梁記餃子麵坊 (已結業)

梁記餃子麵坊是元朗區有歷史的麵食店，可以從店舖的裝修得知。麵坊主要售賣的是自家製的鮮餃子，選擇非常多，分為豬肉、牛肉及雞肉三種餡料，再配搭不同的蔬菜，如白菜、香菜、蘿蔔、韭菜、南瓜、青瓜、蕃茄、鮮菇、青椒等，口味非常豐富。餃子份量十足，像一個小拳頭般，如果你有選擇困難症，那「淨食什錦餃子八隻」一定可以幫到你，一碗就可以嘗試到不同的餃子，如果是大胃王的話，更可加粉麵，50元便可以食得非常飽飽。除了餃子外，麵坊更有雲吞、鯪魚球、排骨等食品供應，值得一提的是雲吞，有「無肉」（全蝦雲吞）和「少肉」（鮮蝦雲吞）選擇，如果你不吃豬肉的，亦可以食雲吞。至於飲品方面，值得推介的是豆漿，豆味濃郁，甜度適中。

今日約咗一個元朗嘅朋友度探佢。所以順便喺呢邊食晚餐。我朋友帶咗我去一間食餃子麵嘅餐廳叫梁記。佢話呢間餐廳抵食又好食，聽到都有少少期待。去到門口餐廳已經有餐牌介紹食物。由於不想食麵，所以選擇了我喜愛的韭菜餃only。啲餃子好好美，好有韭菜味，口感爽口，加埋杯豆漿，不太甜。價錢都系三十幾蚊，抵食又美味！

是日路經安寧路一帶，因為曬相需要等候一小時，就喺附近搵間就腳嘅用膳呢間梁記餃子麵坊已經唔止幫襯一次，每次捧場都必定係滿足而歸今日只得自己一人，雖然叫得一款，但係一樣食得滋味一坐低諗都唔洗諗就Order咗豬扒麵+豆漿(HKD$32)。伙計一落完單就秒速上咗杯豆漿(跟餐只需加HKD$4)，效率十足等左5分鐘左右，就已經可以上埋個豬扒麵(HKD$28)，認真符合香港人的生活節奏無論係趕時間、定係好肚餓，嚟梁記就包唔洗等幾乎每一次都係5分鐘內上菜！豬扒係炸嘅，非常之香口，但唔會有油膩感，而且肉質非常鬆軟，皆因梁記係人手揼鬆啲豬扒，有時撞啱佢地咁啱為啲豬扒「鬆一鬆」嘅時候，店內就會充斥住Bom Bom聲，雖然略為吵耳，但係的確幾有元朗小店的風味特色至於麵底，今次我選擇咗生麵，麵質爽口彈牙，雖然望唔到廚房入面嘅煮食過程，但麵彈牙程度就好比煮完過冷河的效果份量方面，麵底係不多不少啱啱好，而豬扒我個人認為算係比得幾多下，份量好足，就算係男仔食都足夠飽肚通常朋友問我元朗有咩麵家好食，除左會推介一早已經遠近馳名嘅永年同好到底，我一定會推薦梁記好味又抵食有目共睹。