滿江紅小甜甜 (已結業)

呢日約左男朋友放工見面食個飯，知佢平時做野都好忙，難得見到面緊係想佢食得開心啦，男朋友鐘意食辣野，咁我就上網搵下附近有冇d專食辣野既餐廳啦，比我搵到呢間係油麻地食四川菜既餐廳，就諗住帶男朋友去試下。一去到餐廳就見到個地方好大，而且已經有好多人入坐，我諗應該係幾好食先咁多人吧，侍應姨姨好快手安排左位置比我地坐，再比埋menu我地睇，都真係幾多野食揀。而我地就分別揀左「麻辣豬耳」，「辣子土豆絲」，「泡椒鳳爪」，「上湯時蔬」，「蒜泥白肉」，「干鍋田雞」，「珍寶大檸檬茶」，「椰子鮮奶」。1.麻辣豬耳 $55呢道麻辣豬耳係涼拌黎，用左辣椒油去攪拌，食落質感好爽脆，加左芝麻令到食落更加香。2.辣子土豆絲 $48呢道薯仔絲每條都切得好均勻，食落去好脆卜卜嫁，但男朋友話，如果可以再辣d，就更加好啦。3.泡椒鳳爪 $45初初點呢個我仲以為係好似泰式鳳爪咁冇骨既添，不過都幾好食既，又係涼拌菜，對於中意食辣既人好岩食。4.上湯時蔬 $48有得揀食咩菜，我就揀左我鐘意食既娃娃菜，都唔錯，娃娃菜食落都幾甜，加上有上湯浸住，更加入味。5.蒜泥白肉 $55多數出面叫既蒜泥白肉既蒜泥並唔似呢個咁綿密，乎合返傳統標準，

今晚同阿姨去左食川菜，佢最愛川菜，不知是不是適逢復活節假期前久，人客好多，全場滿座，餐廳滿是川辣味，好地道。叫左個辣子田雞 $138，好大碟滿滿辣椒，看到就感受到辣，田雞偏乾身，要小心吃以免嗆喉。辣子土豆絲 $48，以為這個會清清地，但都好辣。涼瓜炒蛋 $55，炒蛋好香，涼瓜又不會太苦，超好的配搭。香鹵鴨舌 $58，鴨舌下有鹵豆腐，份量都多，都幾好食啊！生煎包 $28，這個有點失望呢，包底煎得唔夠脆，裡面都無乜肉汁。南瓜餅 $28，賣相雖欠奉，但不可貌相，作為甜品都不錯啊。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨

今晚突然好想食水煮魚，男朋友就提議去食小甜甜，我地未夠7點就去到，所以唔洗等位。水煮桂花魚水煮魚揀了中辣（利申我們都算食得辣，中辣都算幾辣架啦），魚肉質感好嫩滑！以$218來講，魚件數量唔係話好多，但都算對得起價錢。麻辣田雞煲我地都有段時間冇去食過小甜甜，最掛住就係佢地個麻辣魚春煲，可惜點餐果時職員話今日sold out！好在我同男朋友都中意食田雞，所以就轉戰try try個麻辣田雞煲！一樣係點左中辣，個麻辣汁真係不得了，入口真係好麻，辣得好惹味，d配菜都索哂個汁好正！煲裡有好多田雞脾，啖啖肉得泥又好嫩，只係$82好抵食！不過順帶一提，因為個煲係keep住用明火煮緊，所以個汁係會愈煮愈辣！同時田雞煮得耐，都會令肉質變鞋。辣子土豆絲可能水煮魚同田雞煲比較濃味，土豆絲食落味道就顯得比較淡，不過口感偏爽。

前晚同我個鐵腳吃貨同事朱頭去食小甜甜，呢間我地都已經黎食過幾3-4次，感覺上都唔太差，因為地點方便，而且亦比樓上果間好食得多，所以都係食番呢間！其實我同事佢真係唔食得好辣，但佢知道我勁嗜辣，耐不耐都會陪我黎食川菜🤗所以當晚就吓佢啦！唔會全部都點大辣🤣今次得2人食，坐張細卡位😌一埋位就叫左壺烏龍茶，服務員上埋一碟醃漬，我都幾鐘意食呢啲酸酸地都幾開胃既前菜。根本唔洗睇餐牌，大概都知道有咩想食。蒜泥白肉～例牌點我超級最愛既蒜泥白肉，仲要另外要多一兜淨蒜泥，嗯😋呢個真係無得輸，啲蒜泥真係打到好容好綿，滿口濃郁既蒜味，真係超級好食😍香港既川菜我都食得多，暫時最好食既蒜泥白肉係呢間小甜甜！川北涼粉（中辣）～另外仲有川北涼粉，呢個又係必食既，涼粉本身無味道，所以汁醬先係重點，我就覺得辣度剛好，唔太辣但又唔會無味👍但我同事已經食到滿頭大汗喇😅9菜雞紅（中辣）～再黎一個9菜雞紅，呢個就一般般，唔辣！9菜太老，而且勁少，同事話雞紅好滑口，但我就覺得好潺，所以麻麻地⋯⋯辣子土豆絲（中辣）～真係完全感覺唔到邊忽辣？同之前幾次比較，今次簡直叫失敗！我夾左幾注就決定打包，攞返公司睇下有無同事食（可惜最終無人食，益

 係大陸食過土豆絲, 見到呢度有當然要試下有咩分別啦,辣味係夠既不過仲有少少酸味, 原來侍應話係用左醋去炒, 不過我自己就唔太喜歡有酸味啦仲意呢度既水煮牛肉係用肥牛, 而唔係發粉牛肉,份量之大足夠3個人食, 不過我個人覺得唔係好夠辣,青瓜同大豆牙十分爽脆及解辣, 底下既粉皮吸盡所有精華, 必食呀