Gram Cafe & Pancakes

營業中

休息中

上個月生日都無咩點食蛋糕慶祝，感覺硬是少了點儀式感，無咗生日的氛圍，所以今晚補返數，一次過食三件cake！仲要係極邪惡但又令人心動的Pancake。這間位於尖沙咀的日本人氣過江龍Pancake店剛開店的時候真的好哄動要大排長龍㗎，家陣無咁誇張但依然有不少捧場客，幸運地一入去就見到有位坐。超人氣招牌梳乎厘班戟 $138真心推薦呢款必食招牌甜點，三層超厚身又鬆軟的梳乎厘班戟，沒有其他餡料配菜，簡簡單單淋上蜜糖一齊食，蛋味香濃，再加少少Cream及牛油，入口似棉花糖般，又有梳乎厘嘅空氣感，食完真係成個人開心晒。士多啤梨流漿班戟 $118拎起膠紙望住士多啤梨流漿流落班戟度，感覺好療癒，士多啤梨醬不會太甜，班戟亦好軟熟。石板街班戟 $118最似生日蛋糕的款式，賣相好繽紛，最上層有草莓、藍莓及奶油，班戟質地比較實淨，中間有朱古力醬及吉士漿，朱古力控必食之選。

星期五嘅中午，趁啲人未放lunch，去搵位食個brunch先朋友經過話覺得個梳乎厘好吸引，加上又有啲set lunch，就入去試下先！我哋嗌咗個意粉配飲品，同埋一個招牌梳乎厘班戟侍應話啲梳乎厘班戟啱啱焗起~更加期待好想快啲試下！超人氣招牌梳乎厘班戟 $138一上菜，已經覺得好打卡ableTotal有3層厚身班戟，梳乎厘嘅空氣感，令到佢好動L咁~面頭有層白色嘅糖霜，加上圓圓一整舊牛油，淋上蜂蜜真係超邪惡旁邊仲有一pat cream，去配返個班戟一齊食~食落口係入口即融，滿滿嘅蜂蜜同牛油唔會令人覺得太甜同太油膩班戟好重蛋香，配埋cream就好似忌廉蛋糕咁，口感都幼滑~果然係招牌，好好食啊蟹肉忌廉意粉 $78呢到主打食甜品班戟，試下主菜會唔會好失色先！有滿滿明太子忌廉，配上鮮甜蟹肉，再鋪上紫菜碎，好有日式風味~味道正正常常，明太子味都幾突出，配上蟹肉，個口感多咗層次，整體都唔錯~兩個人share一個甜品加一個主菜已經好飽，主要係個班戟好足料，份量都唔少~如果係下午茶過嚟chill下，應該食個班戟同飲下嘢已經夠晒

Gram呢間日本過江龍相信大家都唔陌生，見今日天氣麻麻，同朋友喺尖沙咀食完飯想揾個地方食甜品，就諗起呢間位於The One嘅Gram cafe & pancakes。Gram 最出名嘅莫過於喺佢個超人氣招牌梳乎厘班戟，menu寫住每日3次限量供應，今日好好彩食到！三層嘅pancake好有空氣感，食落鬆軟可口，入口即融嘅口感好爽，而且配埋餐廳自家制帶有少少咸味嘅cream、滑身嘅牛油同蜜糖漿，食落去好有層次感，幸福感滿滿！另外都嗌咗個石板街班戟，個賣相好靚，用咗朱古力粉整成嘅三層朱古力味pancake，中間夾住朱古力醬、自家制cream同吉士醬，配上士多啤梨、藍莓、棉花糖同自家製杏仁粒粒做伴碟，味道同口感都係甜而不膩，推介大家去食飯後甜品！📍尖沙咀彌敦道100號The ONE 4樓L408號舖位置就腳：🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊

收工同FD食好嘢，揀咗哩間人氣pancake店。晚市唔算full，2人都可以坐到4人位，唔錯。特登揀咗一個靚位，方便打卡。今日揀咗BLT三明治， 超人氣招牌梳乎厘班戟， 石板街班戟同熱抹茶拿鐵。熱抹茶拿鐵好快黎咗，抹茶味好濃，同拿鐵balance得幾好，飲落唔算甜，唔錯。BLT三明治好surprise，麵包烘得脆啵啵，夾住沙律醬，番茄，生菜同豬扒。一口落去爆哂汁，勁好味。豬扒預先做過處理，食落好嫩同埋好大件，求其叫啲三明治估唔到更好味。伴碟仲有大大份嘅炸薯同沙律菜，全部食哂TIM。超人氣招牌梳乎厘班戟，一日只做3轉，每次都有限定個數，班戟送過來仲彈下彈下，睇落好似好Q彈下。班戟入口即化，已經有少少甜味，啱哂我啲口味。Cream食落好幼滑同埋都係微甜，同班戟一齊食加咗分。石板街班戟好靚，係有3層薄班戟，每一層cream都唔同，上面cream好清爽，下面cream濃郁少少，仲伴有焦糖脆脆，醃制車厘子同棉花糖。一啖落去，巧克力味好重，口感好豐富，好味！食完石板街班戟真係超飽肚，收工食到更好味啲甜品，真係勁開心LOL！

