陳根記 (已搬遷) 新店位置

今晚同幾個朋友一齊到沙田很出名的大排檔-陳根記食飯！由於是星期六晚的關係，所以我們8點左右去到全場爆滿，需要等位，好在等左一陣就有位啦！我們共點了8個小菜！最開心既係我地竟然叫到全場最後一碟wasabi蟹籽手撕雞（半隻）！手撕雞除了有雞肉，還有爽口既海蜤、火腿同蟹籽，伴有wasabi，少許既攻鼻，令味道有層次！琵琶豆腐，一個我好耐冇食既小菜，將豆腐同魚肉撈埋然後炸，外脆內軟，配上芡汁一齊食，口感豐富！南乳粉絲什菜煲，味道不算很濃，醬汁很稀，菜比較多，而且有很多款唔同既菜，例如西蘭花、菜心、生菜、椰菜、油麥菜，如果想食唔同款既菜可以點黎試下！蠔仔粥，相對比出面「傑」，唔似係出面食既潮州蠔仔粥咁，不過個粥有好多蠔仔，都幾好既！香煎蠔餅，蠔仔都好多，炸粉同蠔仔比例平均，如果可以提供埋魚露就更好啦！我地仲叫左炸大腸同椒鹽九肚魚，不過我冇食就唔寫啦！睇到banner之後好似會搬去石門，如果遲啲要食就要去果邊囉！總括黎講唔知係咪多人，所以野食比平日晚上食差少少，不過非常適合一大班人一齊黎食，因為食物份量多！

陳根記,讀中文大學的學生一定聽過!這個大排檔位於沙田禾輋,聽說很多中大學生都會相約食消夜這天我和家人就慕名而來,因為聽說要早點來才不用等位,於是我們五點半已經來了未到5:45大排檔差不多已經坐滿人我們心裏大叫了一聲好彩!這裏所有東西都是自助的,自己把要點的菜寫在落菜單,自己找位置這裏環境如果是大排檔來說是不錯,至少感覺不是濕濕漉漉污糟的來說一下食物,這天我們點了知名的Wasabi手撕雞,名字是有點fusion菜般的老實說沒有Wasabi味,只是與普通手撕雞差不多,沒有驚喜但不過不失反而我對於香煎腐皮卷超有驚喜他是比外面一般吃到的更要大,煎得香脆之餘裏面餡料充足,意想不到這個價錢會有這樣的份量和質素😆😆😆接着蠔仔粥亦是我想推介的!蠔肉大粒而且相當鮮甜,這裏沒有因為要減輕成本而加大量水於粥中,反而是吃到綿綿香米,真材實料👍🏻我們亦點了一般茶餐廳都有的金銀蛋時蔬金銀蛋份量相當驚人!與一般茶餐廳有別,菜亦十分鮮甜,浸菜的湯底於是帶有點點鮮甜味❤最後這個牛柳煲就相對有點肥膩了,不過我這個喜歡吃三色椒和洋蔥的人來說就相當興奮,值得一讚是配菜與牛肉比例同樣地多,不像一般外面供應的配菜多而牛柳只佔三份

好耐冇黎過雖然係星期三黎食但都好多人周圍好嘈攪到講野都要大聲d唔係聽唔到人地講咩叫左四樣野好快上到菜避風塘瀨尿蝦-冇以前咁辣,同埋黎到既時候賣相麻麻,不過都係幾好味既椒鹽鮮魷-呢個係4個之中最唔好食,唔夠脆,同埋冇咩鮮魷蠔仔粥-好夠味,料好足辣酒煮花螺-花螺好入味,又彈牙,4個之中最好~整體黎講好食,價錢合理~