一幻拉麵

營業中

休息中

心血來潮想食拉麵，咁啱一幻又搞緊個一人餐買一送一優惠，一於就試下啦！ 套餐好抵食，連加一兩個人先$206，即刻平均每人$103就食到碗拉麵，餃子，沙律同野料🤪 甜辣小蝦沙律呢個沙律好好食🥹 用咗麵酥(紅薑天婦羅)去取代一般沙律會出現嘅煙肉碎，成個沙律好有一幻風格⭐️ 生菜新鮮爽脆🥬 佢哋特製嘅甜辣小蝦調味啱啱好，甜甜地好似食緊日式小菜咁😋 蝦嘅質感咬落酥酥地，但嚼落似蝦乾嗰種感覺，好食！餃子3隻日式煎餃子🥟 內餡係白菜豬肉🐽 餃子底煎到香脆😀 唔錯👍🏻鹽味蝦湯拉麵最經典無加豚骨湯嘅拉麵🍜 配料有2塊叉燒，半隻糖心蛋同埋麵酥(紅薑天婦羅)👍🏻 今次揀咗粗麵😋 麵質煙韌，配埋香濃嘅蝦湯真係一流😍 叉燒肥瘦適中😝 麵酥脆脆為成個麵添來神來一筆，增添一幻獨有風味👅 辛辣味噌蝦湯拉麵作為食到十小辣嘅我都飲到呢個湯😎 喺蝦湯嘅基礎上再加上辛辣味噌，令到個湯再濃厚😉

荃灣新天地都有好多食肆，想搵個下午茶食，喺個商場兜嚟兜去揀吓食邊間，都行到對腳有啲攰。一幻主打日本蝦湯拉麵。餐廳寬敞，裝修以淺木色做主調再撞紅色，中間一排排木三角頂兩座位，似日本拉麵店。一幻下午茶套餐，已包小食及飲品。一上枱紅色嘅麵碗盛住深橙色嘅蝦湯，顏色好搶眼。◉辛辣味噌蝦湯拉麵 $68係香港店限定，上枱首先飲啖湯，係純蝦湯無加入豚骨湯，蝦味更加濃郁，飲得出用大量蝦頭蝦殼熬製，質地稠身。辛辣味突出，慢慢喺個口到擴散，唔會辣到食唔到。揀咗粗麵更為硬身有嚼勁。叉燒肥瘦平均入口溶化，溏心蛋入味，有流心。❀餃子小食配餃子加$10，皮夠薄餡飽滿，如果煎得再香脆啲更好。◉招牌蝦湯拉麵 $68蝦湯底揀咗加入濃厚豚骨湯，更為稠身肥膩，蝦味相對溝淡咗，揀咗醬油口味，湯底更濃味。幼麵質地煮得剛好，唔會過腍，掛湯力強，一樣有叉燒及半隻溏心蛋，配料都可以隨自己口味選擇，揀咗有蔥同麵酥。❀蝦味飯糰珍珠米口感偏硬身，粒粒分明，淡淡蝦味，裡面有少少蝦米，配脆紫菜一齊食。雖然係下午茶，但係份量都好足，食完好飽同埋成個人充滿蝦味。#一幻拉麵地址：荃灣楊屋道1號荃新天地UG樓UG02號舖

晚市路過覺得幾吸引，店內環境&座位都幾闊落，坐得舒適又唔會趕客。不過食客唔多，場面有d冷清。店員都幾主動介紹，服務唔錯。原本以為係普通拉麵店，睇真d原來賣點係蝦湯湯底🦐蝦味濃郁，就咁蝦湯伴麵都已經幾好食。餸同配料唔算多，但可以加錢order叉燒/糖心蛋。麵底一般，可以揀粗幼，但冇得揀軟硬，比唔上其他拉麵店。辛辣味噌蝦湯拉麵 $88辣辣地，但只係濃蝦湯嘅陪襯。蕃茄蝦湯拉麵 $78試埋蕃茄味，覺得辣味好食d。

一人專享套餐（$99），包拉麵×1、小食×1、飲品×1。另收加一。招牌蝦湯拉麵，有三款湯底（原味、適量豚骨、濃厚豚骨），三款口味（味噌、鹽味、醬油），既然要試，於是揀咗原味+鹽味。上枱好香蝦味，即刻試試啖湯如何，味道反而冇香味咁多，但都嗒到有蝦味嘅；麵底可揀粗幼（揀咗幼麵），個人喜好，覺得軟身咗少少，硬番啲會啱我多啲（冇得揀軟硬度）；兩片叉燒好軟滑，不錯；半隻溫泉蛋夠入味，好食；另外有麵酥（紅薑天婦羅），脆卜卜口感幾得意。辛辣味噌蝦湯拉麵，湯底雖然辣辣哋，但蝦嘅味道反而更出，有啲意外。小食要咗木耳（酸酸哋，個醬汁調校得幾好，好開胃）、溫泉蛋。

【一幻拉麵】來自北海道札幌，以甜蝦湯底聞名，號稱「史上最夢幻的拉麵」。2018年登陸香港，短短3年間不斷擴展，於灣仔、中環、尖沙咀、屯門、荃灣共設5家分店。荃灣分店位於荃灣荃新天地，店面以原木及紅色為主，店外總排著長長的人龍。"辛辣味噌蝦湯拉麵"屬香港店限定款式，湯底即點即煮，以蝦湯及豚骨湯熬製，再加入辛辣味噌調味。湯頭濃厚富鮮味，帶薑蒜香氣，辣勁十足卻不會嗆喉。麵底可選擇粗麵及幼麵，麵條由香港麵廠製造，新鮮帶韌勁。粗麵掛湯力強，配料有經火炙的日式叉燒和半隻溏心蛋，加上青葱和蝦味麵酥(紅薑天婦羅) ，更添脆度，令味道與口感更富層次。天氣炎熱食欲不振，來碗夏日限定"蝦汁胡麻冷麵"最合適。冰凍粗麵吃下特別彈牙，配合酸香並重的蝦味胡麻汁，讓人胃口大開。配料有彈牙小虎蝦、叉燒絲、煎蛋絲、爽脆青瓜、香脆麵酥與惹味甜辣小蝦，色彩繽紛，蝦香滿溢。吃拉麵總愛點客"餃子"，餃子皮脆餡多，煎得香口，趁熱吃食味甚佳。小食還有"香辣甜蝦椰菜沙律"、"醬燒雞髀菇"、"涼拌木耳"、"醬油味筍"，當中沙律椰菜絲幼細爽脆，蛋黃醬酸甜醒胃，香辣甜蝦辛香惹味，令人有再點的衝動。店內飲品選擇也甚多元化，有日本直送的啤酒清酒