阿叔泰麵 (西菁街) (已結業)

✨ 豬肉船麵（$70）有多種麵底選擇我哋揀咗金邊粉，湯底清淡帶微甜，另外仲有指引話要加埋四種調味落湯底一齊食（魚露、白糖、白醋、辣椒粉），四粒迷你豬肉丸爽口，肉片偏淋身，面層仲舖咗少少炸豬皮。✨ 阿萊燒豬頸肉（$68）份量幾多 😙，面層燒到少少脆，配埋酸汁幾惹味～✨ 肉碎生菜包（$62）肉碎用辣椒同香葉炒香，配埋生菜中和返肉嘅油膩感。✨ 糕點拼盤（$58）一共三款 — 斑蘭椰汁糕、椰青大菜糕同埋椰汁西米糕，每款各兩件，斑蘭椰汁糕幾綿糯煙韌、椰青大菜糕清甜、椰汁西米糕椰汁味好突出 👍🏼。✨ 泰式玫瑰奶茶（$30）最鍾意粉紅色 🤣，泰奶通常都會比較甜但呢一杯唔會，且玫瑰花味淡淡哋滲出，好飲 😙。✨ 柚子菊花蜜（$18）正常發揮。·🧾 免加一服務費💰 $306

元朗出名多美食，見好多人推介阿叔泰麵，為食妹又同男朋友出動覓食店鋪雖然不太，但有東南亞風情嘅特色小店阿叔船麵 豬肉 配粉絲 $70枱面有個小貼紙提示食船麵tips，自行添加魚露、白糖、白醋、辣椒粉，按自己口味調配👍🏻 粉絲掛湯能力高，啖啖都吸滿湯，又同時保留爽口口感，十分推薦😋😋湯底濃郁但無油膩感，飲多幾啖湯都唔怕配料有豬肉片、豬肉丸、通菜和炸豬皮特別的是炸豬皮煙煙韌韌，口感十足冬陰功湯麵 配蛋麵 $73湯底椰香味濃，微辣不太酸，開胃海鮮配料都幾多，有青口、大蝦、魷魚、豆卜飛天通菜 $62幾款食物呢個炒通菜比較重口味和辣，惹味十足泰式奶茶 $28見到顏色就泰有feel 🧡 甜度固定，有迎合香港人不會太甜凍蜂蜜菊花露 $24清新，花香味特出，適合夏天消暑解渴

店舖位置比較遠冇揸車既 離最近輕鐵站都要行五至10分鐘真真正正為食兵團要搵路入嚟不過附近都幾多嘢食舖位唔會太細 都有大概廿幾至30個位坐得幾舒服佢哋嘅主打船麵味道雖然唔係好濃 但我反而就覺得幾好唔會太鹹份量都唔少 有豬肉片同豬肉丸咖哩蛋白蟹肉飯撈飯一流 不過蟹肉份量就偏少味道比個湯麵濃好多li 杯好好飲清甜又舒服食完濃味野炸野之後好啱飲泰式奶茶當然要試可惜佢冇得少甜嗰茶味冇港式奶茶咁重總括嚟講 li 間舖頭都係值得一試既

一直收藏咗呢間鋪，遲遲未試，今日係元朗就順道試一試。店舖係西菁街容鳳書健康中心個邊，附近比較多車房，位置算隱蔽，但店舖嘅黃色大門就好顯眼，行過都會好易見到。我今次係平日晏就黎食，星期一至五11:30-18:00，有午市套餐揀。呢到招牌係船麵，當然就要試試招牌野啦！我地2個人一個叫咗牛肉，一個叫咗豬肉船麵。🥢牛肉船麵 $60湯底都濃仲有淡淡藥材味，個湯底好岩我口味，食到後面差唔多飲晒啲湯😹碗麵有2舊牛肉，3粒小牛丸，仲有啲炸豬皮、芽菜同通菜做配料。牛肉望落好似好實一舊，以為會硬，但原來都煮到入味啲肉輕輕一咬都咬得開。我揀咗金邊粉，呢到個金邊粉厚身少少，食到後面啲麵冇發漲。🥢豬肉船麵 $60豬肉同牛肉個湯底都係一樣嘅，但個3粒丸就係豬肉丸黎，口感淋啲，豬肉食落都鬆軟。兩款口味個人比較鐘意牛肉多啲！💯店舖本身仲有推介落埋4種調味：白糖、白醋、辣椒粉、魚露。但碗麵一黎就食咗😹食到最後先醒起未落，下次有機會再試下😛

