肥姐麻辣餐廳

營業中

休息中

今日收工之後睇緊有咩食嘅時候，發現原來公司附近有一間評價唔錯嘅川菜，所以就同朋友去試下！餐廳唔算大，但係入面光猛企理，位置之間都相當闊落。最重要嘅係冷氣好夠猛，唔使擔心食辣食到成身汗！老闆娘肥姐超級Nice，會主動介紹每個餸菜，同埋問你食唔食得辣，呢度有大中小辣同BB辣，所以食辣嘅初哥都唔怕！✨黃金皮蛋皮蛋既蛋白部分晶瑩剔透，似軟身啫喱，滑嘟嘟，而蛋黃部份就有流心效果。佢既阿摩尼亞味沒一般皮蛋強烈，比較容易入口，而且蛋香味比一般皮蛋濃好多，留係口中久久不散。醬汁用左啲花椒油、醋、辣油等，整成酸酸辣辣靚口味，再配上青瓜粒，刺激過癮！✨辣子蒜香排骨呢一碟喺廚房炒緊嘅時候已經聞到香味，一拎出嚟真係嚇親，唔單止大碟，而且仲有好多辣椒乾！原來好多排骨都收埋晒喺個底，排骨醃得夠味，而且先炸過再炒，食落香口之餘，又唔油膩。配上香辣嘅辣椒，非常惹味，餸飯一流！✨酸辣土豆絲土豆絲嘅顏色鮮艷，色澤光亮，而且口感非常爽脆，冇糊化嘅跡象。土豆絲唔算辣，但係酸味夠勁、爽脆又開胃，令人有種人上癮既感覺，極易餸飯～

放學後同朋友去到荃灣既肥姐麻辣館，我不嬲都鐘意食辣，但係又唔食得辣，尼到專門食辣既肥姐麻辣館簡直係打大佬添。餐廳嘅所有菜式都以辣為主，都可以揀BB辣中辣大辣。鋪頭幾靚，充滿田園色彩既裝飾。亦有不少卡位，比較有私穩😉 但係啲菜份量較細，比較貴。 Menu都係麻辣為主，又有現成小食可買番屋企配餸。🌟蒜香炒椰菜🌟你以為菜會清淡啲，裡面都係加咗辣椒，辣得來又有蒜香味，菜炒得好爽口。🌟麻辣花生（$38/罐）/牛展（ $88/罐）惹味可口嘅餸飯小食,可以帶返屋企。特別推薦牛展，有嚼勁又好香牛肉味送飯一流。🌟招牌口水雞（$78/例）🌟稍嫌口水雞嘅麻辣醬唔夠「麻」，但係勝在雞肉嫩滑，裏面有清新嘅青瓜，爽口又解膩。🌟辣子蒜香排骨（$138）🌟雖然已經叫咗小辣，但係由幅圖可見依然好多來辣椒。 鼓起勇氣夾咗一舊，果然係辣味充天。 現在排骨炒得乾新又脆。驚辣嘅人要慎入。（戴定頭盔，我唔係好食得辣）

之前係ig見到佢有得賣辣野返屋企煮，不過唔係住荃灣，所以決定自己去食。一坐低就俾左2款前菜：麻辣丁香魚，辣菜脯，淨係食前菜都知佢的辣有料到。老闆娘話平時食得辣都係食小辣就夠，睇黎真係好勁。（我地食開譚仔二小/小辣）辣子蒜香排骨（小辣）我諗得哩度會有配蒜香排骨，用左豆豉同蒜片炒，非常香口。比起平時食的辣子雞少骨，非常唔錯。酸辣土豆絲（小辣）好夠酸，小辣剛剛好。冇叫飯食土豆絲當飯啱晒。口水雞（中辣）因為我地想試下中辣，老闆娘就話試口水雞會比較好，因為會有甜味，唔怕辣得滯。果然，真係好辣，不過食到好上癮，所以辣到鼻水流都係咁夾黎食😂個底仲有大量青瓜可以食。好彩其他野叫左小辣，如果唔係就會食得太辛苦。佢的辣同出面係唔同，可能因為自家製。餐廳仲有快煮，速食，涼拌，醬料，火鍋湯底系列等等，可以外賣返屋企再煮返熱黎食。檸檬梳打夠晒酸，解辣一流。餐廳設計都好特別，好有詩意咁，唔似平時食辣的地方，每張卡位仲有迷你模型好精緻。