人和荳品廠 (已搬遷) 新店位置

已經幫襯過人和荳品廠好多年啦！記得佢中途有搬過一次舖，真係由細食到大☺️ 間唔中都會過嚟食碗豆腐花回憶一下味道！細個嘅我好怕食豆腐花，連豆腐都唔敢食，所以以前細個都係過嚟食炒麵。直到有一次比屋企人逼我試呢度嘅黑糯米豆腐花同魚肉煎豆腐之後，先發現豆腐花同煎豆腐係咁好食，克服咗我多年對豆腐嘅抗拒！💁🏻‍♀️ 所以我對呢間店係有一種情意結🤫店舖裝潢好有80年代懷舊感覺，有一種老店嘅氛圍。喺度點餐亦十分有老香港特色，係要向收銀員/店員大叫想食啲咩，因為店員太忙，好少會行去你隔離慢慢等你點。每次比錢時都唔會比單，收銀員都會用心算去計你枱上嘅食物價錢，速度令人佩服！😮❤️ 豆腐花 (凍) $12枱上有黃糖可以加，豆腐花本身就有少少清甜。豆腐花滑溜無比，唔會食到渣同石膏粉粒！每一啖都帶有濃濃豆香😋 樸實不花巧，更食到豆腐花原味道，比郊外嘅山水豆腐花更來得自然！好食度：⭐️⭐️⭐️⭐️⭐️ (5/5)❤️ 魚肉煎豆腐 $16豆腐豆味濃郁，底部有一層薄薄嘅魚肉，煎得好香口。個人喜好會落豉油&辣醬，辣醬好惹味！好食度：⭐️⭐️⭐️⭐️ (4/5)❤️ 豆漿 (凍) $7真材實料，口感帶有濃稠度，入口香濃順滑，有少少甜度👌🏻好飲度：⭐️

依家啲嘢食越嚟越貴，之前都食過呢間好多次，但係呢一間嘅價錢真係好有人情味。加價幅度好少，到而家都仲係好平。所以話呢區平價之選即刻諗到呢度！1. 魚肉煎豆腐呢個次次黎都必食！豆腐煎得幾香，不過而家嘅魚腐越來越少2. 芝麻糊豆腐花以前通常都係普通豆腐花，今日想食啲甜品，就試左芝麻糊豆腐花(熱)。以家嘅豆腐花好食左喎！超滑身同好有豆味！(可能熱嘅好食啲) 但係芝麻糊就普普通通，芝麻味唔夠重。不過一齊食嘅話又幾夾喎！3. 熱豆漿最後仲嗌左杯熱豆漿，唔錯，好有豆味，唔係好甜。總括來講，呢個價錢呢個質素都算唔錯，係環境麻麻地，坐得唔太舒服。但係當飯後宵夜都唔錯！

細細個就已經好鐘意同屋企人去食人和荳品，記得第一次食係喺旺角。果陣時覺得個魚肉豆腐簡直係極品！於是成日叫媽媽帶我去食。睇到愛回家啲演員食白粥炒麵，令到我又好鬼想食。所以我就帶埋媽媽一齊去食啦。話時話，好耐都冇去同留意人和荳品開左喺邊度，咁arm果日放工行過銅鑼灣有間，所以拿拿臨call 埋呀媽過黎。餐牌只係好簡單，唔超過15樣野食，全部以豆花、豆漿、豆腐(咸食)為主。先黎一碟炒麵。炒麵之中、材料當然係唔少得有豆芽同豆卜。炒得相當好，唔會太過「油林林」。而且勝在豆芽夠多，增強左口感。豆卜喺碟.麵入面發揮的作用不大，可有可無。而且都冇芝麻撒喺麵面，感覺唔夠香。不過，個麵本身係好食，上述既問題都不大。細細個好鐘意食既魚肉豆腐終於食到！好可惜已經完全唔及細個果陣咁好食 …原因係塊魚肉薄到好似紙皮咁，而且件豆腐冇咩味。雖然係煎得表面好香脆，夾落去唔會散，但係明顯係調味不足。上碟時，魚肉豆腐賣相亦唔好睇，反轉曬咁上，的確完全睇唔到件魚肉，令人胃口冇咁好。食到口乾叫杯豆漿飲下，新鮮滾熱辣<3！豆味香濃，甜度適中，似足home-made豆腐一樣、相信完成係自家製作。凍同埋熱冇記錯係一樣價錢，