阿叔泰麵 (西菁街) (已結業)

無乜幾間餐廳會賣船麵（我會形容船麵係泰式車仔麵🤣），元朗黎講，佢都算係第一間。 餐廳裝潢設計好靚，可以打卡。可能我坐係較近門口位置，冷氣就唔係好feel到，一邊食一邊滴汗，完全配合佢賣船麵既風格。😊主食得幾款船麵，賣相相當吸引。上面黃色既脆卷係炸豬皮，完全無濃烈臭豬味，掋讚👍🏻。 建議一上菜要即食，浸過湯後就唔好食啦。其他配料分別有：豬肉片、豬肉丸、通菜、芽菜、炸蒜片。 豬肉片味道一般，但肉丸就好好味，好彈牙。 （朋友食牛肉船麵，牛丸仲好食過豬肉丸。）湯底濃郁，同芽菜好夾。連我本身唔太好芽菜都全部清曬！整體來說，船麵idea夠新鮮，味道ok，可以一試。不過冷氣就唔多夠，可以考慮外賣自取。買埋coupon仲會平d添。