慕名而來一嚐阿叔泰麵，位處元朗市中心外圍位置都有唔少人等位，就知佢係一間有實力嘅店，今日一試果真高質，師傅用心製作，成碗麵明顯係要花大量心機及嘗試方可到此水準，重每碗賣不到60蚊，真心係良心餐廳呢。門面好有地中海feel木門面，圓形招牌好好認。豬肉船麵 ($55) - 豬肉丸結實得嚟又彈牙，豬肉味濃無豬酥味，甜口嘅，面頭炸豬皮新鮮炸起酥脆得嚟唔死硬，浸湯後淋身吸湯同吃滋味倍增，豬肉片厚薄適中，一啲都唔靭重好掛湯添，配嘅金邊粉就濕潤咗啲，少咗煙靭，少少失色，湯頭不得了，係正宗泰式船麵果種鹹香味而帶甜嘅味道，湯底與餸菜好夾，特別係炸豬皮，好味。牛肉船麵($58) - 牛丸結實得嚟又彈牙，牛肉味濃，面頭炸豬皮新鮮炸起酥脆得唔死硬同樣浸湯後淋身吸湯同吃滋味倍增，牛腩好淋同入味，牛腩肉好甜，肥瘦適中，配河粉夾依個湯頭簡直係絶配，煙靭大片掛湯連芽菜、通菜、花生碎同吃絶品。但又講真如果你係食開或鐘意啲清淡食物嘅話，阿叔泰麵就未必會咁啱你喇，佢個湯頭係好濃味，好濃郁嘅。

假日去到邊間良心店都排哂長龍👨🏻‍🤝‍👨🏾，去到哩間話仲有兩台就揀佢喇。等左二十分鐘應該到我地，但店員搞錯左號碼俾左後我地一個號碼入先，之後同佢講佢先話睇錯。雖然好無奈😅但對方已經就座左都無計。再等左二十分鐘先入座成功。入座後我地揀左一個麵一個飯，結果足足等左三十分鐘先有得食😣，隔離同時間入座既食客都同樣等左咁耐。燒豬頸肉飯 $55睇落去唔錯，點知食落去個豬頸肉🐷好韌，好難咬碎，唔知筋多定咩原因。佢跟左個酸汁，真係好酸😖，食唔出其他辣味甜味，食到少少青檸味🍋，我覺得同個豬頸肉唔係咁搭。豬肉船麵 $55有豬肉丸🐷同肉片，豬肉丸細細粒好易入口，肉片都正正常常，唔會有雪味個啲。碗麵雖然就夠哂熱辣辣🔥，但湯底認真失望，可能係泰國食過好濃郁好重口味既船麵🍲，哩個湯底明顯高下立見，只係食到豉油味加啲甜味，無咩層次既味道。可能排隊人數令我期望太高，結果不如人意。然而，我覺得可以改善空間好大😅，出餐時間以麵食黎計都比較耐，希望下次會有進步喇。

有一日揸車入嚟元朗，就睇下食咩黃店好，發現離大街遠小小有間黃店。泊好車，向餐廳方向行，經過幾間車房，正當唔覺有餐廳，就見到一個低調簡約有不失美感嘅門面，仲有少少悠閒度假風情，一開門，就被餐廳嘅油畫所吸引，同初初係門口嘅感覺又有少少唔同，有種同外面世界隔絕嘅感覺，真係營造到小小泰國氣氛～嚟到重點食物介紹，我哋㨂咗冬陰公湯麵同豬肉船麵～整體嚟講麵嘅份量都幾多，比起正宗船麵多好多。冬險公湯麵對於平時食小辣嘅我嚟講都幾辣（見到個紅油就知真係辣haha），但酸辣度個比例啱啱好（我個人覺得辣多過酸少少）勸各位食唔到辣嘅朋友仔注意哦！豬肉船麵有豬肉片同豬肉丸，豬肉片係厚身大塊，味道普通啲，主要靠個湯底浸，重點係湯底出色濃郁，唔會過咸，個人覺得比冬陰公更有驚喜同好食﹗