甜品係女仔第二個胃，甜野又會充滿幸福感🥰同鍾意既人食會更加甜甜蜜蜜❤️所以食完正餐之後甜品又點少得呢。疏乎厘係我既最愛，而呢間pancake 店已經聽過好多次但又未試過，咁緊係要去試一試。一黎到好好彩唔洗排隊就可以直入，一坐底睇餐牌簡野食果時，店員就同我地講每個鐘限定供應既招牌疏乎厘班戟淨返一份問我地要唔要點，我即時心心眼😍緊係要試下佢個招牌菜。好開心呀🥳一定有幸運之神眷顧我地先可以有幸食到最後一份。🥰💗****************************** 🌸 超人氣招牌梳乎厘班戟 $138班戟即叫即整等左大約20分鐘就新鮮出爐，一上枱見到三層又厚身既梳乎厘已經好吸引同充滿蛋香😍望落軟綿綿又充滿空氣感騰騰震，好得意呀。上面仲灑上糖霜同一大球牛油，格離仲有蜜糖同鮮忌廉做配料。店員好貼心咁提示要趁熱食，唔係舊牛油就會好易溶，所以打卡要盡快。疏乎厘配上香濃牛油、軟滑忌廉同甜甜既楓糖漿真係好夾，仲好邪惡。食落既每一啖都好滿足 。呢款唔似其他食過既疏乎厘咁充滿濕潤感會入口即溶，佢入面比較實心，但就好似蛋糕咁鬆軟，而加忌廉同楓糖漿就可以增加濕潤感同口感。*******************

Gram係香港開咗咁耐 終於嚟朝聖啦！我地叫咗最普通嘅款 無加配料外層好酥脆 但入面仍然鬆軟👍🏻充滿蛋香味 雖然只有忌廉做配料但都已經好好食😋班戟本身幾香 加埋酸甜嘅蘋果肉同蘋果粒好開胃😚紅茶忌廉茶味都濃但唔會太搶配埋雲呢拿雪糕 冷熱二重奏正👍🏻成個配搭好match好有層次🤩呢款招牌三層梳乎厘一日只有三個時段有 分別係11am 3pm同6pm 每次只有20份 真係要有緣先食到!咁岩我哋2:30pm到 即刻留一份先～相比其他班戟 呢個味道相對無咁濃但特別在佢嘅空氣感同鬆軟～另外因為點餐數量係按人頭計即係四個人要叫四樣嘢所以就叫多咗個特飲～呢款柚子檸檬梳打好清新！岩晒夏天行到好熱坐低解渴👍🏻—————————————————————總結質素同日本真係差唔多👍🏻全部甜品都好高質🤩自己個人最中意烤蘋果配紅茶忌廉班戟❤️份量都唔少 建議可以同朋友一齊share食可以試多幾款嘛😚

每次係The ONE行街經過呢間Gram Cafe & Pancakes 都好想試，不過多數都大排長龍，所以放棄無入到去食。琴日同男朋友行街又經過，見唔係好多人就排下。.我地大約2:15到，前面有4-5 groups人，我地排左15分鐘左右就有得入座，位置係一張同其他人share嘅圓枱。雖然係圓枱，個座位之間都幾鬆動，唔會好逼，面且圓枱中間有棵樹做decoration，幾得意。成間餐廳以綠色、植物、木頭做主題，都有一種好relax嘅感覺。.我地好好彩咁叫到3:00出爐，限定20分嘅超人氣招牌梳乎厘班戟，因為要準時先出爐，我地等左半個鐘先有得食。雖然要等，但都算值得！超香蛋味嘅班戟配上特製黃油、cream同蜂蜜糖漿，好好食溫馨提示，佢地嘅黃油係偏咸，建議可以一開始落少啲，唔夠先加。入座每人最低消費一樣食物/飲品，所以我地係等pancake嘅同時叫左杯蜜桃沙冰，入面嘅蜜桃係黃桃，所以都幾甜，不過配上沙冰同cream，飲落都唔會太膩！因為有最低消費關係，價值真係唔算平，一杯飲品加個甜品都已經係等於一餐飯嘅價錢，但唔洗排好耐隊嘅情況下值得一試！