士林棧 (已結業)

今晚終於都唔洗收工一個食，約到妹妹撐台腳呢度之前佢已經黎過，覺幾好，我就無去過，於是就決定黎呢度吃番個“顛娜“     好似有一段時間無同佢去食過台灣ya，對上一次仲係半年幾前！  今晚妹妹收工收得夜過我，唔想係條街度干企變熟尖堆，於是就上網揾地址，一丁友自己去先！   餐廳上菜幾快下，店員反應都一樣快而且幾貼心，店內約有30幾個位，環境以木傢俬主打！荔枝乳酪，味道清新，酸酸甜甜好醒神，略嫌荔枝味不夠濃烈，而乳酪味則恰度好處，不會過酸或過甜，而且凍飲好夠凍，勁啱剛迷完路既我飲用！紅燒牛脷，係伴蘿蔔一起上既，個汁料清清地咁，係幾有牛味既湯，因為一齊煮，所以牛脷肉有好濃濃既清甜蘿蔔味，牛脷都煮到好夠淋，肉質嫩且唔un，囗感像牛腩，其中食左一舊偏大的，就較實淨既肉地，雖然牙唔好，但我都食到，因為其實都幾夠軟熟下，呢個小食最有台味紅燒牛肋條，呢個好鬆化，好濃牛肉味，十分之濃郁，可能因為伴蘿蔔一起炆煮既汁上，所以更顯牛肉味勁香，非常入味，都有好耐無食過咁重牛肉味既ya喇，而且仲要濃得黎唔會so，呢個下次黎會再叫！梅貴豬扒，即是梅頭豬扒，肉質唔過淋，因為係用上豬既上肩肉，無骨啖啖肉，幾滿足！其實個

收到邀請，到這開業週年的食肆試菜。試食這碼事，本來稀鬆平常，吃到甚麼說甚麼就是了；但也正正是這理所當然的事兒，測試著每個人的底線。讓我把話說在前頭，這並非試食活動。我對台式牛肉麵，有著一份感情，你可以說是偏執吧。而士林棧引起我動身的興趣 (畢竟地點不算方便)，就是她僱了曾在永康街麵店工作的廚師；不過其實我念念不忘的，是永康公園中放著大桶大桶酸菜任我加的檔口，當然還有桃源街。(永康街是在台北的大安區而非士林區 ，然而這只是旁枝末節。) 很久未到過台灣了，心想在再次成行前，吃碗正港的牛肉麵，也是一種慰藉。這傍晚，跟同伴到達時，店主站在門外。期待著我們？不曉得，而我真的在期待著，一份味覺的重溫。走進店裡，樸實的陳設之上，也貼上不少介紹文章、名人光顧之類的。端詳著餐牌，在想除了麵之外還要吃甚麼，也留意到一些店方的推介。肉燥時菜 ($25)：除麵食外，這也是台菜中較喜歡者，所以也點了。上桌時，發覺其顏色並非見慣的啡而是偏黃；一嚐 ，有吃咖喱的感覺。店主澄清，並沒有用咖喱粉，而是用花生醬和花椒、八角等香料。「是一種改良」，而「改良」，也是這次光顧的主線之一。因著經驗，我對肉燥時菜的味道有種期望；而

大角咀既火鍋，小炒選擇都好多，不過要食台式食物選擇真係少！收工時間同老公經過豪華戲院附近，平時都會直行直過，但今次俾我見到間叫「士林棧」既台式食店係球場對面當然要試下啦，我好耐無食牛肉麵啦！坐低後，職員好熱心介紹招牌食物，好多野都好想食，為左可以一次過滿足多個願望，我地叫左一個牛肉麵同幾款小食。1.滷水糖心蛋（$16） - 糖心既效果做得好好，滷水雖然唔係好上色，但入口時都有陣陣滷水味。2.日式漢方雞酒食（$27）- 細細碗，藥材味好濃，帶左小小甜味，雞肉好嫩，完全唔會好似煲完湯好老既感覺，其他配料仲有木耳同杞子。3.貢醋豬軟骨（$27）- 醋味入晒豬軟骨入面，十分醒胃，做前菜一流！4.梅貴豬扒 （$27）- 個名好得意，豬扒選用左梅頭，肉質鮮嫩，雖然係炸，但一d都唔油，豬扒唔肥，但食落唔會又乾又硬，味道濃郁，老公大叫左一句「好台灣呀，你快d食！」呢個豬扒真係一大亮點，忍唔住問老闆，豬扒點解可以咁好味。5.筋肉雙雄陽春麵（$44）- 牛𦟌加牛筋麵，同一般既牛肉麵完全唔同，湯頭好香濃，而且唔油，牛𦟌用粗直切，好大件，但唔肥筋同肉分怖好平均，入口溶化，正！牛筋又滑又有咬口。飲品方面我叫左自

放工同老婆返屋企途中，經過一間小店。在門外睇餐牌，遇到一位好nice的老闆，他簡單介紹，彷彿感受到台灣的氣息。入座後，我們點了個 ”筋肉雙雄”，起初我們選擇了配菜飯。老闆在櫃檯閱單後，特意走到我們面前，建議我們配麵會更加好。”筋肉雙雄”來面前香味已感受到陣陣牛肉香味，當我們還未起筷，老闆已很細心提供另一小碗給我們。老闆還細心解釋何謂 ”筋肉雙雄”(牛+牛筋)。這碗麵果然十分好味，牛和牛筋除了極之入味外，口感十分鮮嫩之後我們意猶未盡” 梅貴豬扒” 這個我個人極度推介和激讚。外表看起來以為會油膩，但原來一點也不油膩，口感軟滑還有陣陣台式香料味道”貢醋豬軟骨” 這個也極之推介，軟骨十分入味，醋的味道剛剛好。”雞酒” 也是一個意想不到的好味。入口一陣清香，味度不知怎形容，但必須要試。最後，點了一杯蘆薈紅豆冰這個飲品香港較小有，這杯紅豆冰入口味度適中。下次再來一定要試試他們的熱飲。整晚除了食物味道外，最吸引我的是老闆那份用心，有著一份令人温暖的人情味

