Holly Brown (已結業)

今個星期五啱啱放寬返晚市堂食去到夜晚九點，男朋友就book咗中環Holly Brown食Happy Friday晚餐 😊聽講今年啱啱裝修完，餐廳前面會見到有雪糕甜品同咖啡，而後面就有好多位俾人食西餐。今晚唔算多人，雖然冇咗平日dinner set, 但係主食前菜嗰啲就半價，每人要嗌一杯正價嘢飲，整體都算好抵食！ 我哋嗌左兩個前菜 （白酒煮青口, Nachos),一個主食 （西班牙慢煮乳豬），再嗌左兩杯嘢飲。比較出名嘅西班牙慢煮乳豬的確幾有驚喜！唔單止大大份，仲整得好好食。乳豬外脆內軟，個皮脆卜卜 ，而豬肉鮮嫩而且好有肉汁，配搭得啱啱好 😋 推介值得一試。另外兩杯正價嘢飲亦都物有所值，其中一杯係藍色雲呢拿milkshake好似招牌藍色雲呢拿雪糕咁，都幾得意 😬另一杯就叫咗香蕉拖肥 milkshake，出奇地香蕉味同拖肥味都好濃，男朋友話覺得好好飲，我試過亦的確不錯。食完正餐，由於女仔甜品有另一個胃，我哋都嗌左一杯雪糕，揀咗青蘋果味同埋莓味，兩款都係比較清新嘅水果味，尤其青蘋果味比較特別 🍨呢餐圓滿結束大滿足!!! 😬☺️

Holly Brown 既炒雪糕好食大家都唔會反對佢地依家仲有埋熟食😍而今次要推介既係.西班牙慢煮乳豬 $168真心做到外脆內軟 咬落去時真係卜卜脆 而且肉質非常嫩滑juicy 好香口🤤🤤🤤

Holly Brown #中環中學嗰陣成日都食佢嘅炒雪糕，過咗咁多年而家連熟食都有埋，仲要都幾高質！中環呢一間店最有上下兩層，環境超大幾舒服，真心唔錯。Lunch set百零蚊就食到，仲要包埋餐湯/田園沙律、甜品、野飲，好抵食！西班牙慢煮乳豬 $168個乳豬真心外脆內軟，有時會好驚乳豬個皮太硬搞到刮親個口，但呢個真係脆卜卜嗰隻，而且乳豬啲就肉亦好淋，有少少肥肉一齊食，好甘香。牛油果雞肉三文治 $128就連個三文治都有驚喜！佢個包好香芝麻味，外皮烘到脆脆地咁，好正！加上喺入面渣咗一啲甜甜地嘅醬，配埋啲雞肉一齊食好正！牛油果嘅份量亦都唔少，成個食健康得來又飽肚！甜品方面仲有四款唔同嘅蛋糕可以揀，今次揀咗cappuccino mousse, mango coconut cheese cake!兩個都同樣好好味，特別係個cappuccino mousse，真係好香咖啡味，配上佢有朱古力味嘅餅底，好正！冇諗過lunch set配嘅甜品都整得咁好！而且嗰日有南瓜湯飲，平時啲南瓜湯都會將啲南瓜加埋忌廉打到好蓉，但係呢個南瓜湯係真係會見到一絲絲嘅南瓜肉，真材實料。我真心強烈推介holly brown!