Bingo & Cook (駱克駅) (已搬遷) 新店位置

韓式無骨炸雞($178)，揀左醬油味，份量都幾多，醬油味好味，內裏雞肉亦有肉汁，仲有焗薯仔同粟米做配料，沾上醬油都幾夾。3個醬汁都唔係跟任何食物，係職員主動問我地需唔需要點汁，服務態度非常之好。部隊鍋($180)，好多料，有一片片卡夫芝士，溶左之後撈埋個麵好正，豬肉亦軟腍，仲有魚腐索晒湯汁。薯仔煎餅($100)，雖然係油份高，但咁樣先煎得夠香口，可以點埋個醬汁，食到有少少甜味。西柚碳酸水($56)，味道好夠，重西柚味，大杯兼解渴。水蜜桃碳酸水($56)。差唔多坐到人頭湧湧，野食確係煮得唔錯。