正宗山西刀削麵皇

營業中

休息中

Weekend同男友想去下荃灣南豐紗廠.所以就順便去荃灣覓食la.今次就試下lee間正宗山西刀削麵la.果然係正宗手打手切刀削麵.一到就見人龍.不過二位就好快有位la首先叫左個醉雞。就正常普通醉雞law.所以都係fcous返係D刀削麵到la.男友叫左個豬軟骨刀削麵個湯底好濃。個豬軟骨好冧好入味。真係好食我就試左個麻辣牛肚刀削麵.佢個麻辣牛肚都好出名下。個麻辣牛肚個味道又幾正.D牛肚好好食刀削麵真係好有咬口又煙靱.不過我只叫左小辣個湯底好似唔夠濃反而男友個豬軟骨個湯底正D.仲叫左二杯豆漿D刀削麵真係好煙靱.女仔要食曬真係太飽la.因為太煙靭食都我覺得咬到有D累.....可能係我太懶.下次再黎食試下轉其他面食先.好飽ge一餐LUNCH.

晚餐7點已經要排隊，好彩等左唔駛5mins就有位。要有心理準備，多人時間要搭枱。叫左豬軟骨刀削麵($50)，雙拼(豬手豬大腸)刀削麵($50)，跟餐叫連飲品，凍飲加$2。豬軟骨刀削麵一上枱，超級開心，竟然有3件大大件既豬軟骨，再加3件細細地既(係大大件既一半)，佢既細件，已經比食過其他餐廳既大，真心係良心店鋪，用料足，價錢仲要平。豬軟骨炆得入味，唔會"鞋"，而且肉質嫩，有肉有軟骨，軟骨咬落脆卜卜聲。最重要既係，件肉唔會散/碎，因為之前食過某餐廳，竟然俾豬軟骨肉絲/肉碎。鍾意食豬軟骨既朋友，一定要叫。刀削麵由師傅即場削，望住師傅不停削，每條既長度厚度幾乎差唔多，好巧功夫。而且麵條唔會過軟，一碗有好多麵，女仔就一定食唔哂啦，男仔食完實飽。豬大腸亦煮得入味，特別在於，平時食開既豬大腸，個樣已經扁哂，但尼到仍保留住佢既外形，但又唔硬，已經"林"身，大腸亦洗得乾淨。而豬手既量亦有3件，唔會太多肥油，充滿骨膠原。加埋湯底甜甜地，食完唔會口渴。跟餐有飲品，熱豆漿係真係熱，食哂d麵先飲，都係熱，好值得讚，冬天飲一流。整體，雖然要搭枱，不過空間都ok，亦唔會趕你埋單，服務友善。

聽人話呢間D刀削麵幾好，一個人開飯，就算中伏，都係一碗姐！試下無妨！一個人開飯勝在易搵位。十二點幾來到，已經有幾個人在等緊位，我得一位即刻有，唔使等！叫了個豬軟骨刀削麵+熱奶茶$46豬軟骨用鹵水炆，炆得又“林”又入味，軟骨爽脆，真正連骨都食埋。湯底味濃。刀削麵，麵底唔錯，又多又大碗，食完超飽！坐底到食完離坐，都係半粒鐘，正宗快、靚、正！不過呢間真係好旺，差唔多一點已經見門口大排長龍喇！要黎試呢間的話，最好避開煩忙時段好D！

今天與太太逛遊荃灣，中午在荃新天地2期(潮館)飲茶，後於荃灣廣場(甘味讚岐烏冬)下午茶，到晚間仍不太肚餓，最後選擇吃刀削麵作晚餐，吃麵之後，就回家去也。豆漿5元一杯，味道唔錯！不過，感覺上次還好些？淨水餃22元一碗，配菜有莞茜、蔥及白菜，肉多菜少，雖然皮厚點，但味道也可以。豬軟骨刀削麵28元一碗，配菜有莞茜、蔥及白菜，豬軟骨腍而有咬口，好味道，刀削麵與湯底幾好吃，我每次到這裡來，也是吃這個麵。