佢，一如既往嘅作風［唔答］。我問咗3、4次，佢先話「我叫［𡃁妹］，呢度得佢一個叫［𡃁妹］。」其實我並不是第一次去，又唔可以叫做熟客，但係都大概最少2個月都去一次。我未試過遇過一個態度咁極度惡劣嘅待應。我都係因為近我屋企，價錢、食物還算合理，先至間唔中去吓。但係一間咁樣因為想要早收工，而去「趕客」嘅餐廳，大家真係要諗下應唔應該去。而且其實，仲有好多選擇㗎！大家三思
繼續閱讀
店舖細細，但有家的感覺，店員成日溫馨提示我哋唔好比個蒸鍋燙到手。叫咗個$308一個人嘅蒸海鮮套餐（假期前夕要加多$20），一盤有龍蝦、大頭蝦、鮑魚、帶子、蟶子、青口、扇貝、生蠔（全部各一），花蟹就二人一隻，海鮮盤只限叫一次。龍蝦彈牙鮮味，不過蟶子就麻麻地，其他海鮮都可以，火鍋配料就任食，亦無限時，牛肉種類都多，有M5和牛，還可以啦。其餘就魚、丸類、蝦、蠔、大頭蝦可以任叫。如果呢個價錢嚟講，相當親民，唔算好好食，不過不失啦！勝在抵食！
繼續閱讀
好難得個次踢完波後同朋友去咗食海鮮, 個海鮮火鍋放題, 有數之不盡既海鮮啲海鮮真係超級新鮮, 個味道正合我心意, 好香好濃 最我難忘嘅係用蒸氣火鍋蒸完海鮮嘅湯底超級鮮甜！我哋最後仲用湯底煮咗碗粥, 正到AA+仲有叫咗其他菜式, 黃金蟹黃飯、清蒸魚同埋蒜蓉蒸龍蝦 黃金蟹黃飯嘅蟹黃好鮮甜同足料, 飯粒粒分明又有飯香味！清蒸魚類嘅魚蒸得啱啱好, 似係海魚! 蒜蓉蒸龍蝦嘅龍蝦係新鮮既同埋肉質彈牙, 重點1佢地既特制蒜蓉醬好惹味 !!
繼續閱讀
同朋友晚飯，無無聊聊，佢就是話試呢一間！ 舖頭環境細細，但係都算企理！ 乾淨企理！ 叫咗呢個$268嘅餐，首先來海鮮，慢慢蒸！ 大頭蝦，都新鮮，（好驚蒸完蝦係霉，一剝殼，隻蝦就爛晒？好彩冇發生過）啲蝦又多膏！ 另外，除咗蒸海鮮，都可以蒸牛肉粒食，第一次蒸牛肉粒，原來好好味，我覺得好過鐵板燒或者火鍋！ 下次真係要再試！用咗45分鐘食蒸海鮮，之後就轉咗食火鍋！ 火煱配料算係咁啦，仲可以繼續叫大頭蝦/ 貝殼類海鮮. 你會覺得種類唔多？但我覺得：呢個價錢，性價比好好！ 加多$20 ，出邊汽水可以任飲，汽水飲品種類唔多， 唔可以同「出邊嗰d $400放題」比，但可樂七喜芬達都係玻璃樽裝，我自己就覺得，好飲過鋁罐裝！ 仲有其他忌廉鮮奶，解茶！ 呢個價錢，真係抵到爛！ 埋單，一個人都唔使$300 ，食緊呢個質素嘅海鮮！ 👏🏻👏🏻👏🏻👍🏻！
繼續閱讀
近呢次食海鮮火鍋放題. 除咗海鮮外,聽講佢哋嘅麻辣雞煲同椒鹽瀨尿蝦都好正, 咁就黎食下~ BOOK 左位時間岩岩好... 黎到就叫咗份麻辣滑雞煲,面層有唔少芝麻帶有香味~ 雞肉好嫩滑,麻辣味好夠喉,芝麻嘅香味令到個麻辣雞嘅味道更加突出~ 呢個係正既。咁另一個令我哋印象深刻嘅係佢哋嘅超巨型椒鹽瀨尿蝦~ 啲蝦好大隻,肉質彈牙又香口~ 呢個既椒鹽嘅味道啱啱好,~ 我哋每人食咗成隻蝦,真係好鬼難忘。海鮮火鍋放題嘅主角始終都係海鮮~~ d海鮮都好新鮮,份量唔少.... 食到好飽~ 我地對海鮮同以上既食物都好滿意~ 啲海鮮新鮮,雞煲同椒鹽瀨尿蝦都好正,CP 值亦都極高~
繼續閱讀