Orange Elephant Thai Restaurant (和富)

營業中

休息中

今日約咗朋友去北角和富附近買二手書，買完後就近近地嚟咗呢度食泰國嘢☺️ 一開頭係俾佢嘅芒果甜品系列吸引到，諗住食完嘢嘆返個芒果糯米飯就perfect～ 入到餐廳發現環境好闊落，我哋坐嘅圓形卡位好舒服，張枱夠晒大可以叫多啲嘢食🤭今晚我決定嚟個泰式海鮮之夜，叫咗4樣嘢都係海鮮🦐🐠🦪🦑辣椒膏炒蜆 ⭐️⭐️⭐️⭐️⭐️辣椒膏超級惹味，平時算食得辣嘅我，呢個唔會太辣！蜆雖然唔算大隻，但份量好足夠，隻隻蜆都有蜆肉冇呃秤，食完蜆肉舔埋蜆殼啲汁，令我食慾大增😋鐵板蠔仔蛋 ⭐️⭐️⭐️⭐️⭐️蠔仔大隻juicy，炒蛋有燶邊，但唔會煮到熟晒，仲保留咗滑溜嘅蛋汁，食落似脆脆地嘅滑蛋！隨蛋跟個辣辣地嘅泰式辣醬，鍾意食濃味啲嘅可以點醬食，唔點醬就會食到多啲蠔仔味，各有各好食😙乾炒噴靚咖喱海鮮 ⭐️⭐️⭐️⭐️⭐️我原本以為乾咖喱係無汁嘅，見到真身後同想像有啲出入，以為同普通咖喱無咩分別！點知原來佢呢個咖喱喺比一般其它嘅杰身～ 咖喱入面海鮮有魷魚、魚塊、蝦、青口，仲有我最鍾意嘅豆角，杰身嘅咖喱將每一舊海鮮包裹得實一實，啱晒咖喱控嘅我❤️焗大頭蝦粉絲煲 ⭐️⭐️⭐️⭐️⭐️用煲仔煮嘅粉絲煲入面有4隻大蝦，好足料😳 粉絲索晒啲汁但麵質仲好彈牙，食吓食吓就食晒成

已經係食第二次去食😋 收工過去近近哋，夜晚去雖然全場好full但係都唔使等位🥳♥ 辣椒膏炒蜆 $89好入味啲蜆好有鮮味又冇沙😋，食落少少辣，不過炒嘅時候蜆肉應該同殼分離咗，好多蜆肉都係隻碟度要搵嚟食🙈♥ 泰式拼盤 $149拼盤好豐富有蝦餅、春卷、魚餅、香葉包雞，上菜嘅時候冇留意夾咗春卷嚟食，一咬落去係凍嘅 中間都仲係冰😧 同番侍應講佢幫我換過一碟☺️ d雞肉有d鞋，其他都OK😋♥ 馬拉盞炒通菜 $64炒得好惹味😍😍😍不過兩位有少少嫌佢太油♥ 冬陰功湯 (小) $89呢個真係超驚喜😍好耐都未試過飲過咁好味嘅冬陰功湯😋 唔算好辣係酸味帶重嘅冬陰功 個人超鍾意😋😋😋 入面都好足料，有蕃茄仔、菇、蝦🦐♥ 泰式豬頸肉撈金邊粉 $70豬頸肉燒得好好味，有兩隻醬汁 一隻係俾你點豬頸肉，另一隻係俾你撈金邊粉，本身唔知2隻一齊撈晒落去搞到好奇怪😂♡總括嚟講啲食物都好食，值得去試😋 同埋份量都唔算細， 但係食泰菜就係成餐都好濃味，食完都要飲返多啲水

飛天通菜($1)是日特價菜色，通菜炒得好脆，夠辣，唔太油，鹹味適中，好抵食辣椒膏炒蜆($89)似黃咖喱，小小甜，九層塔同椰香都幾出，微辣，適合唔食得辣嘅朋友。蜆鮮甜，加埋洋蔥、紅椒、青椒，香芹一齊炒，色香味俱全肉碎生菜包(豬)($79)豬肉碎好juicy，裡面有炸蒜，乾蔥，蔥，炒得好香好乾身而且唔油膩，仲有少少青檸汁吊味總括來講，鑊氣夠，香口，唔會好油或者過濃味，而且大件夾抵食，味道好，惹味，性價比高👍🏻👍🏻