金記冰室 (創紀之城五期(apm)) (已結業)

放假約左官塘返工朋友食午餐，午膳時段間間迫滿人，幸好等位不算耐等了8分鐘就有位，環境比較嘈不是一個傾計好地方，枱比較細放三碟野食會好迫，由點餐至食物上枱要等十幾分鐘，短短午膳時間就咁消耗了，話晒餐廳位於商場頂層，落樓回程需時，朋友也只好趕快食。豬扒蔥油撈公仔麵 + 黑松露炒蛋配蒜蓉包 + 奶茶賣相幾好原來係伏，麵份量不多而且無味，成碟野真係油到一個點，豬扒異常鬆軟但調味一般，沒有加香茅無咁惹味，黑松露炒蛋嫩滑，多士欠脆較淋身，奶茶幾滑茶味夠。鮮茄焗豬扒飯飯量不多偏細碟，男仔食應該唔夠，豬扒都係鬆軟，飯身較硬唔係炒底，配鮮茄汁味道唔算差。

金記冰室可算是一間老字號茶餐廳，由筲箕灣第一間始創店發展至現在六間分店。觀塘 APM 屬當中最新的一間，餐廳呈半開放式設計，感覺光鮮。 豬扒蔥油撈公仔麵屬餐廳的人氣午餐，蔥油是簡而美的調味料，搶香惹味。豬扒被煎至金黃色，口感鬆軟，亦屬富水準之作。 炒蛋往往是茶餐廳的重點項目，這份黑松露炒蛋配蒜蓉包，雖然炒蛋的香滑感只屬中規中矩，但松露的芳香卻比預期佳，整體味道仍算可口。 金記煎肉餅屬廚師推介，外層微焦甘香，內裡製作彈牙，配合帶甜的粟米，是很好的伴飯良品。 鮮茄焗豬扒飯出品熱辣燙嘴，以鮮茄製作，醬汁酸感相對重。豬扒選材雖比剛剛撈公仔麵的厚身，但無減那份優越的鬆軟感。是日中西湯分别為霸王花湯及羅宋湯，前者口味清清的挺美味；後者則調味過濃不大欣賞。閃閃金西多配雪糕及木糠布甸是為細細準備的小吃甜品，前者無乜特別；後者口感滑溜討人喜愛。 香滑奶茶茶奶比例合適，味道有交待，但與蛋白杏仁茶比較，後者既香且滑稍勝一籌。 經過多年發展，金記冰室已轉型變為一間集團式經營的現代茶餐廳。雖然金記的食品普遍富一定水準，但要在競爭激烈的環境下突圍而出，還是要苦心鑽研一樣招牌美食，一樣與金記招牌畫上等號的美食才行