Cha:rm

營業中

休息中

周日去過有機市集，難得來到太和，便跟友人們探究一下附近有何美食。從太和站出來不難找到店外人頭湧湧的店，看到門外的餐牌寫著芝士甜酸醬雞，立刻被吸引過去 我們到步時才6時多, 已開始有人等位, 我們也等了約10分鐘才可進去。鋪內坐位不多, 約有8-10張枱, 還好不算太迫, 可舒服的用餐。服務員介紹了門外的特別MEUN, 是店內MEUN沒有的, 於是點了一客芝士甜酸醬雞來試一下, 且價錢不貴, 只要$118, 份量也足夠3人分享!然後點了韓菜必吃的飯卷和年糕, 飯卷款式選擇很多, 我們選了清淡的蔬菜紫菜飯卷配辣炒年糕。因我們不想吃太飽, 所以只點了3個菜, 剛好7成飽, 味道也不俗! 但也要吃得有速度, 因吃到一半時門外已有一堆人等位, 也不好意思慢慢品嚐了, 也許這就是吃小店的命運吧!埋單$209, 還不到每人$70, 算是韓食快餐價, 其實一直覺得韓食的材料普通, 都是飯, 年糕, 公仔麵, 只是因潮流而價位上漲, 動輒吃過2, 3百元, 所以平時聚餐都不會選韓食。味道OK價錢也不貴, 值得一試~但如不是剛好到附近又不會特地跑去吃了~

大埔嘅韓國餐廳，試過幾間都伏到喊。今次去食嘅時候已經有哂心理準備架啦！點知，竟然令我非常喜出望外！ 由於朋友已經黎過幾次，所以我完全無睇Menu等佢發板！<<蜜糖炸雞>>超熱辣辣！岩岩炸出黎，灘左一陣先食得！味道認真唔錯，個皮好香脆。而且成舊雞都沾滿蜜糖，甜甜地，好好味！下次黎一定會再叫！<<辣炒薄餅>> 韓國餐通常都份量好大，兩個人去食，次次點兩款餸就已經食到飽哂，呢間店就岩哂我心意！細細份咁，可以試多兩款餸！呢個泡菜餅，味道唔錯，比平時嘅煎得較簿，食完唔會太濟！加左芝士，口感更有層次！不過就油左少少。 <<韓式炒年糕>>韓國餐廳嘅基本菜式，一間餐廳好唔好食，睇個年糕掂唔掂都略知一二架啦！呢個年糕對我黎講偏辣，辣到狂飲水，不過辣度就好個人嘅，食得辣嘅人應該覺得好正！另外年糕如果再林d會更彈牙有咬口！

剛剛嘅星期日同Oppa去了太和其中一間韓國餐廳食。見食評都唔差又係新開，一於去試吓室內佈置得唔錯，整體好舒服又有時代感。環境亦好企理乾淨。order左兩款飲品。左邊係梨子味果汁(味道較清)，右邊係桃味果汁(味道較甜)。如果可以再雪凍d就perfect辣炒年糕: 味道剛剛好，唔會辣到人飛起但又夠晒野味如果份量多返dd就最好，賣相都會靚D。(店家係用一個類似平底pan物體盛載，d年糕攤平晒喺個pan度，其實賣相就唔多靚之餘，睇落個份量都少好多)最值得一讚係個牛肋骨湯(配飯): 個湯完全充斥住牛嘅香濃味道，每一啖都係牛嘅精華。真係爆好味Oppa想食紫菜包飯，於是我地就點左個牛肉紫菜包飯。牛肉嘅份量比一般韓國餐廳的都要多最後叫左個蜜糖炸雞($108)，menu本身係無哩款食物，係店門外嘅一塊大木板餐牌寫的。(ps. 只有全份，沒有半份的)。新鮮熱辣炸起嘅雞，皮脆肉嫩，配埋甜甜嘅蜜糖真係一絕啊