Sueno (已結業)

今個月生日🎂7月之星有成4個人🥳🎂上網見到好似好好味個西班牙海鮮飯🥘吸引左我來試，一入門口暗暗地夠氣氛，book左樓上，啲員工好有禮貌招待。。。。。野食質素都好好，最正係個西班牙海鮮飯，同慢煮乳豬，價錢適中，會再推薦朋友來食🥰😘

🇪🇸 今日搵食黎到灣仔，一間近囍帖街嘅西班牙菜餐廳- Sueno雖然鋪頭細細，但裝修都好有格調，仲有開放式廚房架，環境都唔錯👍🏻野食方面，我地叫咗➡️”香炸蟹波”，一上枱就知係即叫即整, 仲用足料, 一啖咬開滿滿都係一絲絲蟹肉，外皮外脆得黎又唔會太厚, 加埋d 汁夠哂惹味😋小食我地仲叫咗➡️”西班牙蛋餅”，賣相比較精緻，蛋香味好出，蛋餅都好厚身，入面應該加左西班牙肉腸食得出有咸香，加埋沙津另有一番風味😁主食我地就叫咗”烤乳豬”同”西班牙海鮮飯”，➡️”烤乳豬”就真係相當有驚喜，肉非常嫩滑，完全唔會有過老嘅感覺，皮雖然唔係廣東乳豬果隻脆皮，但薄薄一片，烤到大部油脂已經流走後都有一個好脆身嘅口感，強力推薦，黎到一定要試下😝😝而且伴碟仲有表面加左焦糖嘅菠蘿，食落就無咁油膩啦😎😎而➡️”西班牙海鮮飯”有大有細兩個size, 方便因應人數選擇。配料都幾足, 細size都有6隻蜆、4隻蝦同一隻魷魚筒同帶子，飯嘅調味會偏咸，但加埋檸汁中和下，味道其實都唔錯，而飯量都唔少架，兩個人如果仲有其他主食會有少少勉強😅😅

1. 冷氣滴水但唔俾換位：有訂座，去到之後直接安排入座門口一個兩人位，點完餐之後不到五分鐘，頭頂冷氣機開始滴水，同個侍應講咗，他竟然拿一塊抹布過來，抹咗葉片上的水滴就算，沒想過幫我地換座位。等又開始滴水，且前菜已經上咗之後，我地忍唔住又講，他們還準備繼續抹走d水就算，我要求換位，先好不情願帶我地去二樓一個四人位坐。2. 食物普通，但分量較小3. 食物偏貴，並不如預期，兩個人一個前菜+兩個主菜，酒都未點，送咗兩杯紅酒，一共消費$8003. 服務費已經收咗10%，但買單時候個刷卡機上竟然必須要選擇俾tips，選擇係：3%， 7%， 10%，Other tips.... 我地已經覺得唔係好開心，但係個收銀看住你，都唔好意思唔俾，俾咗之後仲要連多謝都沒。總結：想做高端餐廳，但服務又跟不上；想讓自己食物出名，但未能達到水準。

因為疫症關係多左係屋企食飯，同一時間都多左買外賣，但外賣返到屋企又好易凍左令到食物無咁好味～無意間發現呢間西班牙餐廳出左外賣食物包，咁就當然要試下啦！跟返職員指示，返到屋企只需要將海鮮包落鑊煎香，然後裝起海鮮。跟住落果包飯再加適量既水翻熱，煮到收水，再落返岩岩裝起左既海鮮落去，咁就搞掂嫁啦！真係超方便！只係十幾分鐘就可以係屋企都食到餐廳級水準既西班牙海鮮飯🍽無論係賣相，定係味道都十分誘人～海鮮仍然鮮甜彈牙，特別鍾意粒帶子同蝦🍴（因為個食物包已經係Semi-cooked，所以帶子呀蝦呀呢類海鮮真係略略煎香就可以啦，太長時間反而會老哂）除左西班牙海鮮飯，都仲有其他菜式有推出呢個外賣食物包，下次要試埋其他菜式先得～ （比起外賣，呢個食物包仲環保好多♻️ 用少好多外賣膠盒/餐具/膠袋etc）💡不過要留意番，所有既外賣食物包都需要提前一日預訂。