蘇媽.蘇媽馬來西亞茶餐室

營業中

休息中

呢間餐廳我已經encore左3次原因好簡單💁🏻‍♀️服務好，食物又抵又好食🧏🏻‍♀️今次點左辣死你嗎配仁噹牛肉由於男友話好肚餓服務生超好，幫我同廚房講加底🤗黎到個份量真係嚇親我地椰漿飯係2碗甘大😋😋牛肉好入味又淋，好好食🤩另外點左個仁噹牛肉乾撈面又係好好味 個面好食👍🏻👍🏻飲品2杯凍白咖啡🍹呢杯我之前飲已經超鍾意好白濃咖啡味🥰要一提再提既係服務真係好好野飲上檯之後 我搞一搞飲筒整左少少咖啡係檯 我都無為意服務員即刻拎布幫我抹乾淨其實唔係好污糟 但真係好欣賞仲係笑咪咪甘抹 唔係黑面架我想再要多少少醬佢地又係好樂意甘幫我拎唔收加一服務費既地方又有甘服務讚讚讚👏🏻👏🏻👏🏻👏🏻👏🏻

當下午茶周圍兜圈諗緊食乜 見到蘇媽冇人排隊(星期六)就走入去食！-入到嚟最想試個咖央多！椰香咖央多士 即上碟夠熱同烘到好脆！咖央同牛油俾得重手 呢度既咖央椰子味較重 配埋大嚿牛油好邪惡🤤-辣死你嗎牛肉飯 其實少少辣😂椰汁飯椰香味重 配上花生、魚仔口感唔錯！不過椰汁飯煲得太淋 牛肉少少韌味道不過不失！-檳城亞參叻沙線 佢係配料加米線 唔係有餸嗰款米線！米線分量多但煮得偏淋！湯底飲落口酸酸辣辣 加埋啲配菜 好開胃👌🏻米線可以跟蝦醬 不過我哋覺得要唔要都無所謂 本身個湯底夠味！

襯平日去幫襯經常要排隊既蘇媽蘇媽，趕得切係lunchtime 前到👏🏼👏🏼坐低3個字後開始多人，過多陣就full埋，真係好受歡迎☺️·•馬來西亞拉茶。拉茶好似有陣薑味，我自己覺得唔錯，都好飲😋•怡保白咖啡。通常都比較甜，不過都幾好飲•檳城白咖哩麵。叫咗少辣，都幾野味，不過份量比較少，男仔食應該唔夠飽•辣死你嗎配仁噹牛肉。椰漿飯好正呀🤤，牛肉好夠淋，個汁都好好味，又唔算好辣wor @@·下次再試其他野😋

1️⃣ 百吉爹肉骨茶（棒棒骨）$84三條棒棒骨，湯入面仲有豆卜、金菇同枸杞。肉骨茶有好濃藥材味，絕對唔會係hea你嘅肉骨茶；棒棒骨影落係幾得意，但食落就真係普通，有啲乾身又有啲柴，有啲失望；其他配料本身都幾吸湯汁，可以免費添飲㗎～2️⃣ 檳城亞參叻沙米線 （跟蝦醬）$55呢碗叻沙同平時係香港食到嘅唔同，平時食到嘅係比較似新加坡嘅叻沙！魚肉湯底除咗有啲魚蓉係入面，仲可以跟埋蝦醬，湯底嘅味道酸甜辣又帶有魚腥味，極重口味！！意外地幾鍾意呢種風味，辣味又夠。不過留意返呢碗叻沙係冇魚片/肉，成碗都係青瓜絲，紫洋蔥絲，生菜絲同兩粒菠蘿，食落口感都幾豐富。3️⃣辣死你嗎配仁噹牛肉 $55係去到馬來西亞必食嘅椰漿飯，飯帶有啲椰漿味，不過啲飯係凍嘅，上面仲有半隻烚蛋；參巴醬比起馬來西亞嘅參巴醬嚟講偏甜同冇咁辣；側邊嘅仁噹牛肉微辣；仲有花生、炸魚乾仔、青瓜片同炸蝦片，正正常常。4️⃣玻璃魷魚配通菜 $52 玻璃魷魚爽口彈牙，配埋嗰醬幾香口，夠晒辣（唔食得辣嘅朋友要三思），但通菜有啲老同乾，略嫌可惜，$52嚟講唔太抵食。✴️整體而言，個人覺得呢間馬來西亞茶餐室嘅嘢食普通，算係喺香港可以食到馬來西亞嘅菜式，但就未到其他人講到咁

