金鳳大餐廳 (山林道)

營業中

休息中

好耐都冇去鋸扒，喺尖沙咀行行吓街，見到金鳳排晒隊就知道穩陣幸好等候時間唔算好耐，大約等咗5至8分鐘就安排到座位。一坐低職員好體貼放低兩杯水俾我哋，仲同我哋講慢慢睇吓食乜，唔會催你落單趕做下一枱最後叫咗一個貴族牛扒同埋頂級西冷，分別都係三成熟鐵板上，我個人比較喜歡貴族牛扒，因為相對比較腍，同埋多肉汁，而西冷就牛味比較重啲，可以因應個人喜好而選擇。總括而言，個人非常滿意，唯獨是剛好牛柳售罄，期待下一次再來嘗試

餐廳歷史悠久，提供各款式既牛仔公仔鐵板餐。牛肉種類花多眼亂，另外有海鮮配搭。平日晚市7點，已經坐滿食客。尖沙咀尼間分店環境寬闊，侍應殷勤有禮。鐵板送上時，侍應會拎2壺醬，分別係黑椒、蒜蓉汁，幫你倒落肉扒上面。扒餐會跟牛油餐包、餐湯、餐飲，扒餐可以揀鐵板/碟上。餐湯一白一紅，紅湯雜菜多，煮到軟，入口辣辣，係羅宋湯特有既辣味。貴族牛扒($208)，有2大件美國牛肩肉，而且份量十足，非常厚。而且廚師幫忙切左幾下，方便跟住個紋理切黎食。叫左5成熟，切開真係保留到牛肉既嫩紅色，充滿濃郁既肉味。薯格炸過再淋上醬汁，變得軟身，尼種口感，係鐵板獨有既煮法先整到。帶子牛柳餐($168)，同牛肩肉最大既分別係，牛柳超級超級‘軟林’，好驚喜，超jeng，咬幾下就慢慢化開。牛肩肉則帶有少少韌。牛柳2大塊一樣有厚度，7成熟口感合宜。帶子結實嫩口，另外有大蝦可以揀。餐飲加錢轉特飲，雙檸雪碧有鮮檸、鹹檸，兩者口味交錯，飲落又幾順口。而可樂加入朱古力雪糕，就會令可樂d氣冇哂，變左飲落先有朱古力味，後有可樂甜味，d氣就冇左既口感，另一番風味。整體，鋸扒勝在鐵板夠熱，做到‘炸炸’聲既效果，而且牛肉質素靚，口感一流，品質保

記得上次去金鳳已經係好多年前既事，宜家開到週圍都係！因為唔係繁忙時間去，有好多卡位揀餐廳有扒房既氣氛，燈光冇以前太子店咁暗我叫左貴族牛扒（牛肩肉）跟餐要羅宋湯，再加錢要黑牛羅宋湯味道正常，好足料，餐包重熱天氣熱辣辣，飲番杯黑牛零舍爽牛扒鐵板上，加蒜蓉，再5成熟，黑椒汁！擺上枱之後，記得拎起紙巾，waitress會幫你淋汁 （好危險嫁，多年經驗既waitress都被彈到）鐵板夠晒熱，牛肉好有味道，依個部位冇咩肥膏，所以要叫生D我覺得5成熟剛剛好，又唔會太生，又唔會太熟你睇顏色幾靚友人就點左龍蝦湯同個芝士忌廉汁焗西蘭花龍蝦湯比想像中好飲，好鮮甜，重搵到龍蝦肉？個焗西蘭花就好大盤，好似放晒成個西蘭花咁！可惜就味道比較淡左D總括黎講，我地都食得好滿足！

在雷暴警告下，到山林道求其搵d野食，發現左一間好耐無食嘅金鳳餐廳，原來已經10年無食了，今日再食返，發覺和10年前食嘅好唔同，牛質好好，我叫左5成貴族牛扒，鐵板上，牛味好重，好食😋另外叫左5成小牛排🥩，肉味濃，口感嫩滑，同貴族牛扒一樣咁好食，口感不同最後飲左個双檸七和紅牛，紅牛好得意😎未試過，都幾好飲今次嘅體驗得四個字，物超所值！下次會再食

金鳳出名大件夾抵食 經常座無虛席假期前更加要排隊先可以食到後來發現山林道呢間分店空間大之餘 抽風系統都比較好 食完唔會成身味 好多時一家人晚飯都會揀呢邊自從疫症之後一家人都好少出街食晚飯 呢排見好番小小 一家人又要出動食金鳳啦 好懷念那種蒜泥味見到menu寫住50 周年推出既貴族牛扒 忍唔住都點左一份7 成熟要試下d 新野黎到之後牛扒賣相雖然唔係太好 不過食落有驚喜 因為牛扒表面燒到脆脆地 但一咬入去入面有大量肉汁流出黎 非常juicy鴛鴦扒就不過不失 豬扒比較淋滑 雞扒就好似熟左小小 所以有d 靱大蝦牛扒8 成牛扒某d 位有筋 但都叫可接受隻蝦d 肉好霉 同店員反映之後換左兩粒帶子俾我地 老店都能保持服務的水準 實在值得再光顧

自從寫字樓搬左後，好耐都無來過呢度附近了，今日難得放假，約左啲舊同事傾計，一於去以前嘅飯堂金鳳食個扒。我一向鍾意食牛柳，貪佢夠淋，今次都唔例外，依然係咁好味，加埋蒜蓉香噴噴，正!朋友叫左個牛小排，好大份好跨張，無牛柳咁淋，但勝在牛肉味香，原來而家配菜有炸薯格，好驚喜。另外仲叫左個叫做貴族牛扒餐，聽啲侍應阿姐講係新出的介紹比我地食，我初頭以為呢啲老舖唔會有新野，原來都唔係。即管叫份來試吓，嘩呢個真係值得試，外面煎得脆脆地，一切落去好多肉汁，肉質夠淋肉味濃，下次我都要叫番份食吓。題外話，隔離張枱傾傾吓計開心過頭倒瀉左杯凍檸茶落個身到，啲侍應阿姐拿拿聲拎住啲紙巾跑過去比佢抹番件衫，又問佢要唔要濕毛巾，仲問佢要唔要幫佢換位，雖然啲侍應阿姐講野大聲啲，但勝在夠真情，有人味，真係難得!