大中華飯店 (已搬遷) 新店位置

之前食過男朋友買的黑椒豬手，味道唔錯。趁今日（6／1）仲有堂食，我哋帶埋家人一齊去試試堂食，7：30去到，等位到8：00入座。 我哋叫左黑椒豬手（ 豬皮軟淋淋，豬肉唔會乾柴，個黑椒汁甜甜辣辣幾惹味）炒雞什 （好香，一黎掛住食唔記得影相）蠔餅 （即炸蠔餅，我覺得好好食）咸蛋仙魷 （外脆內軟，又唔會過咸，一定要再食） 西蘭花扒冬菇（一般）脆炸皮蛋 （個樣好衰，味道ok）豉椒鵝腸 （個樣又黑又油，但我覺得幾好味）椒鹽排骨并炸大腸 （呢個不會再叫，排骨乾柴，大腸軟淋。。。）希望疫情快d退去，會再次享受堂食的豬手，外賣味道雖然都好正,但一定不及堂食熱辣辣美味。

飯店離地鐵站有段距離，行都去熱騰騰但好彩冷氣夠曬涼.但如果好像我我甘弱質編编記得帶多件風褸仔。講返食物先，本menu都有返甘上下厚，圖文並茂，菜名都幾有創意，有少少衝動想叫個"肉鮮肉死"，但友人目標非常清晰，只叫主打熱門菜式（土匪雞、鐵板黑椒豬手、琵琶豆腐、蠔餅、蜆芥鯪魚球、腊味煲仔飯）。本來去到先叫到menu話土匪雞要預訂，友人當堂嚇一嚇，然後得啖笑，但其實食頭圍（六點至八點）既都有得叫的，同埋可能土匪雞都吾算平（再唸返，個名都俾哂tips），所以都吾係好多枱有叫到。吾洗五分鐘隻土匪雞就到左，上菜速度十分驚人，隻雞既擺位都幾出位，打卡一流，肉質都吾錯，最主要係有得自己切。鐵板黑椒豬手亦相當正，今次叫的幾個菜都要自己動手，幾有趣！至於蜆芥鯪魚球炸得幾乾身，個醬汁幾特別，酸得尼帶點甜，又不像普通酸甜醬。相當腊味煲仔飯就比下出，分量同個煲不成正比，友人笑言係咪畀人食過。整體黎講，食物都十分出色，一貫有大牌檔風味，值得推薦！P.s. 飲品在店無得叫，要在街口的士多買，是次只喝茶，但走的時候留意到士多價錢亦可接受。

收工約埋幾個大學同學食飯，因為想食中菜嘅關係，我地揀左去長沙灣嘅人氣大排檔大中華飯店。.由長沙灣C出口出，向荔枝角方向行大約5-10分鐘就到。去到附近，你就會見到一系列嘅大中華餐廳，有小食店、甜品店等等，係甜品店嘅轉彎就會見到大中華飯店正門口。無論有無訂枱，都係要去正門口攞枱，星期六日比較full，所以最好訂左位先黎。我地今次有訂枱又係平日夜晚，所以就完全唔洗等位。.呢到落單係半自助形式，入座嘅時候會有張單，你係單上面寫低想叫嘅餸菜，然後就交出去頭先攞位個counter到就得。要買酒水都係要過去大中華甜品隔離嘅士多到買。.大中華有兩大名菜係一定要試，分別係鐵板黑椒豬手同土匪雞，我地當然有叫啦！我地另外叫左蠔餅、西蘭花炒豬頸肉同鼓椒炒花甲。.我一向麻麻地食中式豬手，但係之前同屋企人黎食過呢到嘅豬手之後，一試愛上啲豬皮好厚身好腍，食落有滿滿骨膠原嘅感覺！而且個黑椒汁十分惹味，用黎餸飯一流！土匪雞上碟嘅時候係串係鐵枝上面，估計燒嘅時候已經係咁，因為碟上面無厚厚嘅雞油，而且燒得好平均，成隻雞都皮脆肉嫩🤤唯一美中不足係個醬太咸，試左一啖之後就無用啦，因為其實本身都夠味🙈蠔餅我嫌個炸粉味道一般，不

又一舊朋友飯局，一班麻甩佬唔使食環境，最緊要好食有鑊氣同夠熱鬧同對啤啤，大排檔係不二之選。總括而言鐵板黑椒豬手、臘味煲仔飯係必食之選。豬手好林好入味，上枱時熱辣辣炸炸聲。自己平時都好鍾意食臘味飯，但呢個臘味煲仔飯正就正在好多葱去炒，加埋飯焦真係一絕。其實其他小炒都好食好有鑊氣，不過去大排檔應該要係咁，所以都唔多介紹其他了。可能係對男人浪漫的偏愛，呢編比分好鬆手必食黑椒豬手土匪雞點都要叫黎影返張相啦炒蟶子都好唔錯蠔餅好多蠔好脆必食臘味煲仔飯西蘭花炒牛肉好夠鑊氣好好食鱔都非常唔錯

今次係第二次去大中華，第一次食過那隻招牌雞，太乾身味道又無乜特別，所以今次無預訂，豬手又太鹹所以又無叫，自己寫菜落單，無服務可言，今次點左蜆芥鯪魚球、炸大腸、冰鎮鮑魚螺片、蠔餅、亂棍打死牛魔王、墨魚餅最好味，但可惜係第二輪加單，所以開始放慢腳步開始飽，食剩一件浪費了⋯仲有碟家常小菜西蘭花炒牛肉，5個人最後都吃光光～好味

今晚我們去咗大中華飯店食晚飯！我們今晚叫咗臘味煲仔飯、黑椒鐵板豬手、椒鹽田鷄、椒鹽九肚魚、蠔餅、南乳吊燒鱔、土匪鷄同中華特色撈起！他們嘅招牌臘味煲仔飯真係非常足料，有超多臘腸、膶腸同臘肉，仲有原粒花生！真係非常香口同鑊氣十足！係本人嘅必食推介！黑椒鐵板豬手嘅黑椒汁非常濃郁，豬手嘅皮同肉質亦好嫩滑！土匪鷄嘅賣相非常吸引，皮脆肉嫩！南乳吊燒鱔肉質彈牙！中華特色撈起非常清新，喺呢個炎炎夏日嚟食真係最佳嘅選擇！椒鹽田鷄同椒鹽九肚魚亦炸得好酥脆！仲有好多特色嘅小炒我都仲未試到！所以我下次必定會再嚟食！

大中華依個名，無論係飲食節目，定係朋友介紹都聽過好多次。今次與同事聚會終於有機會試。食飯有分時段1815－2015，2015－2215同一般食小菜既飯店一樣，環境一般，但座位夠，亦都唔迫。飲品同甜品都要例外買，但其實亦都屬於佢地既，比較得意。食物好快就到，可能唔算太滿既關係，過左時間只係叫我地埋單，無趕我地走，依個抵讚。價錢亦都好合理，絕對可以encore