香港美食天堂是世界之譽，雲集全球多國菜，但還未覓到一間平民價而又有水準的馬來西亞地道菜。今日在荃灣尋找午餐落腳地時路過正在試業中的馬來西亞菜餐廳，決定先睹為快試一試，嚐後發覺，這正是我要尋找的高性價比馬來西亞菜！試業中的蘇媽蘇媽牌匾還未完全露面已經多人在門外等待座位，古舊的門面感覺老字號，試業中仍人山人海相信有水準，便吸引我取個號碼牌等候了等候大約5分鐘便可內進，內在裝潢走懷舊路線，而綠色、深木色及白色為主，鋪頭左個牆身掛滿菜式名字，右面掛著菜式圖片，整個裝潢令我回想起在馬來西亞旅遊嚐肉骨茶的老鋪模樣。我們安排至四人圓枱與兩位食客共坐，由於人流較多當然坐位相對較擠迫，而且夏天光顧也相對較熱餐廳售賣之食物主要分為肉骨茶、乾濕麵、飯及小吃，看到周遭食客各自點了不同款式的食物，全部賣相都相當吸引，寵我的男友提議每款點一品嚐等待食物之時看到牆上貼著肉骨茶4步曲，我們馬上照著辦！首先放上蒜蓉和辣椒，其後加較多的黑豉油和頭抽攪拌，醬汁的味道屬甜帶老抽澀，蒜蓉與辣椒顯得更惹味第二步嚐熱湯，黑漆漆的熱湯早在就坐後已經呈上，原來熱湯為肉骨茶，有香濃中藥當歸味帶甜，其後嚐到豬肉鮮，茶並非單一味，而是百味交

荃灣多嘢食就係人都知啦，呢間新開主打馬來西亞菜嘅餐廳你又試過未呢，<蘇媽·蘇媽>原店係深水埗，今次分店選址係荃灣，鍾意肉骨茶嘅朋友就啱曬喇，因為你只要有叫就可以無限添飲😂😂（有興趣想知更多美食資訊快啲follow ig HeSheat.hk喇😆）🍴沙爹🐔🐮🐷串燒唔會太乾醬汁調得唔錯好香花生醬味👍🏻👍🏻荃灣多嘢食就係人都知啦，呢間新開主打馬來西亞菜嘅餐廳你又試過未呢，<蘇媽·蘇媽>原店係深水埗，今次分店選址係荃灣，鍾意肉骨茶嘅朋友就啱曬喇，因為你只要有叫就可以無限添飲😂😂🍴馬拉沙嗲🐔🐮🐷串燒唔會太乾醬汁調得唔錯甜甜地好香花生醬味👍🏻🍴咖央多士烘到外脆內軟嘅多士加上椰香咖央完美結合埋一齊，每一啖都充滿咖央醬👍🏻唔錯🍴仁噹牛肉乾撈油麵🌶所謂嘅仁噹醬其實同咖哩差唔多味道，所以其實啫係咖哩牛肉撈麵😂辣辣地對撈麵有興趣可以一試🍴辣死你媽配仁噹牛肉🌶牛肉夠淋配埋辣參巴醬👍🏻仲有銀魚仔同花生🥜加埋主角椰漿飯一齊食，椰漿飯味道偏淡食唔出椰香味加上飯唔算熱呢一點就有少少扣分喇