Bingo & Cook (駱克駅) (已搬遷) 新店位置

Happy new year!!! 🎉Nothing is better than having good food for celebrating the beginning of a new year😆 Last weekend I tried this super delicious Korean restaurant “Bingo & Cook” 🇰🇷in Causeway Bay. It was opened by a Korean chef so the food they provided is very traditional Korean style! I must say this is so far the best Korean food I have never tried in Hong Kong!!! Soy marinated crab (2 pcs with rice bowl)🦀 $ 380This is absolutely my favourite Korean dish! I have only tried it in Korea before

6點半坐低都仲有好多位，一到7點就開始人多，果然好受歡迎。點菜時識員原來係講韓文嘅，好有韓國feel🇰🇷是日菜單：☆海鮮蔥餅 - 出乎意料咁好味，餅底香脆，再配埋足料海鮮，加上少許蔥更加香。☆蜂蜜黃油炸雞 - 完全冇諗過炸雞係咁嘅味！一放低就聞到好香蜂蜜味🐝一放入口...炸雞面層嘅粉好香甜，但又冇蓋過雞嘅味道。表層脆口，雞肉嫩滑仲保留肉汁，兩者配搭得天衣無縫，唔點醬汁都已經好好味👍🏻☆炸醬年糕 - 由於蔥餅同炸雞實在太出色，年糕相比之下較為遜色，但味道都唔錯嘅。不過真係要趁熱食會好啲，我哋掛住食炸雞同蔥餅，年糕放涼咗先食，年糕凍咗有啲韌，麵底都癡埋變咗一舊。☆奧利奧奶昔 - 唔會太甜，但又好夠味，不過會飽肚啲😆☆西柚碳酸水 - 西柚味夠哂濃，又唔會酸，係我最鐘意嘅味道😋整體今次體驗完全意想不到，下次一定要再去食，極力推薦👍🏻👍🏻👍🏻

今次小編嚟到食韓國嘢😝呢間聽聞好出名 所以就嚟試吓😗👅五花肉泡菜餅 $140呢個泡菜餅超級推介‼️佢煎得好香 泡菜味都幾濃郁🤤帶少少辣 而五花肉煎得幾香脆 令到泡菜餅嘅口感更加豐富😋😋點埋佢甜甜地嘅豉油醬汁 真係好好食🥰👅甜辣無骨炸雞 （半份）$120啲炸雞真係超級大隻🍗雖然佢有好多甜甜辣辣嘅醬汁 但係仲可以保持到炸雞食落仲好香脆🤩🤩值得一讚嘅係佢嘅雞完全冇骨‼️同埋非常嫩滑 咬落去啖啖肉仲有好多肉🤤超好味🙈👅韓式炒年糕 $158佢嘅醬汁係一啲好典型嘅韓式辣醬 食食吓都覺得幾辣🥵🥵佢嘅配料有蛋🍳韓式公仔麵 年糕同埋韓式魚糕😚不過略嫌佢嘅醬汁比較杰身🤫同埋如果有埋芝士就更加好食啦 🧀👅Cookies and cream 奶昔 $65味道濃郁又唔係太甜 幾好飲😝😝👅西柚碳酸水 $56酸酸地幾開胃🤩唔錯總括嚟講呢間韓國餐廳嘅食物幾好食😋佢嘅菜式都幾地道😝所以依家未去到韓國旅行可以去住呢間餐廳頂住先🙈😋 好味：8.17/10🤑 價錢：7.88/10🤗 服務：7.35/10😝 環境：7.21/10😚 衞生：7.10/10🤩 整體：8.07/10

今晚約咗準新郎一齊食飯，同事推介呢間韓國嘢，話食物係正宗韓國口味。升降機大堂有可愛壁畫，店內呈長方形，有幾個卡位，其他坐位比較親密。我哋坐响玻璃窗邊，可以望到地鐡C出口。傍晚6點幾唔係好多人，7點過後就已經爆滿，好彩有訂位。兩個人叫咗一份豬腳、一個大醬鍋。豬腳$240豬腳已經起晒肉，配菜都有好幾種：有生菜、醃黃芽白、紅菜頭片、生洋蔥、辣蘿蔔絲及韓式甜辣醬。豬腳煮得夠入味，豬皮軟滑又有彈性，骨膠原豐富，就咁食都好好食。而豬腳肉大部份偏瘦，勝在口感唔會韌喎。將豬腳肉放响生菜上面，加埋醃黃芽白、紅菜頭片、生洋蔥、辣蘿蔔絲...等然後全部包住嚟食，口感爽脆，又辣又香，一啲都唔覺得膩喎，食到停唔到口呀！正。如果點埋跟菜嘅甜辣醬，更加好味，真係好夾呀。大醬火鍋$180材料砌放整齊放响平底鑊上，裏面有咩真係一目了然架：豆腐、翠玉瓜、洋蔥、韮菜、辣椒、拉麵、豚肉，仲有一份醬料在中間。 所有材料都沒有炒過，醬料係韓式味噌+辣醬，少少辣加少少咸香，清清哋感覺幾健康。西柚碳酸水$56有好香嘅西柚味，新鮮西柚汁加埋碳酸水，味道清爽又清新，涼快解渴又去膩。輕輕鬆鬆傾吓講吓又一晚，係一個氣氛唔錯嘅聚會地方。

