潮膳 (已結業)

家人喜歡食潮州菜，又不想食太貴，所以今日就來到了位於灣仔及銅鑼灣交界的潮膳。環境挺不錯，十分光猛而且坐得幾舒服的，我們只有兩個人都給了張四人枱，很寬敞👍🏻在餐廳門口位置還有師傅即場切滷水，感覺很新鮮和衛生餐牌上有不少選擇，而且還有經濟的二人餐，但思考完一輪，還是想只點我們想吃的食物，所以就沒有點餐。我們一開始點了凍烏頭、是日例湯、墨魚丸併牛丸、蠔仔烙和例牌鵝片。例湯先上來，是粟米蘿蔔煲豬展。這個湯有在家喝的味道，俗語是「煲得好融」，湯料的味道全部入了湯中，雖然是簡單的材料，個湯卻是很甜，而且湯渣給得很足，就算煲完湯都好好食之後來的是墨魚丸併牛丸，首先見到個樣已經好開心，因為有很多紫菜說回丸類，墨魚丸味道較出色，一咬下去即刻有一大朕墨魚的味道充斥口腔，還有些墨魚粒粒; 牛丸就口感取勝，非常彈牙，我個人就比較喜歡牛丸^_^之後再來是潮州凍烏頭，這個是平靚正的代表一大條烏頭都只是78元，同埋肉質鮮美結實啖啖肉，稍微點一點普寧豆醬提一提味就非常好食。靚的烏頭會有黃色的油份滲出這是蠔仔烙，應該有加入木薯粉做底，所以口感煙煙韌韌，加上雞蛋的香味和蠔仔的鮮味，很香口，而且份量慷慨，蠔仔的數量不少，都

「鵝係架堅冷」呢句可能係大家都識既潮州話。番左成日工，點都要叫個湯滋補一下！好足料，是日靚湯係松茸螺片雞腳湯！零味精，好清甜！想食打冷市區都有選擇食潮州野梗係要食滷水啦我地兩個好懶選擇又貪心，咁就貪方便叫個滷水拼盤黎食啦。有雞蛋，滷水鵝，豆腐，豬耳，紅腸，滷肉......鵝肉超滑無蘇味，最鐘意個豆腐吸曬最正既汁！豉油王大蝦有手掌咁長，每口都係肉而且個殼已炸到好脆，成個都食得！粉漿比例剛好，蛋漿都夠薄而且好多蠔仔，記住點魚露食！

今天下午去灣仔開會，見北海中心開了間潮州菜館，門面有型格，吸引我入去品嚐美食。（利申：我鄉下是潮州，由小到大常吃嫲嫲整的潮州菜，所以我對此有非常高要求。）食物種類很多，有不同選擇。而且價錢相宜，童叟無欺。我點了潮州鵝片、蠔仔烙和熱豆漿。鵝片啖啖肉，美味可口，正宗潮州風味，配上蒜醋，味道一絕。此外，食店提供正宗鵝肉（來貨貴），不是一般偽潮州店用鴨肉（來貨平）來舢舨充砲艇。特此拍照存檔， 認著鵝的髻。蠔仔烙味道出眾，蠔仔滋味，配合蠔餅二寶：魚露和胡椒粉，魚露引出鮮味，胡椒帶出香味，豐富味道充斥口腔，令人回味無窮。食店設計滿心思，餐枱櫃桶有一應用餐物品，方便又慳位。食店員工和藹友善，服務殷勤主動，有問必答，能給我很好的意見，而且很有禮貌，我非常欣賞。

行經灣仔，見到北海中心旁新開左一間潮膳 係食潮州菜，作為蠔仔控既我地，當然去試試啦~~ 睇睇餐牌，選擇都幾多，除左潮式小食湯粉，仲有而且佢仲有午餐SET 下午茶，價錢十分親民。首先來當然是一個鹵水拼盤(小$148)，有最愛嘅豆腐，一隻蛋、鹵肉，最好味當然是鹵水鵝片~~ 之後就係潮州菜必點-蠔仔烙 ($78) 蠔餅唔係炸嗰種，啱晒怕熱氣既我~~蠔仔數量幾多，無異味粒粒飽滿~~~作為蠔控再加碼叫一碗蠔仔粥($58) 份量都幾多，兩人每人都可分到兩碗。因為驚唔飽，所以最尾加+$20 將個小菜轉為套餐，包一杯飲品 同埋一碟菜, 男仔可能會需要，但女仔就唔洗了~~總括而言，是滿意的一餐，但如果食野偏淡既姊妹們就可能唔太合胃口~~ 因為幾碟菜都偏咸~~不過重口味朋友就表示超級美好,HAHA!!  

抵食潮菜@灣仔四人餐有個滷水拼盤、三款小菜加個菜，仲有埋甜品先至 $398，相當抵食 👍🏻滷水拼盤好大盤，有好多款唔同嘅滷水食物！最特別係有幾片潮州魚蛋，好鬼彈牙 😋潮州凍烏頭聽就聽得多，今次係第一次食。烏頭好大條，肉臟清得好乾淨，一啲腥味都無～因為條魚好大條，所以好多魚肉阿。啲魚肉好滑，點少少豆醬就 OK潮式蠔仔烙比台灣蚵仔煎口感煙韌啲 😁粉漿比較少，所以好清楚睇到一粒粒肥美嘅蠔仔～冰梅脆香骨就好似咕嚕肉咁，都係酸酸甜甜好啱夏天食，非常開胃 😋排骨上嘅冰梅漿好均勻～生菜幾新鮮，無炒到好油咁，都幾健康。潮州菜粿四件都係唔同味，正阿！右上長扁嗰塊係馬鈴薯粿，同其他菜粿個樣好唔同，馬鈴薯味道好香。左上黃色嗰個係南瓜芋泥粿，外皮係甜甜嘅南瓜味。韭菜粿好明顯係綠色，入面有好多韭菜餡。後面嗰個係雙色芋泥水晶粿，啲芋泥好香甜，味道好好！最後一人一大碗綠合爽清熱解暑～

平時食開西餐同日本野，但係食得多都會厭，係想試平時自己未食過的念頭下黎到一間潮州野的門口，心諗自己平時經過潮州食店多，不過成日先入為主，以為比較污槽同坐得唔舒服，所以咁耐以黎都未食過。不過今次呢間因為係新開無耐的緣故，所以最少無上述的缺點先。入到去雖然時間尚早，但係已經坐左唔少人。見到唔少人都係叫二人餐為主，所以我地都跟風。主要係一個鹵水拼盤加兩個小菜再加一碟菜同兩客細的甜品。因為我地係三人行所以再叫多個小食。因為計落條數二人餐比散叫小菜平唔少。先上滷水拼盤。我以為係冷盤黎，不過都暖暖地。唔似我平時見開果款拼盤，有鵝掌、鵝翼、鵝頸、五花腩、大豆芽、同一款類似滷水貢丸的野食（小弟見識少唔好見怪）。份量好足，就咁原味鹵水汁送飯都得，點下蒜蓉醋都醒胃醒神。之後上兩個小菜，蠔仔烙同冰梅脆香骨。蠔仔烙同出面食開的蠔仔餅唔同的地方在於，用的蠔仔大好多，蠔佔成碟最少都有三分一。另一個脆香骨同之前兩樣比望落份量少的，不過係即炒所以夠哂熱同香口。初頭食落帶好甜的梅汁，食到咁上下d辣味都出埋黎，辣度適中。菜就叫左生菜，跟一兩舊魚乾，不過不失。甜品係綠豆爽同水晶粿。綠豆爽唔算好杰，不過可惜味道偏甜。水晶粿外