老川皇

營業中

休息中

終於放寬， 可以同先生出去食晚餐湊下熱鬧， 搵返呢間朋友介紹咗好耐都未去食嘅川菜試下，收穫唔錯：1.水煮牛 3/5(微辣)平時食其他水煮牛會有兩三個配料或包含薯粉，呢間净係有芽菜底， 但係因為芽菜同水煮實在太夾， 佢爆多芽菜絕對令人有驚喜！而且牛肉量出乎意料嘅多，兩個人大滿足，唔需要就住就住食， 但係食到中後期筆者覺得味道偏鹹(先生覺得正常), 所以只能比3分，整體係唔錯2.辣子雞4/5呢個辣子雞有驚喜， 筆者食過新鮮雞整嘅辣子雞， 雖然呢個冇新鮮雞自身帶出嘅雞味，但係佢嘅肉質絕對拍得住新鮮雞嘅口感，唔乾唔硬，比傷心xxx嘅辣子雞好食，但係筆者依然覺得係偏鹹， 但係佢嘅肉質口感有加分，所以比4分3. 燒茄子、韭菜、羊肩肉食串燒必嗌之選，因為第一次食呢間舖頭， 食少少基本野睇佢功夫先，發現麻麻地韭菜嘅先生都食咗一半韭菜！茄子爆多蒜令人有幻覺自己食緊海鮮；羊肩肉一拎埋嚟就好香好吸引， 肉質夠林身唔乾唔柴皮；4.糍粑3/5嗌呢個純粹滿足先生為食慾望，出來結果都唔錯，有興趣可以一試5.涼麵2/5見到有啲食評話涼麵好食， 可能筆者揀咗走辣所以覺得味道一般， 不過下次再嚟會嗌小辣再戰！總結：埋單4

釣完墨魚出返油麻地食宵夜, 第一次試依間, 剛剛我哋坐近門口張枱, 走廊比較窄, 所以有人出出入入都會撞到張櫈, 唔係咁好囉....食物方面...海蜇幾好味, 不過太少, 每人分啲都冇晒....另外就係辣子雞, 香脆麻辣, 好味!串燒方面, 係墨丸串燒最耐, 由一開始已經叫, 成日話燒緊, 不過似漏單多啲, 差不多走先俾我哋....其他串燒都唔錯~仲有燒茄子, 超多蒜蓉, 正!仲叫左酸菜魚, 好足料, 食落唔腥, 酸菜好正!有個餸唔記得叫咩, 有田雞的湯, 超麻辣!!

同班朋友到旺角逛，無意中經過《老川皇》，位置響砵蘭街114號地下，因為門口較特別，所以我哋留意到，原本係食四川菜。最近天氣濕度高，最好食辣，於是乎入去試下先。食四川菜人人都會點的，非水煮系列莫屬。我哋點咗水煮桂花魚，要少辣。一大盤赤紅色的湯，表面全是辣椒，花椒和野生椒浮面，好嚇人！但嘗了一口後，味道非常棒，不是想像中辣，魚塊更是鮮嫩得可怕，比蒸魚更嫩滑鮮美，實在令人有驚喜。間中咬破一粒花椒，舌頭像麻痺一樣，立刻吃些青瓜解麻中和，正！手拍青瓜不錯，現在很少見真的拍出來，青瓜再切成小粒狀，爽脆而且涼涼哋，可以中和辣的感覺。辣子雞都是必叫的，先將雞炸至脆身，然後用大量乾辣椒，花椒，香料一齊炒，味道香脆得來麻辣，十分美味！最正是這個鐵板燒茄子，醬油非常豐富，看起來不是那麼辣但很香，加上茄子又“林”又滑，送飯簡直一流。焗生蠔正!平時很怕食蒜蓉，但這個不同，很香，多汁，蠔又大又新鮮又肥美，熱辣辣食更正!!田雞腿肉多，新鮮而嫩口，有麻香又帶辣，味道特別，最難得是有個爐熱著，保證熱辣辣。豬頸肉燒到外脆內“林”，加上外層曬上香辣粉，簡直可以食完再食。

分別係4月2日同4月18日食老川皇第一次係食小菜, 第二次係食酸辣粉第一次食左, 辣子雞, 夫妻肺片, 燒韭菜同燒茄子辣子雞 - 中辣雞肉切得好碎, 好細件, 又多骨, 但炒得好乾身, 好香口夫妻肺片 - 中辣非常好食, 可以再食辣少少, 我中意有汁的辣多過炒乾身的辣枱上有辣椒油, 我再加埋一齊食都好好食燒韭菜, 燒茄子]燒韭菜係大陸食過一次, 人地串晒成條竹籤都係]韭菜, 呢度得幾條, 大陸比較好食D燒茄子過左火, 茄子太"淋", 唔爽口又難夾第二次食左, 手拍青瓜, 米線, 薯粉, 燒韭菜同燒茄子米線, 薯粉米線同薯粉都好滑, 辣味同小菜的辣不同, 唔麻辣唔太香, 是酸味較多我另外叫待應加辣俾我, 原來只係辣椒粒同辣油一碗, 加埋比較酸最後拎枱上的辣椒油撈埋食, 仲比較好食米線薯粉上的餸, 完全唔辣唔入味, 明顯係分開煮好, 放上米線上燒韭菜, 燒茄子燒得比第一次好食, 茄子燒得剛剛好, 味道比較好, 辣粉香口d相信燒的食物好難控制水準...拍青瓜有蒜粒係上面, 當然香口, 青瓜爽口, 但可惜唔夠凍凍食會比較好老川皇小菜比酸辣粉出色好多, 如果有麻辣粉會更好