影片
更多
2014-01-11
1824 瀏覽
大概四、五年前開始去滿江紅小甜甜食嘢，記得第一次去係因為有一位出名大聲嘅食家喺電視介紹去呢間舖食小雲吞，當時只記得個名叫小甜甜，後嚟再去就主要食佢哋出色嘅川辣菜。 依家川菜大行其道，滿江紅小甜甜一早造川菜可以話先軀代表之一。 舖內裝修格局有啲似日式食店以木材為主，有方枱亦有卡位。細細間舖居然可提供多款菜式，有冷盤小食、燉湯、川辣美食、小菜、刀削麵和龍鬚麵、包點、甜品、冷熱凍飲。 以下幾款係我常叫嘅食物:麻辣雞紅 - 雞紅唔係每間食店都有，去澳門一啲麵店就會搵到。質感同豆腐花一樣咁滑，連埋麻辣汁食，又嫩滑又惹味。 麻辣魚春魚卜煲: 出面無食過，第一次食完後就好鐘意，魚春煎炸過好香口，而魚卜in in un un, 兩樣都好索汁，每款麻辣煲都有蘿蔔條、青瓜條、薯條墊底，用火爐滾住食。烏江水庫魚：一大鍋上非常豐富，上面有嫩滑鮮魚片，之下有魚骨腩，再下面就有大豆牙、青瓜、菌等等。一層層食落去，份量都幾多而汁唔就好辣，水庫魚肉質似大魚夠晒甜美。辣子雞：雞好細粒配合腰果大小同樣乾食脆口，雖然紅色一遍個係唔覺辣但係非常香口，送啤酒最好。焗蜆： 錫紙包住焗，裏面有薄殻蜆混埋薑、辣椒、乾葱同大量胡椒，
細細間舖居然可提供多款菜式，有冷盤小食、燉湯、川辣美食、小菜、刀削麵和龍鬚麵、包點、甜品、冷熱凍飲。 以下幾款係我常叫嘅食物:
麻辣雞紅 - 雞紅唔係每間食店都有，去澳門一啲麵店就會搵到。質感同豆腐花一樣咁滑，連埋麻辣汁食，又嫩滑又惹味。
麻辣魚春魚卜煲: 出面無食過，第一次食完後就好鐘意，魚春煎炸過好香口，而魚卜in in un un, 兩樣都好索汁，每款麻辣煲都有蘿蔔條、青瓜條、薯條墊底，用火爐滾住食。
烏江水庫魚：一大鍋上非常豐富，上面有嫩滑鮮魚片，之下有魚骨腩，再下面就有大豆牙、青瓜、菌等等。一層層食落去，份量都幾多而汁唔就好辣，水庫魚肉質似大魚夠晒甜美。
辣子雞：雞好細粒配合腰果大小同樣乾食脆口，雖然紅色一遍個係唔覺辣但係非常香口，送啤酒最好。
焗蜆： 錫紙包住焗，裏面有薄殻蜆混埋薑、辣椒、乾葱同大量胡椒，焗到所有汁都入晒每隻蜆，好滋味。
麻辣田雞：呢味都係我每次都會叫，田雞脾最好食啖啖肉，麻辣汁越滾越濃味，田雞就越入味。
冬菇刀削麵：雖然好素但係都幾豐富有冬菇又有菜，刀削麵好爽滑。
小雲吞： mini size有好多隻，皮薄好滑，肉少少食多唔會漏。
檸檬樹: Jumbo size 檸檬沙冰，酸酸咪咪夠晒解辣又解渴，都係次次都會叫。
整體食物份量足又好味，價錢合理。張貼