嚟到元朗，特登由地鐵站行咗15分鐘，終於搵到呢間好隱蔽嘅小店。一到門口已經見到架車仔，上面放咗好多memo紙比大家寫字。入到店內，更加有好多音樂，由熱門到小眾、由廣東話到泰文歌都有，睇得出店主對音樂都好有自己一套。店內裝飾有傳統嘅紙傘，亦有好夏日氣氛嘅水槍，同牆上嘅畫風好唔同，但又出奇地夾。我就叫咗雞肉船麵，整體嚟講比較一般，成碗麵偏油，所以好快就好飽。朋友叫左豬肉船麵，食落就唔會話好特別，正正常常，不過佢話個湯都幾濃下，有少少偏咸但可以接受既杯泰式奶茶幾好味，好香茶味，係真係沖到同港式奶茶好唔同既，抵飲！

平常逛元朗總愛流連又新街一帶覓食，今回轉個場地，來到西菁街一帶，同樣是美食多蘿蘿。這次試了街尾的「阿叔泰麵」，站在門口已經看到甚具特色的裝潢，非常的泰式風情。等侯了一會便可入座，店員們態度熱情。船麵的麵底可以自行揀選，分別有金邊粉、河粉、米粉和粉絲。這一碗豬肉船麵配了寬河粉，薄溜滑嫩的麵質把由新鮮牛骨熬製的湯底盡索。每一口都感受到湯底的鮮甜。豬肉跟豬肉丸則不過不失。冬蔭功湯底偏重椰奶香，入口先是甜甜的椰香，再來就是微辣的剌激快感。麵底選擇了金邊粉，麵量蠻多的。配餤有鮮蝦、青口、蟹柳，還有豆卜。鮮蝦肉甚為彈牙。香茅魚露，又是一道泰式特式小食。香茅獨有的檸檬香味，令雞翼多了一份清香，減少油膩。加入濃味的魚露，甜中帶咸，相當惹味。

有很多朋友都跟我說這間阿叔泰麵的船麵很好味，所以今天午餐就和朋友來吃。 我們叫了牛肉船麵和豬肉船麵，它可以選擇不同的粉類， 而我們選擇了金邊粉。午餐都會贈送飲品，我們叫了青檸七喜和熱青檸蜜。他們的湯底都很濃郁，食下去味道很清新，不會感覺到很油膩，能夠感受到師傅很用心去煮這個湯底。牛肉船麵配料有牛腩和丸，而豬肉船麵就有豬肉片和豬肉丸。一碗的份量也很足夠，而餐廳也有推薦可以加辣椒粉令湯底更惹味，我也加了少許，令湯底更突出。

今天入元朗，朋友極力介紹泰國🇹🇭船麵店（阿叔泰麵），一入店內不算太大，但整潔，坐下來就叫了豬肉船麵，雞肉船麵及泰式奶茶。1.豬肉船麵⭐️⭐️⭐️⭐️豬肉片肉味鮮甜沒有雪味，豬肉丸爽口（泰國入口），金邊粉滑溜吸晒牛骨湯，美味可口。2.雞肉船麵⭐️⭐️⭐️⭐️雞肉船麵不是一片片的雞肉，是雞鎚及雞腎，配上牛骨湯鮮甜美味。非常不錯！3.泰式奶茶⭐️⭐️⭐️甜了一點，等冰塊融化些變淡一點會好味些。回味指數⭐️⭐️⭐️⭐️

