天天海南雞飯 (新城市廣場三期)

營業中

休息中

放工約父母食海南雞，以前同父母係新加坡旅行時食過，係香港就第一次試這間店。我地點左半隻海南雞、二人份油飯、炒椰菜花同蠔餅。原本我地打算點串燒，有6串，豬牛雞各2串，不過父親食牛肉會敏感，而我同母親又一般所以落單時問侍應可否轉其他肉，怎料我想開口講“我想問可唔……“未講到一半侍應立刻“不可以“回應我，勁嬲，態度仲要超差，真係隔住個口罩都知佢係黑口黑面不過，其他侍應態度良好嘅。講返食物，海南雞雞肉好滑，連雞胸肉都好似脾咁滑；油飯份量足，我地本身食量唔算多，所以足夠；椰菜花加左類似馬拉盞炒所以很惹味；蠔餅香脆，值得一試

朋友住喺沙田嗰邊，話想試好耐，本來話兩個人食未必食到好多款菜式，但行嚟行去，都係聞到呢一間餐廳傳來嘅香味，俾佢嘅香味吸引😋😋，所以我哋都係決定咗試吓食呢一間。呢一間係食星加坡菜，但係有少少fusion。因為我哋得兩個女仔，所以叫咗三個菜式試吓😁😁。1. 例牌海南雞：佢有幾款唔同烹調手法嘅雞可以選擇，我懶得吐骨，所以就揀咗海南雞🤣。一送到上嚟，個賣相我自己覺得麻麻地，雞皮嘅顏色較淡，白白的😅。而個雞唔重雞香味，肉質亦都較乾身，連雞髀位都會覺得唔夠多油脂，同雞胸肉冇乜分別。佢明明係食雞好出名，但係呢一碟海南雞就真係有啲失望😢🥴。而佢嘅醬汁，唔夠多，另外黑色嘅豉油醬太solid，完全上唔到落個雞到。😣😖😫2. 煎蠔餅：而個蠔餅又出奇地好食喎！🥰😋個皮炸得好脆身，裏面既蠔同蛋汁就夠濕口，中和番。加埋個酸辣汁，唔會感覺好邪惡太熱氣。3. 一鍋二至三人份量嘅油飯：佢嘅有返係一鍋上，味道係唔錯，但係飯嘅質地都係較為乾身😔，要用酸辣汁整濕個飯黎食。兩個女仔食個飯就啱啱好份量。服務方面，侍應都幾細心，知道我地要除口罩，就俾多張紙巾我哋包起佢☺️。