多賀野 (K11 Musea)

營業中

休息中

豚鴨沾麵 / 168湯汁用咗雞|鴨|豚|鰹魚熬製而成 每一啖都充滿層次沾麵比拉麵更食得出麵條嘅小麥香味同煙韌嘅感覺麵條亦非常掛汁 確保每一條麵條都被湯汁包住食完之後仲可以將高湯加入湯汁 慢慢品嘗清甜嘅上湯——————————————————推介度: 8.5/10——————————————————尖沙咀梳士巴利道18號K11 Musea 2樓220號舖——————————————————

我同老公放假專誠黎K11MUSEA試下呢間米芝蓮推介的拉麵專門店， 而且又唔使等位我地叫左一個栗國塩味拉麵， 配有豚肉、蔥花及溏心蛋，賣相吸引。湯底帶有少少塩味， 但又不會感覺很鹹，不會越吃越口渴, 連同豚肉一起整碗吃完亦不覺油膩， 而且拉麵的分量恰到好處另外一個就試左豚鴨沾麵, 沾麵的湯底有鴨油的香味，味道濃郁 小食方面，我地叫左一份黑胡椒炸雞， 雞肉肉質鮮多汁，炸粉不會太厚, 同屬驚喜, 可惜炸雞只有3件, 如果能加多1-2件會較為理想

之前食過一兩次期間限定嘅炸蠔沾麵，覺得佢嘅沾麵幾好食。今次同朋友食飯都揀咗呢間。可能BOOK咗枱，佢安排我地坐最入嘅圓枱，好鬆動同有PRIVACY。今次無咗期間限定，揀咗豚鴨沾麵，辛辣沾麵，醬油拉麵，炸雞，餃子，同埋椰子雪葩。豚鴨沾麵無之前食嘅蠔或者蟹個湯咁濃郁，相對比較清淡。朋友食嘅辛辣沾麵佢話幾好味，係辣咗少少，另一個醬油拉麵就正常發揮。炸雞最有驚喜，熱辣辣，好脆好味。餃子就一般，無乜特別。最尾要咗個椰子雪葩，之前試過桃味幾正，可惜蘋果同桃味都無晒。椰子雪葩味道都幾好，不過質地就比較似雪糕多啲。食物質素都唔錯，價錢算貴貴地，環境都靚好坐嘅，亦都無分時段會趕人走。

之前係中環食過果間圓圈三角我以為個價錢已經係拉麵店既頂點但原來有一間開係K11 musea既拉麵店係仲更加貴呢間叫做多賀野果日睇完黑寡婦就走左去試下聽講岩岩開果時係大排長龍我地星期六一點九左右去到都要排十個八個左右大約等左十五分鐘左右多賀野本店係東京tabelog都仲有3.91分算高分既亦都係日本前必比登推介既餐廳而家香港呢間話係多賀野第一間海外分店由嚐高美集團引入風格望落去就完全唔同呢間多賀野廚房係門口附近企係門口都可以望到少少有幾個類似bar檯既座位而我地就坐普通既二人檯未至於叫做同格離搭檯但個距離係好近好近完全聽到格離講乜佢仲有梳化位既關左中間隻窗就會變左單邊座位日本多賀野係一間中華拉麵主打豚鴨沾麵係google map睇相見到賣1100YEN而家香港賣168蚊價錢足足係日本既兩倍另外仲有個限定蟹皇沾麵再貴多廿蚊個價位就已經唔係圓圈三角既級數追到餐廳廚房就唔算好開放式但製麵機就大大部比人欣賞食足咁耐師傅就整足咁耐麵唔知佢係咪會玩足一日另外餐廳有個優惠like左佢地社交平台就可以用半價叫小食但條件係要點一樣正價飲品講到尾其實即係叫小食送野飲咁聽講佢地個蟹肉薯餅幾好食就叫左一份一份有

之前見呢間成日都排長龍 一直都冇去試今日平日見到冇人排隊就即刻去試吓啦入到去都差唔多坐到full晒見到有期間限定 極上蟹皇沾麵好似好吸引就叫咗個嚟試吓另外叫咗個好多人推介嘅豚鴨拉麵加個自家製蟹肉薯餅蟹黃沾麵有一隻軟殼蟹 有蟹膏 蟹子味道OK 有蟹嘅味 都幾好食不過冇太驚喜嘅感覺 同埋個湯唔夠熱豚鴨沾麵 個麵好食有煙韌嘅口感 不過我覺得個湯唔夠濃 又唔夠熱隻蛋熟咗少少 3塊叉燒肉質OK不過都幾薄 寧願俾一塊厚嘅蟹肉薯餅 食得出有蟹肉 薯蓉薯仔粒個口感唔錯 幾好食