之前係電視咁啱睇過佢可以挑戰好多碗細船麵，所以好有印象。終於都今日搵到時間去試啦🤣我地2個人，一人叫咗一碗船麵。佢個船麵湯底好濃🤤但佢面頭嘅炸豬皮比我想像中嘅淋少少，我一開頭以為會好脆卜卜嘅🤭 不過佢啲豬肉丸真心surprise到我，好有豬肉味，唔係講緊廢話咖，真係同平時係岀面食嘅有好大分別，真心超正！只係細粒咗少少，不過好食就已經夠啦🥳另外嗌咗個青檸梳打，佢係樽裝個一隻款！好地道🤪不過睇其他食評話小食好似更加正，有機會可以去試多次！不過位置有少少偏，但唔難搵嘅❗️

一直好想係香港搵返泰國正宗船麵既味道，食左幾間船麵，依間船麵既味道都算接近。店舖聲稱船麵既湯底由牛骨熬製，而我就叫左碗豬肉船麵，麵底揀左河粉！湯頭飲落都幾甜，但比起正宗既唔算濃，豬肉都係正常味道，肉質比較實。反而豬肉丸有D驚喜，算幾彈牙！而河粉亦都交足功課，泰國船麵既河粉係一餅餅半透明，食落煙韌又彈牙，有少少似腸粉皮。最有驚喜反而係佢個酸辣凍雞翼！完全諗唔到白雲鳳爪既味套落雞翼果度係咁夾，絕對值得一試！

無乜幾間餐廳會賣船麵（我會形容船麵係泰式車仔麵🤣），元朗黎講，佢都算係第一間。 餐廳裝潢設計好靚，可以打卡。可能我坐係較近門口位置，冷氣就唔係好feel到，一邊食一邊滴汗，完全配合佢賣船麵既風格。😊主食得幾款船麵，賣相相當吸引。上面黃色既脆卷係炸豬皮，完全無濃烈臭豬味，掋讚👍🏻。 建議一上菜要即食，浸過湯後就唔好食啦。其他配料分別有：豬肉片、豬肉丸、通菜、芽菜、炸蒜片。 豬肉片味道一般，但肉丸就好好味，好彈牙。 （朋友食牛肉船麵，牛丸仲好食過豬肉丸。）湯底濃郁，同芽菜好夾。連我本身唔太好芽菜都全部清曬！整體來說，船麵idea夠新鮮，味道ok，可以一試。不過冷氣就唔多夠，可以考慮外賣自取。買埋coupon仲會平d添。

假日在區中遊，朋友終於應約，與我一起品嚐已開業一時的名氣小店，吃泰國船麵。曾在泰國遊一個月，從北到南，偶爾也吃便宜的船麵，想不到也在家附近吃得到。泰式奶茶($24)，我仍然記得在泰國那奶茶。與香港的奶茶不同，泰國奶茶不僅在顏色上有明顥的橙色，味道也比香港的甜，用上大量冰粒，溶冰後味道會變淡。喝到這個，即想泰國與友人共嚐奶茶的時光，這裏的甜味比泰國的略減，更適合香港人的口味。友人點了一杯新品泰式玫瑰奶茶($30)，他說這令他想起新加坡嚐過的玫瑰奶茶，當然是這裏的比較好喝。每一口都是玫瑰花味，有點像雲南的玫瑰花併那種味道，喝下去會散發出玫瑰花味那種。一入口味道濃郁，不會因冰溶了而變得味淡。加上份量大，是令我們非常滿意的一杯飲品。牛肉船麵($58)，有牛腩和牛丸為配料。濃郁的牛骨湯底，金邊粉一大碗，牛丸非常彈牙，牛腩軟腍。豬肉船麵($52)，個人認為這碗豬肉麵的味道比牛肉麵更出色。這個選了很多人選推介的寛河粉，大片而滑溜，更能吸收牛骨湯汁。豬肉片本身讓人驚喜，肉味濃郁，爽口彈牙。豬肉丸的口感與牛丸一樣彈牙，也許是沒有汁，湯底更顯出馥香的牛骨味，比牛肉麵的湯底更清新。 聖巴東酸辣無骨鳳爪($4