Villa Villa

營業中

休息中

不經不覺書局街一意式小店已開業八週年，端午佳節就於此紀念一下衝擊的一天小店掛滿祖雲達斯的球衣，配以簡約雅緻裝修門外有戶外座位，感覺悠閒舒適，走輕食風格食材均自家製，包括手造麵包、手打意粉、手轆薄餅及份子元素甜品等$550的季節限定二人套餐，菜式種類豐富，價格合理頭盤黑松露蘑菇忌廉湯有啖啖蘑菇肉，口感濃郁鵝肝多士的鵝肝外層煎至微脆，內𥚃軟嫩肥美北海道帆立貝配低溫慢煮美國特級肉眼，配蒜蓉汁及柚子醋沙律，味道清新蒜香銀魚蓉蜆肉意粉鮮味相互襯托，意粉彈牙甜品軟心朱古力馬卡龍中間軟滑，外面的蛋白餅鬆脆無比

最近同朋友去咗北角嘅 Villa Villa 食晚餐，試咗佢哋嘅季節限定二人餐，整體嚟講令人滿意，價錢又唔算貴，值得推介俾大家。首先嚟嘅係餐湯同前菜鵝肝多士，升級咗做龍蝦湯，攪拌飲又creamy又有龍蝦鮮味。前菜法國鵝肝配自家製墨魚汁麵包，鵝肝真係油香四溢，再配埋黑醋汁，口感好rich又可以中和油脂感，配搭嘅墨魚汁麵包喺餐廳自家製，沾到油香令麵包更加香口。北海道帆立貝配低溫慢煮美國特級肉眼，餐廳好貼心咁切好咗，再加上北海道帆立貝同蒜蓉汁。肉眼扒好大塊，肉質肥美而且軟腍，配埋柚子醋沙律同翠玉瓜，清新得嚟又唔會太heavy。蒜香銀魚蓉蜆肉意粉，蜆肉真係好多好足料，同意粉嘅份量接近一比一。甜品軟心朱古力馬卡龍，又係餐廳自家製，朱古力味濃郁，馬卡龍外層酥軟。餐廳仲做緊週年優惠，飲品同蛋糕都有discount，不過第二朝要返早所以冇叫到嘢飲。

放工同男朋友想食好少少，返完一日工好攰又唔想行咁遠，所以book左好近北角地鐵站嘅錦屏街入面的餐廳食dinner。6點幾嚟到，差唔多坐滿哂，好在有訂枱。💛-我哋兩個人叫咗個季節限定二人套餐($550)，好豐富，叫嘅時候都有擔心食唔食得晒。-黑松露蘑菇忌廉湯+鵝肝多士好 好 味 😍鵝肝多士見menu寫住係用咗自家麵包，好脆身，亦唔會比熱騰騰嘅鵝肝整林左個包，鵝肝煎得好香而不會覺得油膩，自己覺得係今晚最出色嘅dish。本身係紅湯fans的我，對於呢碗忌廉湯冇咩特別期望，係因為鵝肝多士一定要配忌廉湯所以先點呢個湯。然後發現少年太年輕了，原來平時唔鍾意飲係因為唔好飲😂，呢碗白湯好濃好入味。👍🏻.北海道帆立貝+低溫慢煮美國特級肉眼食肉獸嘅我，就梗係要食牛肉。帆立貝size唔細，口感煙韌唔會太林。叫餐時，侍應有問食牛有冇特別生熟的preference，佢哋比較推介慢煮，平時食牛我都係習慣食medium rare，今次決定試一試慢煮！結果係冇令人失望的，慢煮後的牛軟硬適中，鎖住肉味，煮得唔錯。.卡邦尼意粉網上好多人都推介Pizza好味，但係男朋友話想食意粉😂，咁好啦今次試咗意粉先，下次再試pizza