位於尖沙咀 K11 MUSEA 的多賀野發源於東京品川，以日本直送的材料，配上店內製作的麵條作主打。豚鴨沾麵的沾麵汁以鴨、豬、雞等等材料熬製而成，比一般沾麵汁稀身，薄薄的依附在粗身麵條上，能同時感受到湯汁的香濃和麵條的彈牙口感。

尖沙咀K11 musea 都唔係第一次黎，這商場都幾多嘢食，不過有幾間鋪頭都幾多人排隊，心血來潮想食沾麵，於是就揀這間。門口見都係10幾個，但最後排左半個鐘。order左兩款麵。這個豚鴨沾麵，價錢$168。湯底好入味濃郁，肉質都鮮嫩，蛋都唔錯，沾麵硬度就適中。不過都係中目黑果間好食好多。另一樣，醬油拉麵，價錢$128。這個拉麵同湯底就普通些，不過比一籣好少少，蛋都合格。總結係沾麵好過拉麵，但係都係個人喜好。我都係掛住日本嘅沾麵拉麵多些。

坐落係尖沙咀K11 Musea入面，有一間你未必知佢來頭但又長期排長龍既拉麵店，係係東京品川開店廿幾年既過江龍小店，連續四年（2014-2018年）獲得米芝蓮推介，以及Tabelog全日本拉麵大獎，係tagelog有3.94分既高分、Ramen Walker多年日本最優秀拉麵排行榜前十位。而呢間日本排長龍既拉麵，係尖沙咀K11 Musea開首間分店兼海外店麵，總店由日本既高野夫婦主理，雖然將湯底同製麵技巧傳授比香港店兩位師傅，但佢同先生每隔半年都會嚟香港監察品質，香港製麵師傅都係日本本店接受訓練。店鋪主打拉麵同沾麵，店內自設製麵工場，客人可不時睇到師傅製麵既過程，保證拉麵質素新鮮。當然自家製嘅面唔一定等於好食，但呢個精神好緊要，一碗拉麵嘅主角就係個湯同個麵，如果個麵唔係自家製已經同麵廠攞，咁已經有一半唔係自己既野，只係加工，香港好多拉麵、甚至係過江龍，啲麵都唔係自家製，肯自家製既拉麵店我覺得已經值得欣賞。-環境店內環境好有日本風格，仲貼心咁設有屏風間格，為單獨嚟嘅食客增添私人空間。裝修同本店嗰種傳統拉麵店風格完全唔同，收費亦比起本店高出唔少。-排隊晚上八點來到，等了約10分鐘便可以入座

距離2021年仲有唔夠2個月大家係唔係都好掛住日本？2020年 我剩係返左一次鄉下😭呢鋪癮好大🙄🙄 係呢個艱辛抗疫期間 搵到鄉下鋪頭真係好重要！正所謂睇下當去左！咁係香港唯有食下當返左鄉下😝係尖沙咀商場K11 Musea我搵到佢！「多賀野」🍜🍜 日本東京人氣拉麵店，今次試左粟國鹽味拉麵同鴨肉沾麵。份量十足！一入店就見到好大個玻璃工作室，原來店內更自設製麵工場、所有拉麵以機器反覆壓制６次再裁出麵條，口感煙韌，帶淡淡麥香。粟國鹽味拉麵湯底加入沖繩海鹽，芝麻及碎洋蔥一齊熬製，味道鮮甜清新。湯底清澈不油膩！豚鴨沾麵湯底用上鴨肉、鴨骨、雞、蜆、菇等材料熬煮再撞鰹魚乾精華湯，但唔會太鹹。鴨味非常突出！沾麵麵條比較粗，湯底唔算杰身，所以唔會好掛湯。不過份量真係好多！另外溏心蛋都好驚喜！應該用醬油煮過！非常入味😋 好食👍🏻👍🏻

K11 Musea 開左咁耐，都係頭一次去覓食，見Lunch 時間好多人都排呢間沾麵，就試下啦！通常沾麵會配較濃嘅湯，但呢碗豚鴨湯係偏淡嘅，雖然係淡味啲，但都食到鮮甜嘅湯頭；麵身唔算好粗，麵質偏硬身，尚算可掛湯。👌🏻醬油拉麵味道正常，冇咩特別，跟幼拉麵，麵質都係偏硬，口感一般😓依家Like & Share 佢地嘅社交平台Page 就可以有買一送一飲品優惠/送指定小食冰鎮秋葵一客 👍🏻

