川莊

營業中

休息中

朋友突然吹雞食dinner，我地就入左川莊，order左黃金翡翠、辣妹子乾煸肥腸、甜奶迷你小饅頭同埋黑椒雞泡魚乾等等。《黃金翡翠》裡面有四季豆同秋葵，每條四季豆同秋葵都包裹住咸蛋黃，而秋葵已經焗到乾身，食落去好脆，色香味俱佳！《辣妹子乾煸肥腸》肥腸炒得好香，加埋辣椒同香料，辣而不失風味。《黑椒雞泡魚乾》雞泡魚乾燒到微脆，但配黑椒粒有d奇怪，黑椒搶曬雞泡乾原本嘅味道。《辣蒜燒生蠔》生豪都幾大隻幾肥美，加埋大量蒜蓉同辣椒粒，好惹味！《甜奶迷你小饅頭》呢個細細嘅甜品好好食，飯頭外脆內軟，再配埋甜甜嘅煉奶，香甜可口。整體來講，食物質素唔錯，而且服務都好好，環境舒適，係一個好適合同朋友聚餐嘅地方。

辣，是簡單直接的味覺之一。朗豪坊呢間大約開左一年既《川莊》，系我極度推介既一間川菜。因為佢大部分食物都能夠完全表現到真正四川成都既辣味文化。今晚我同男友兩個去食，雖然2200夜左d，不過意外地2215先last order，系大商場既餐廳黎講，佢2300先收工算系收得夜架la😆 而我地今日就叫左四樣餸加多杯野飲，真系飽到想嘔🤢店舖門口開陽 可以睇到入面廚師煮食。《水煮牛肩肉》 3辣度香港好少有d甘正宗既水煮，呢個水煮牛肩牛真系令到我愛不釋手🤩佢既辣吾系得辣味，吾系得個咸字，而系真系有層次既辣，先麻後辛辣再有其他香料既味道，後勁系有一種電到你舌頭既感覺，非常刺激！呢味餸最驚喜真系非牛肩肉莫屬，佢系臨上菜前先會將d生既牛肩肉放落去，令到易熟會un既牛吾會變老，o系最好味既moment送到你口前，不得不讚佢地既細心👍🏼除左牛肩肉，另外會免費包左四款配料，我地揀左木薯粉條(食水煮必選)，牛柏葉，窩荀同茶樹菇，都是合拍的食材😊🌶《孜然香蘇羊腩》勁中意食羊的我倆，點會吾嗌羊食？呢味羊腩羊皮脆身，羊肉夠腍，好夠羊味，再點少少調味汁，兩者非常夾，喜歡羊的朋友你地也肯定喜歡這個😄《辣妹子乾煸肥腸》一向食