之前住喺北角嘅時候經常過嚟錦屏街後街呢邊開餐，位於北角港鐵站旁邊嘅隱蔽小巷入面有幾間小店，當中我哋最愛嘅就係Villa Villa😊Villa Villa喺呢條小巷開業左差唔多8年，雖然餐廳唔大間，不過餐廳出品嘅食物一直都維持到非常高嘅水平。餐廳內掛滿祖雲達斯嘅波衫，配以簡約雅緻裝修，整體感覺悠閒舒適😙之前每次嚟Villa Villa都必點黃金炒薯條，但今次就試下店員推介嘅季節限定二人套餐，套餐包括左黑松露忌廉湯、鵝肝多士、帆立貝配慢煮極黑豬、薄餅同埋甜品，再加薯條就應該食唔落🙈季節限定二人套餐 $550黑松露蘑菇忌廉湯 • 鵝肝多士鵝肝有兩件，每件都非常厚身，外層煎至微脆，鵝肝入面軟嫩，油香飽滿，配以自家製意大利香草麵包，味道層次豐富。黑松露蘑菇忌廉湯口感香滑，亦食到蘑菇顆粒😋北海道帆立貝配低溫慢煮美國極黑豬餐廳採用的是刺身級北海道帆立貝，外層只是微微煎香，帆立貝夠厚身，入口鮮甜可口。美國極黑豬份量都好多，熟度剛好，肉質好腍滑，汁醬亦唔會搶過極黑豬嘅肉味😍雙重芝士薄餅（墨魚汁餅底）雖然只係二人餐，不過薄餅嘅份量冇縮細到，一人要食四件，好彩呢款墨魚汁餅底非常薄同埋香脆，水牛芝士配鮮茄汁

今日去北角幫襯小店，好滿場weekday 都就黎爆座。季節性二人餐黑松露磨菇忌廉湯配鵝肝多士-黑松露味好出好香，忌廉湯唔係好結身好快飽個隻。-法國鵝肝十分高質，坊間好多都只係用鴨肝代替。鵝肝厚切肥美，嫩滑綿香，after taste 好強。北海道帆立貝配低溫慢煮美國特級肉眼-帆立貝煎得好好，外面金黃鮮香，唔會過熟。-低溫慢煮後的肉眼非常淋滑，唔係話好肥美的部位但牛肉味十分香濃。-有上埋沙律菜，加分！蒜香銀魚蓉蜆肉意粉-意粉估唔到做得好出色，條條分明有口感。-蜆肉好高質素亦好新鮮。咸咸鮮鮮好惹味軟心朱古力馬卡龍-每人兩粒，都係朱古力餡，十分脆口有口感，食唔哂仲可以打包，好貼心！飲品-碼頭咕喱手工啤: 黑啤，有微咖啡香，麥味好濃姐十分欣賞-荔枝乳酸: 上面有一層泡，打卡一流。荔枝味亦好香甜。

位於地鐵站附近的錦屏街後街雖然只是一條不顯眼的小街，但良心食肆臨立，作為街坊的我經常到訪當中主打西式輕食，走大眾化親民路線的意式小店是我的最愛餐廳有戶外位，環境簡約不花巧，用上原木設計小店做蛋糕起家，以全純天然材料自家製作蛋糕季節限定二人套餐四道菜只須$550，價格公道頭盤黑松露蘑菇忌廉湯加鵝肝多士份量十足黑松露蘑菇忌廉湯菇菌香馥撲鼻，濃稠度剛剛好鵝肝多士的鵝肝鬆軟肥美，油而不膩！多士以墨汁製成，口感香脆北海道帆立貝配低溫慢煮美國特級肉眼肉味濃重蒜香銀魚蓉蜆肉意粉的蜆肉飽滿又多汁，加上蒜蓉香草，惹味可口甜品軟心朱古力馬卡龍外層脆脆，中間軟心創意蛋糕法式燉蛋芝士餅將軟硬元素合一，增加了層次感熱黑糖薑茶濃郁的薑汁味配合健康的黑糖，味道足料