老川皇

營業中

休息中

同班朋友到旺角逛，無意中經過《老川皇》，位置響砵蘭街114號地下，因為門口較特別，所以我哋留意到，原本係食四川菜。最近天氣濕度高，最好食辣，於是乎入去試下先。食四川菜人人都會點的，非水煮系列莫屬。我哋點咗水煮桂花魚，要少辣。一大盤赤紅色的湯，表面全是辣椒，花椒和野生椒浮面，好嚇人！但嘗了一口後，味道非常棒，不是想像中辣，魚塊更是鮮嫩得可怕，比蒸魚更嫩滑鮮美，實在令人有驚喜。間中咬破一粒花椒，舌頭像麻痺一樣，立刻吃些青瓜解麻中和，正！手拍青瓜不錯，現在很少見真的拍出來，青瓜再切成小粒狀，爽脆而且涼涼哋，可以中和辣的感覺。辣子雞都是必叫的，先將雞炸至脆身，然後用大量乾辣椒，花椒，香料一齊炒，味道香脆得來麻辣，十分美味！最正是這個鐵板燒茄子，醬油非常豐富，看起來不是那麼辣但很香，加上茄子又“林”又滑，送飯簡直一流。焗生蠔正!平時很怕食蒜蓉，但這個不同，很香，多汁，蠔又大又新鮮又肥美，熱辣辣食更正!!田雞腿肉多，新鮮而嫩口，有麻香又帶辣，味道特別，最難得是有個爐熱著，保證熱辣辣。豬頸肉燒到外脆內“林”，加上外層曬上香辣粉，簡直可以食完再食。