南海一號

營業中

休息中

Open rice 即日卜，最晏只能卜一點因兩點十五分截單最多坐到三點留言寫左媽咪生日，希望能安排坐window seats 因為同事前一日黎食過話吾錯，而且環境靚重點係而家做緊任食一至五$188星期六日$208$26/茶錢加一因為下午請左假12:30先走去到13:20一點打比佢話遲啲到也見到開飯寫左留台15分鐘職員話只留十五分鐘同埋而家得返高台我就話去到睇下係咪好高先再決定話晒老人家怕坐得辛苦去到真係好多人但高台有好多張簡媽咪話高都吾怕簡左間係極近windows Good 坐左五至十分鐘先有人黎可能太多人招呼吾晒茶原來無得簡得一種茶飲叫南海茶好滑好好飲平時吾飲茶嘅我只飲水我都不停飲呢個整體來講，個人覺得野食吾算多同埋點心就普普通通炒飯麵小菜吾太咸但一至五呢個價錢同埋環境可以一試

第一次試呢間餐廳，整體感覺普通，無論在款式、味、服務質素、環境都有進步空間！首先環境方面，尚算寬敞、但如果可以坐近窗邊位會感覺開場一點！ 沙法位不太好坐，坐位太低進食時會比較辛苦點心款式不多，而且非常普通！ 唯一可取是即叫即蒸！食後感覺餐廳小菜比點心好！ 好食的小菜如下：咕嚕肉滑蛋蝦仁 （但雞蛋比例太多）四季豆 好食的點心有：菜苗餃馬拉糕南瓜路服務方面整體有效率，但不夠細心- 沒有問要咩茶（可能餐廳只供應一款茶）- 不會主動check 茶壺內有沒有茶-放下點心時只會把所有不同類的點心放底係台上面（我覺得南瓜路、湯這類食品可放在食客面前！）最後一提的是餐廳收費有點取巧！茶位+小食再 +加一 後由原本$188 一位 最後變成$250 一位！ 以這個價錢食點心又要限時90 分鐘實在太趕，不太享受！

朋友生日，因為想食中菜，米芝連推介，所以揾左呢間試下，我同朋友都係第一次黎，上到三十樓，一出lift門，感覺很好，環境優雅，可以望到維港景色，侍應們都好有禮貌。因為大家都好肚餓，所以都急不及待叫嘢食，落單等左一震就有得食，每道餸都係接住上，係最後個泡飯耐左少少，會幫我地分埋先上。我地最後係度切埋蛋糕，蛋糕係自己帶埋，呢度需要比切餅費，人頭計每位20蚊總括黎講每道菜味道都不錯，很有品質，侍應們都好有禮貌，同埋好有記性成都辣炒蝦蒜泥白肉辣子雞椒鹽豆腐蒜炒露荀雞脾菇龍蝦湯配貴妃飯

環境、服務、食物水準好好👍🏼難得放假梗係想坐得舒服啲食得好啲🍽😋如果你都係咁諗，想放假同朋友，同長輩出嚟飲餐舒服茶嘅話，呢度係一個唔錯嘅選擇。雖然比一般酒樓份量少啲，價錢又貴啲，但是無論食物質素，材料等等，都肯肯定好過一般酒樓。你睇下個view就知。💕豬腳仔同乾炒牛河有驚喜，其他菜式不過不失都幾好食。蝦餃、燒賣、鳳爪呢啲例牌野真係都好例牌。蒸飯好食不過太太太細碗，按分量有啲貴。如果你問我，比二百幾蚊食個lunch buffet ？定係，係呢度舒舒服服飲餐茶嘅話，我情願喺呢度舒舒服服飲餐茶。🌸😋