等了好耐想食的韓國餐，今日星期4，7點多來到，已經要等位。 店舖不算大，但坐到滿一滿。其實在來之前已經鎖定了韓式煎餅，年糕及炸雞。見餐牌上，以上幾款都有幾種口味，實在選擇困難，樣樣都想食。最後叫了甜辣醬炸雞，韓式炒年糕，泡菜煎餅。炸雞有全份或半份選擇，我一行兩人，叫了個半份。炸雞好脆，最怕係油而膩，但今次炸雞好乾爽，不會成口都係油。雞肉方面，肥瘦適中，亦吾會炸到乾蒸蒸。 邊食邊吹水，不錯不錯。今次是甜辣醬炸雞，辣辣地好開胃。其實都想試蜂蜜炸雞，下次可能會試下。年糕，曾經在宮廷炒年糕定韓式年糕想了好耐，最後都是韓式年糕。配上辛辣麵，韓式魚糕，蛋等配料。雖然自己平常都有嘗試煮類似的，但就是煮不到這種味。整鍋都係韓國常吃食材。煎餅，這個超級值得推介，眾多煎餅，曾經想過叫海鮮煎餅，但最後都是泡菜煎餅。因為泡菜是韓國食品。煎餅是薄身而脆，它不油，中間夾左少量洋蔥，食落第一層是脆皮，然後就是泡菜和洋蔥粒相當有咬口，配上幾件魷魚，有個小醬汁提供，沾了就較濃味。飲品朋友叫了個西柚碳酸水，冰凍酸酸地，正好中和下，我就叫左個檸檬薑汁。 食完好飽，大滿足，癸準備肥多幾磅了。

韓國菜通常離不開都係食泡菜再唔係就食部隊鍋同埋炸雞今次嚟到呢間韓國菜餐廳Bingo & cook🌟食啲唔同嘅嘢水泥牆裝修加上特色牆畫令我有少少置身韓國嘅感覺食物方面今次我試咗有別平時嘅食物🔶韓式無骨烤雞烤雞即點即做，雖然等待嘅時間頗長但係等待係值得嘅，因為真係超好食平時一般都會食炸雞，但係今次烤雞皮脆肉嫩，一啖咬開肉汁就流出嚟雞肉嘅調味主要用鹽，帶有微微香辣忍唔住一啖接一啖而且有薯仔同粟米一齊烤焗配菜沾有烤雞嘅雞汁，非常出色及滋味🔶韓式海鮮炒飯一個充滿鑊氣嘅炒飯，配料十足海鮮炒飯入面有唔同嘅海鮮配料以外另外仲有炸魷魚圈鋪喺飯面味道同平時韓式炒飯好唔同因為平時嘅味道通常都係充滿泡菜味呢個有少少特別但係又有少少似港式炒飯嘅味道🔶生菜包肉非常豪華嘅生菜包肉五花腩已經幫你處理好切開一片片上碟五花腩有一層層肥膏，十分香口附上生菜、醃蘿蔔及泡菜令生菜包口感及味道更豐富🔶西柚碳酸水本人好鍾意西柚味嘅所有食物及飲品所以西柚碳酸水正中下懷有好香嘅西柚味，酸酸澀澀嘅味道加埋碳酸水好幼細嘅氣泡，超解膩🔶士多啤梨奶昔有小朋友一齊食飯必點奶昔飲得出係用真士多啤梨肉打出嚟所以味道特別香甜，而且打得好幼滑唔覺唔覺，

韓式無骨炸雞($178)，揀左醬油味，份量都幾多，醬油味好味，內裏雞肉亦有肉汁，仲有焗薯仔同粟米做配料，沾上醬油都幾夾。3個醬汁都唔係跟任何食物，係職員主動問我地需唔需要點汁，服務態度非常之好。部隊鍋($180)，好多料，有一片片卡夫芝士，溶左之後撈埋個麵好正，豬肉亦軟腍，仲有魚腐索晒湯汁。薯仔煎餅($100)，雖然係油份高，但咁樣先煎得夠香口，可以點埋個醬汁，食到有少少甜味。西柚碳酸水($56)，味道好夠，重西柚味，大杯兼解渴。水蜜桃碳酸水($56)。差唔多坐到人頭湧湧，野食確係煮得唔錯。

