順德聯誼總會

營業中

休息中

迷人uncle請家人於中環「順德聯誼總會」晚膳，負責主持大局o既美人姐姐深知小肥未有機會到臨私人會所，所以就誠邀肥肥家族一同參與 。入夜後，會所門外o既招牌並冇霓紅燈照明，其實都好容易會走漏眼。大廈正門及後樓梯牆上水牌可見，創立於一九四七年o既「順德聯誼總會」合共有四層。當晚飯局設於二字樓一間間房內，十二人可能有少少迫，不過大家咁熟可當親密啲坐 ，畢竟食物質素最重要。房間內一切大小事宜都由一位肥叔叔照料，加茶分餸對佢一啲難度都冇，不時仲會講解菜式烹調秘訣及推介廚房拿手好菜，睇得出絕對係忠心勤奮之人 。餸菜一早已訂好，不過餐店並未有印制自訂菜譜，細佬只好偷偷拍下門外o既手寫單作記錄。 魚茸羮：順德最出名食魚，第一道亦好順理成章地由魚湯食起，肥叔叔聽到客人中有幾位怕骨，故亦不忘叮囑大家要小心湯入面會有細骨，認真體貼 。魚茸羮內含魚肉、魚皮、粉絲、青瓜、薑、雲耳等，全部都切成幼絲，口感有嫩滑，又有爽脆，湯品鮮甜濃郁，窩心暖胃。 炸蟹拑：每人一隻大蟹拑，每隻都炸得好夠外乾內濕，爽口又鬆脆，不需點用任何醬汁已可食到蟹肉同蝦膠o既鮮味，冇得彈呀！ 炸魚咀：細佬唔多食魚，不過見全枱人都

這日由老細指定到這裏食飯，菜單由店方提供，預九人一席，報價每席仟九元，合理與否，見人見智。杏汁白肺湯，相對平日在其他地方飲到的為稀，但尚算真材實料，湯味甜美但杏汁味不夠，豬肺也清潔得徹底，入口軟淋鮮甜。瑤柱扒豆苗，豆苗尚算新鮮，入口無渣，瑤柱份量也不少，但調味茨汁太濃，遮蓋了瑤柱的鮮味，整體來說這菜偏咸。燒乳鴿，炸得夠香，表面皮脆，入口味道香濃，可能鴿齡有點老，鴿肉不夠鬆軟，頗為硬實，口感欠佳。豉油皇大蝦，正宗大蝦，隻隻都夠肥大，入口蝦肉彈牙，亦食得出夠新鮮，豉油味夠鮮，配合師父的煎鑊功夫，非常美味。清蒸石斑，魚夠新鮮，加上蒸的時間剛剛好，魚肉有彈性兼入口嫩滑，魚味鮮美，配上蒸魚豉汁和香䓤，更覺美味。生炒骨，不知是否這裏光顧的多是老人家，所以為他們健康起見，肉排一律全瘦，原本外皮炸得不錯的生炒骨，入口味道甜酸適中，外皮脆而香，但可惜肉質太瘦，口感太鞋兼且噬口太硬。糯米飯，正宗生炒，飯底煙韌有咬口，月臘味味道甘香，加上青蔥的清香，在口中散發着濃郁多變的香氣。紅豆沙，煮得未夠火喉，紅豆未淋，糖水未見起沙，幸好味道不會過甜，充其量只可以說是一個紅豆糖水罷了。

之前和朋友說起這裡、大家也好想來一試、預想的日子無位、一推就要一個月後的昨晚才有時間及有位、真係幾誇張。因最少要食三千多元、不停找朋友去、最後找到十四人出席、多謝大家的比面、成功完成這個美滿的一餐。看見其他食客的食評、最後選擇了以下的食物。冬瓜盅 - 冬瓜好好味、軟硬度剛剛好、湯味道鮮甜、肉也嫩滑新鮮；第一味菜已這樣出色、更加期望之後的菜譜。炒桂花翅 - 翅當然係素翅、但口感真係幾似、唔想食真翅的人、相信會更加推薦這味菜譜；蛋炒得唔會太乾身、比之前食過某某間說自已幾好幾好味的食店、真係更加出色。小炒皇 - 和一般食店的唔同、魚片，西芹，百合，帶子...等、清清地也幾好。煎焗魚咀 - 微微帶腥、朋友k唔多喜歡、但其他朋友就食唔停口、但因比較漏、最後幾件、大家也只好留肚了。野雞卷配大良炒鮮奶 - 野雞卷細細粒、如再粒d就會偏漏、外皮很脆、真幾唔錯。豉油皇大蝦 - 蝦大大隻、但蝦膏唔多、味道本來應該幾好；但可惜部份蝦唔夠新鮮、唔夠彈口、微微偏淋。炸子雞 - 外皮唔夠脆、但肉味新鮮、真係雞有雞味；但侍應小姐說、它們的乳鴿比較上更出色、有機會一定要試試。蝦籽柚皮 - 柚皮好厚好大件、但想不到這樣