今日嚟到 K11 Musea 食🤤午餐，點知周圍都要🙈排隊，突然行經呢一間🍜拉麵店有位唔使排隊就即刻入咗去！Like 👍 佢哋 社交平台Page 飲品🥤買一送一，幾抵！啤梨汁好香甜🥰，I love it!!!我好耐冇食過🍜沾麵，喺餐廳門口已經😍睇中咗佢，入嚟思前想後🤔最終都係嗌番佢😆！呢個係🐖🦆豚鴨沾麵🍜，麵質好爽好有咬口👍，湯好香濃（如果個湯再熱啲就好啦），叉燒都好甘香，半熟玉子🥚好香蛋味而且又軟又滑😋！一場嚟到除咗麵，仲叫咗幾款小食試吓。呢個炸豆腐真係不得了😍，十分香口而且上面有好多鰹魚乾片🥰，配埋底部個充滿日本🇯🇵風味嘅醬汁，真係好食到停唔到口🤣！呢個餃子🥟相對就冇乜特別，中規中矩。呢個🦀蟹肉薯餅🥔又係另一樣我十分欣賞嘅👍，炸到金黃酥脆🤤，入口充滿蟹肉味絕無欺埸😋，而且暮🥔味亦都好香！總結嚟講食品質素👍十分之唔錯，好有🇯🇵日式風味，下次會再嚟🤤試吓其他拉麵🍜！

依間拉麵店標榜自己二十幾年黎獲獎無數，連續四年拎到東京米芝蓮推介，經常要入到日本最優秀拉麵排行榜頭十🤨佢一開嘅時候真係有好多人特登去排隊朝聖，但係依排都無咩見到有人龍，個日咁啱經過見到唔洗排隊，所以就不妨試一試🤣**********<豚鴨沾麵> $168餐牌上面嘅拉麵基本上全部都過百蚊，而依一款豚鴨沾麵更加要$168，其實都真係幾貴下🙂舖頭話個湯底係用左豚、鴨、雞、魚去煮，所以每一啖都好濃郁！但係事實上飲落唔講真係唔知有用咁多材料煮，同平時個啲味道都差唔多，所以真係有啲失望，整體性價比唔高！**********<多賀野醬油拉麵> $128第一啖食落去都係無咩驚喜，味道都同其他拉麵店差唔遠，個麵嘅質地比起沾麵幼身，相對都無咁彈牙，掛湯力都唔強！成碗拉麵黎講個溏心蛋算係最好食，其他嘅都無咩特別😂

今日終於有機會試下位於尖沙咀K11 嘅東京人氣拉麵店~ 多賀野😋。室內環境舒服，坐得亦舒適除左一般拉麵外，仲有沾麵可以選擇1.粟國鹽味拉麵$128，麵條入口煙韌彈牙，湯底湯澈，加入洋蔥碎同鹽煮成，入口唔覺油膩，味道鮮甜。叉燒肥瘦適中，入口即溶，美味。另外，溏心蛋亦十分出色，溏心夠晒滑溜。2. 豚鴨沾麵$168沾麵湯底材料豐富，湯底尚算濃郁，不會漿口。叉燒同溏心蛋同鹽味拉麵一樣同樣出色，唔需要再多講整體來講，多賀野嘅拉麵較沾麵出色。

放工去K11 Musea 相信呢排商場都唔會多人7點左右黎到 大把位比你揀二人枱會同對面唔識嘅人share中間有一扇窗開著絕對係好尷尬成日會四目交投所有後來請店員關窗先來一份煎餃子價錢唔貴但食落就似一田d姐姐煎比你試食嘅質素下次不了我地一人叫一款沾麵鹽味沾麵值得一讚嘅係湯勁熱麵係舖頭自己打嘅口感煙韌 有dd麥香可惜我覺得d麵完全沾唔到d湯湯非常稀唔係唔好味 佢係非常香齋飲係ok但配上麵 完全發揮唔到因為掛唔到上麵溏心蛋係我最最滿意嘅部分好味豚鴨拉麵嘅問題亦差唔多但要$168真的...不值得毛巾質地嘅濕紙巾首先 如果要排好耐隊我真係唔會食而且真係唔值呢個價錢...

第一次到訪新開的K11 Musea商場，親身感受到此地的裝潢環境，果然跟網紅所描述的無異，難怪那麼多人專誠到此打卡K11 Musea裡有太多吸引的餐廳，千挑萬選後想吃這家米芝蓮推介的日本餐廳，而且看見有不少人在門口排隊等候進食，我跟朋友猜吃這家應該不會錯吧我點了多賀野醬油拉麵，每次吃拉麵都先嚐湯底，湯底很香，可以嚐到濃郁的甜味，原來是以雞、豚、鰹魚等烹製已成的，另外拉麵偏硬，咬下去很有口感朋友點了豚鴨沾麵，和我的麵條是一樣的，麵條沾上醬料很吸收，很好吃，而肉很厚實且大件亦點了自家製蟹肉薯餅作小食，這個一定要趁熱食，炸得香脆可口，但不會感覺太油膩，裡面的蟹肉很鮮，而且很足，每一口都是肉友人下班趕過來與我共膳，點了瓶信州蘋果汽酒，喝幾口已經涼透心了米芝蓮推介的果然值得信賴呢