昨天行街看見Bingo＆Cook 韓國餐廳，已想著一定要來試試。 今早朋友約吃lunch ，當然即相約來吃 。 餐廳位置十分方便，一出銅鑼灣地鐡過馬路就到。 上到2/F一步出電梯門，已看見牆身劃了很多可愛又生動卡通，令人感到輕鬆又放鬆。一個長形開放式廚房，在頂上放了大幅食物照片作裝飾。原隻炸魷彈彈麵原隻超大炸魷放在彈彈麵上，配上辛辣湯底。 原碟放在枱上後，跟著再幫我們把炸魷剪成小塊。 麵質感十分特別，口感有點回彈力。海鮮蔥餅放滿海鮮及蔥段，加入薄薄粉漿煎，啖啖也是超美味海鮮，大滿足。海鮮嫩豆腐火鍋湯底較清淡，但海鮮份量多，大滾後把辣醬拌入，看著海鮮慢慢煮熟，湯底又煮至濃縮，真的越食越滋味。藍莓奶昔好香濃藍莓味道，奶昔幼滑，好美味。西柚碳酸水帶有酸酸甘甜味，有種幫助消滯感覺。

今天來到是一間樓上韓式小館用膳佈置雅緻氣氛令人舒服侍應生中有不少是韓藉人仕所以有時也需要用英文溝通先來一杯西柚碳酸水味道討好喝得出加入了不少鮮西柚汁酸酸甜甜是我最愛的味道點了韓式炸雞醃豬腳和牛肉炒粉絲炸雞無骨醃得入味外層酥脆肉質軟腍咬下去還有肉汁滲出呢韓式豬腳賣相看似正宗但肉質頗硬豬肉味欠奉需要沾醬汁和配搭配菜食用才夠味牛肉炒粉絲味道相當韓式粉絲置放於石鍋內保溫又好吃牛肉肉味濃粉絲非常滑及彈牙值得推薦

表妹從外國回來，最想吃的就是韓國炸雞。所以今天就帶她到由正宗韓國仔仔主理的bingo &cook吃晚飯。餐廳位於銅鑼灣駱克道，就在銅鑼灣地鐵站一出不到2分鐘便到達，位置十分方便。它在駱克駅2樓，環境夠大，坐得舒適。坐近窗的更可一覽銅鑼灣的街景。這裏的店員都很有禮貌，多以韓國人為主，令食客感覺食物更加正宗，充滿韓國風味。去得韓國炸雞店必點的一定是炸雞。兩個女生都是懶人，所以點了韓式無骨炸雞，貪佢吃得方便。在這個凍冰冰的寒冷天氣，更要添上一個火鍋暖暖胃。韓式無骨炸雞（甜辣醬） $168賣相就已經覺得很吸引。炸雞炸得香脆，外皮炸粉不算多，輕輕咬落去香脆無比。雞肉肉質嫩滑，就算經過烤焗和多重烹煮，也不會鞋。甜辣醬香濃，十分惹味。炸雞上灑上蒜香片，讓炸雞更添香氣。旁邊更有烤粟米和焗薯仔。薯仔薯味香濃，蘸上餐廳的沙律醬和芥茉醬更加滋味。不過略嫌粟米較為乾身。烤肉嫩豆腐火鍋 $160烤肉經過韓式秘製醬汁醃制，所以味道濃郁。豆腐好不吝嗇，整整是一磚豆腐。豆腐香滑，豆味香濃，而且吸收了湯底精華，很嫩滑，順滑順口。火鍋更有不少蔬菜配料，香菇十分香甜和爽脆，吸收了湯底的濃郁味道，加上烤肉的鮮甜，很不錯。不得

耐不耐又想食韓國炸雞及韓國料理，今天適逢喺銅鑼灣，所以去番Bingo & Co 回味下餐廳重新裝修過，設有舒適卡位，而中間放左大長枱，適合大班朋友聚會。牆上有個大電視，播出柔和韓國音樂，配上柔和燈光，感覺不錯👍🏻韓式炸雞（醬油）味道，炸雞份量好大，外面炸得好乾手，雞皮脆卜卜，加埋醬油味，十分惹味，雞肉幼嫰，好滑唔乾部隊鍋用料豐富，有豬腩肉、午餐肉、魚糕、腸仔⋯ 等侍應姐姐會幫我們處理埋，唔駛自己動手薄薄豬腩肉，爽口又唔肥，魚糕彈牙，年糕煙煙靭靱，吸哂湯汁，辣辣地，好味道，食到停唔到西柚碳酸水，西柚味道濃厚，好淸新，又解渴

