老媽拌麵 (北角匯二期)

營業中

休息中

#老媽拌麵，如果你鍾意食麵應該點都會聽過下既，台灣野，北角匯分店，裝修簡約舒適Cafe風，木系自然色，Chill住Tea一Tea😘拌麵、湯麵、石頭鍋飯、台式小食、滷味等等都有👍🏻#西紅柿慢煮牛肋條拌麵，黎老媽拌麵無理由唔食拌麵既，好大舊既牛肋條，慢煮，肉質好嫩好腍，牛味好出，醬汁酸甜好味🤩選配幼麵，配依個汁更夾，麵質爽彈，溏心蛋都好味😋飲返杯配餐既，金羅漢果海底椰，羅漢果味好出唔太甜，幾潤喉生津🍵#台式十三香滷味既百頁豆腐，係我食台式滷味中既至愛❣️#百頁豆腐，口感特別，又滑又腍又入味，滷水汁好香濃，正呀😚豆乳香香雞，賣相好吸引，粉漿比例好好，外脆得黎唔厚，豆乳其實類似係豆味濃啲既腐乳，配炸雞其實好正😎未食過一定要試老媽拌麵已經由拌麵進化左做台灣菜，性價比高💡傳統心機台灣味道要支持下💪🏻

𝘄𝗵𝗲𝗻 𝘆𝗼𝘂 𝗰𝗮𝗻'𝘁 𝗰𝗵𝗼𝗼𝘀𝗲 𝗯𝗲𝘁𝘄𝗲𝗲𝗻 𝗱𝗿𝘆 𝗻𝗼𝗼𝗱𝗹𝗲𝘀 𝗮𝗻𝗱 𝗻𝗼𝗼𝗱𝗹𝗲 𝘀𝗼𝘂𝗽, 𝘆𝗼𝘂 𝗴𝗲𝘁 𝗯𝗼𝘁𝗵😝 𝗹𝗼𝘃𝗲𝗱 𝘁𝗵𝗲 𝘀𝗽𝗶𝗰𝘆 𝘀𝗶𝗰𝗵𝘂𝗮𝗻 𝘀𝗼𝘂𝗽 𝗯𝘂𝘁 𝘁𝗵𝗲 𝗰𝗵𝗶𝗻𝗲𝘀𝗲 𝘄𝗶𝗻𝗲 𝗰𝗵𝗶𝗰𝗸𝗲𝗻 𝗱𝗿𝘆 𝗻𝗼𝗼𝗱𝗹𝗲𝘀 𝘄𝗮𝘀 𝗺𝘆 𝗳𝗮𝘃! 𝗶'𝗱 𝗮𝗹𝘀𝗼 𝗿𝗲𝗰𝗼𝗺𝗺𝗲𝗻𝗱 𝗳𝗲𝗿𝗺𝗲𝗻𝘁𝗲𝗱 𝗯𝗲𝗮𝗻 𝗰𝘂𝗿𝗱 𝗱𝗲𝗲𝗽 𝗳𝗿𝗶𝗲𝗱 𝗰𝗵𝗶𝗰𝗸𝗲𝗻, 𝘆𝘂𝗺!.記得第一間老媽拌麵開果陣個個都爭住去，我又係等到周圍都有分店過哂氣先食🤪 話晒都係關廟麵專門店就試哂湯都同拌麵，牛肉麵湯底超濃郁帶有藥材香，仲要辣辣哋忍唔住係咁飲；花雕雞拌麵比想像中出色，雞件嫩滑有夠多，最鍾意係花雕同醬油撈埋果陣咸香味！另外鹽酥雞最有驚喜係碟豆乳腐乳醬，不論同返薯條同台灣腸都好夾，最尾仲要加咗啲落個麵度食😂

各位愛辣人士都一定有食過呢間嘅即食拌麵～除左即食拌麵，其實佢係香港都有5間餐廳架！🍝酸辣手撕雞拌麵 ($78)留意到餐廳推出左啲拌麵新品，試下先～一上枱就已經聞到好香嘅辣味，好開胃！食落有淡淡麻味，酸味隨後慢慢滲出黎～🍜素味謀麵 Vegetarian Noodles in Homemade Salted Soya Bean Soup ($62)朋友唔食得辣，menu都有好多其他選擇架～呢個素食麵好特別，係以豆漿作為湯底🤣豆漿味淡淡地唔算濃，不過幾特別，值得一試！🐥豆乳香香雞 Fermented Bean Curd Deep Fried Chicken ($52)我地仲點左香港限定嘅小食～炸得好香脆，亦唔會好粉，雞肉都好滑🤤個醬係腐乳醬，味道唔會太濃，配炸雞好好味！🥤百香國寶茶 Passion Fruit Organic Rooiboos Tea ($33)以自家制鳳梨醬再加上有機茶製作嘅飲品～飲落酸味較重，食落辣麵再飲好開胃！🧋仙草凍奶茶 Grass Jelly Fresh Milk Tea ($33)必飲台式飲品啦🤣 不過今次揀左仙草～最中意嘅係冇揀少甜佢都唔會過甜，啱哂我🙌🏻