新城潮州飯店

營業中

休息中

九龍城一向都係美食集中地，有好多老字號餐廳，今次就黎試吓呢間潮州菜👍🏻我星期一嚟食，去到八點幾嘅時候已經滿座，其他同街的餐廳都係坐到一半客人，可見佢都幾好生意😌🦆鵝片 鵝片肉質都幾霖身同有肉汁，比想像中好食，同價位潮州菜來講係高質。🐙鵝腸拼墨魚 鵝腸脆身爽口，口感十足，墨魚都唔會太韌，軟硬度啱啱好。滷水汁偏淡。💛蠔仔餅 份量驚人，相片呢度其實搭咗兩層蠔餅，我地兩個人都食唔曬。蠔肉都算多，但炸粉都好多同比較油，所以食完會好滯。味道偏鹹，適合重口味人士。💛油鹽水豆腐 豆腐都好香嫩，但外面包裹嘅炸衣偏硬，提供的點汁味道亦較為單薄。我哋一共叫咗四個餸，每碟份量都足，埋單$400左右，都算抵食，性價比算高👌🏻

朋友一家係呢間飯店常客，覺得我嘅口味同佢差唔多，推介我去試吓地道潮州菜。用料足，蠔仔新鮮、大隻；加埋肉碎、冬菇、方魚大塊但有啲硬。蠔仔都係好大隻、唔腥，但入口有啲油。上枱時已是切開咗，見唔到有鹽喺隻碟或魚身，唔知佢哋用乜嘢方法焗！魚肉好滑、仲有油流出，好香，一啲都唔咸，加少少普寧豆醬夠晒胡椒味，一碗都有好多料，大大塊咸菜有口感，豬肚好淋。鵝片雖然淋但唔夠入味，墨魚就一般啦，反而花生同豆腐索晒啲鹵水汁香料味。飯店做街方生意，見我哋得兩個人，叫我哋唔使點太多嘢，驚我哋食唔晒