今晚約左三位姐妹去銅鑼灣聚聚，我地都係泡菜國擁躉當然會選韓式餐廳，今次試一間位於駱克駅嘅Bingo & Cook~一出就見到好別致嘅裝修，木裝飾配上燈泡好似星星咁掛係天花板，現場播著韓語歌令我地幾位韓迷都好陶醉。飲品顏色好吸引，我地每人點咗一杯😊餐牌好多食物選擇，我地每人揀咗一款!西柚碳酸水好清新好醒神👍水蜜桃碳酸水/奧利奧奶昔水蜜桃碳酸水: 蜜桃味好香又唔會好甜，好飲!奧利奧奶昔: 甜度剛好唔會好似雪糕咁甜，飲多兩啖都唔會感覺膩！藍檸檬Coronarita姐妹點我無試到😆韓式魷魚炸雞服務員會幫我地剪開魷魚方便我地進食，有幾款調味料(辣醬~甜醬~沙律醬~芥末)比我地點嚟食，每款都味試過最愛係辣醬，夠惹味。魷魚好彈牙唔會乾，炸雞粉醬唔厚☺忌廉芝士雞肉湯麵芝士味好濃，夾起麵條重會有拉絲😍完全唔似湯麵。豬腳有生菜、漬物比我地包住來食，配辣醬食食多幾件都唔會感覺膩。一碟好快就清晒😆牛肉炒粉絲配料份量和粉絲一樣，鹹度很恰當，份量足料👍由於食物份量多，我哋四個女仔食唔晒，大家都捧住個肚走，又食又拎😍

港人崇韓的氣氛日趨白熱化，不同區域的食街韓國餐廳林立。是日相約好友共聚，韓迷吃韓食是基本常識吧！不同食店我們相約到駱克駅的「Bingo and Cook」，店內位置不算多；我想大約40個座位。 餐廳環境猶如去了一個「小韓國」，有OPPA駐場立即變得不一樣。韓國人除了懂韓文只外，幸好懂得普通話；如果不是會變得言語不通。喜歡韓流音樂的我，立即變得手舞足動。牆身大型幕滿有韓國的音樂特輯，星期五的關係更加全院滿座。 打開餐牌與平常的韓食店都大為相同，炸雞、烤雞或是煎餅及部隊鍋應有盡有。炸雞有啤酒或燒酒同吃也不是新鮮事物，不善酒力都有奶昔及碳酸飲料等供應。我倆是眼闊肚窄的女生，幸好有半份單點可點其他菜式品嚐一番。 甜辣醬韓式炸雞（半份） $118首先到來是必吃之物-炸雞，香噴噴熱騰騰的炸雞最重要的是皮身香脆而不膩。皮身不要太厚粉才算是上乘，咬開中央肉質嫩滑多汁，配上甜辣醬汁變得惹味無比。 燒牛肉韮菜煎餅 $90平常只有泡菜煎餅但今次卻有新菜式，韮菜煎餅見得多但混合牛肉也是第一次。原盤韮菜煎餅上桌，每塊切至細件並帶有脆身；牛肉的鮮味配合韮菜的鹹香，香口又美味。 部隊鍋 $180吃韓食又點少得部隊鍋

早幾天約了一個半年沒有見的朋友吃晚飯，她說這間餐廳是她今年吃過最好吃的韓國餐廳，所以帶我來了！餐廳內的侍應大多是韓國人，就我所見，好像僅一人是香港人。不吃辣的我，從餐牌選了3款食物～～韓式魷魚炸雞($180) 我覺得份量幾多，足夠3-4人享用。魷魚原隻呈上，店員幫我地剪問一塊塊。底下就有炸雞、粟米和薯仔。 有4款醬汁可以點，沒記錯的話就是蜜糖芥末、醬油、甜辣醬和沙律醬。炸粉是都比較薄，吃下去有種鬆脆的口感，皮愛肉嫩。魷魚好爽口呢，炸雞體積少但量多，雞件好嫩滑，本身已經帶有味道，有一種微微微微辣的味道，好回味！ 烤牛肉韮菜餅($90) 實物比圖片吸引！粉漿好少，基本上都是韮菜來的，而牛肉就集中在中間的位置，味道似中式薄餅，兩面微脆。其實我平時都很愛吃中式薄餅，所以都很愛吃這個，香口得來又忍不住一件接一件吃。為什麼這麼好吃？我看著相片都好想再吃... 海鮮刀削麵($96) 前2款食物都是煎炸的食物，想吃一點清淡點的食物，無奈選擇不多，所以選擇了這個刀削麵。 湯好有味道，未算完全清淡，因為有一層油浮了上面，但在不停吃煎炸的食物之間，來幾口煙煙韌韌刀削麵，可以緩衝味蕾的油膩感。韓國青提子米酒