說起台灣不知道大家又會想起什麼？夜市？滷肉飯？鹽酥雞？又抑或是麵線和果汁奶茶之類？是日中午來到了一家位於大角咀的台式食店「士林棧」，以麵食為主，雖說是大角咀，但位於相當鄰近旺角，要去不難。走平民路線的士林棧，除了價格親民裝修也很平凡，不過壁上貼上多張雜誌報章之類的介紹，讓人有點小期待。自家製雪耳飲 $17我是喜暖惡冷的老人家，要了杯滋潤雪耳熱飲，混濁的棕色色水，喝著有淡淡雪耳味道，清甜暖胃。貢醋豬軟骨 $27 (6/10)要讚是豬軟骨煮得相當入味，軟骨爽口易咬碎，不過肉質老了些，附送的半只溏心蛋蛋黃開始微微變熟，流心程度未算好完美但是合格，滷味未見好重，蛋白位置Q彈，整體不過不失。脆炸芝心雞扒配番茄汁菜飯 $41 (7/10)店家一系列的皇牌小食都能配以白飯、菜飯、米線及陽春麵，而飯亦可揀要咖哩汁、番茄汁或牛展汁。揀選了健康的菜飯，飯身濕潤不黏，青江菜(小棠菜)數量多，飯量足，飯面加有肉燥，一旁盛上番茄汁，加上小食，整體份量十足，絕對夠男士飽肚。棕色番茄汁味道比賣相預期中濃厚得多，吃罷都不會口渴得要命，中間肉燥呈細碎粒狀，加上醬汁兩者拌起來就是令人一口接一口地吃。芝心雞扒在雞皮與肉中間

一直都想一嚐台灣風味當然我也不是說走就走既人，唔可以一下子就飛去台灣吃喝玩樂唯有留係香港食住近合香港人口味既半台菜啦之前已經擬定一張清單，聞名已久既程班長以及最近火熱既阿元來了怎會榜上無名？而今次就同朋友一齊黎到清單中第一站－－大角咀士林棧環境甚算舒適，老實講係窄身小店形式衛生情況可以接受，至少枱面同地下叫做乾爽無垃圾廚房位其實係幾公開既，唔係話開放式廚房，只係走近就已經一目了然服務方面，幸虧未有遇上先前食客所指既惡劣態度午飯時間人客不少，但廚房出餐速度都夠快捷，未聽見有客人投訴呢度既感覺幾家庭式，職員都係叔叔嬸嬸或者用街坊舖既設想去試，就不會太過不滿佢地既效率態度掛餐牌選擇十分多款多樣飯粉麵俱全，還有小食前菜及各式飲品睇睇餐牌……感覺選擇困難症又來了:^P貢醋豬軟骨　$27一碟總有四大件豬軟骨，另加一面滷蛋呢度食到既豬軟骨係脆口既，必須是咬得開啦，爽身肉質都幾老身，食落有點鞋口，幸好濕潤度高又透入肉，都唔難咀嚼醋味不嗆，酸香溫和，起到開胃解膩既作用糖心蛋　$16一碟就是兩隻蛋對半切開，共四面蛋算是有滷過，可是不算濃味，只有淡淡五香味道蛋黃是成功的溏心，半熟，蛋汁濃稠稠身，香滑非常，蛋

食友圈中流傳著一個飲食戰場, 差不多每個食評人出了這個評後, 躺著也會受傷 ... 痛痛 ... 嗚嗚~不過, 人往往是這般的可愛, 越是危險的地方越是要踏上一腳, 走過烽火大地。這天下午, 我執拾好行裝, 準備好士林棧的地圖, 乘巴士前往。  士林棧雖然說是在大角嘴, 不過原來是偏近旺角那邊, 咦 ... 沿途給我見到美而廉 !附近多是車房 , 食肆都屬麻甩派士林棧的裝潢與普遍臺式食店無異 , 牆上貼上各式各樣食物海報 , 還見到有蘇民峰師傅的推介。 把檯上的餐牌細閱過 , 基本上食店以數款食物作主打 , 觀從餐紙上所介紹 , 梅貴豬扒、士林牛腱、雞酒食都是食店引以為傲的食物。貢醋豬軟骨配蕃茄湯陽春麵 $ 38 , 食落會令人懷念那種不常有機會吃的「豬腳薑」一樣。豬軟骨以陳醋調製過 , 肉質軟腍而軟骨已泡製到帶點膠質 , 有骨膠原釋出卻完全不肥膩 , 味道酸酸帶甜 , 醒胃提神。蕃茄湯以蕃茄、南瓜等蔬菜煮成 , 味道醇郁卻沒有茄醬的那種不自然味道 , 陽春麵的麵身較腍 , 粗身狀卻與上海麵有幾近相似 , 吸湯力也強。三彩雞 $ 48 例牌 , 讀過牆上的介紹是把原雞從尚湯中浸熟 ,