河內越式料理 (村南道)

營業中

休息中

今晚我地去左大圍MTR A出口對出嘅越南🇻🇳餐廳食pho, 就係li間好多街坊等外賣嘅河内越式料理, 好掛住pho嘅美味湯底.🍜極品牛三寶湯河粉附上芽車泰嘅pho, 味道同香氣都係熟悉嘅越南菜香味. 呷一口湯底係滿滿牛肉熬湯嘅味道, 店家個碗大而深, 一次過食匀生牛肉+牛𦟌+牛丸多pho多餸好足料.🥢豬頸肉撈檬老公個撈檬倒左好多魚露撈撈, d燒豬頸肉好juicy大片好好食.🥢介紹返店家有海鮮醬, 魚露同越式辣醬+++++風味.🥢越式炸春卷正宗地爆餡炸越式春卷一啖有豬肉碎同粉絲口感, 現炸好脆口! 包住附上嘅生菜再dip滿魚露好好食, 推介點都要追加🤤.🍹越式特飲會唔會好抵飲？只係加12蚊ja!! 仲要大大杯呢.

河內越式料理之前已經食過幾次，無論大圍定旺角分店都食過，味道唔錯，而且抵食又大碗，今次喺大圍附近做完野就順便買埋外賣返屋企食。佢地無論小食、法包定越式粉麵飯都係$50至$70就有交易，而且份量都比一般越式食店大份，尤其堂食份量更加比外賣多，係真係食得飽人。越式豬頸肉撈檬($62) - 撈檬同酸汁係分開裝，酸汁份量足夠，撈勻食酸酸地好開胃。豬頸肉份量對版，檬粉唔會太腍仲好爽彈，唔錯。西貢咖哩牛腩配法包($78) - 蒜蓉包外賣返到黎雖然有腍左同硬左，但用多士爐烘返熱已經好脆。咖哩汁杰度啱啱好，好香濃但唔會辣，入面有幾舊牛腩，仲有一兩舊牛筋，牛腩好腍唔痴牙，牛筋有咬口又唔會太硬。蘸完蒜蓉包嘅咖哩汁仲可以留返黎第日撈飯食。越式炸蝦餅($29/細) - 蝦餅拎到返黎炸皮仲有少少脆，蝦肉結實彈口，就咁蘸甜酸醬已經好食。越式炸春卷($20) - 春卷皮好薄好脆，雖然裡面冇肉，但因為加左木耳、紅蘿蔔同檬粉喺入面，口感好豐富，蘸埋酸汁食更加好味。椰果椰汁西米露(跟餐加$12) & 椰汁綠豆冰(跟餐加$12) - 本來所有飯麵加$8跟普通凍飲，但特飲都係加$12相對抵飲。兩款特飲椰汁味都可以，入面都有唔