牛魔 (已結業)

之前試過午餐, 覺得幾好食。今次，我試試個晚餐。不過，晚餐反而無咩驚喜，不過不失。《豚肉五花腩（厚切/生菜）》$110韓燒識食一定要有五花腩，油脂比較多《櫻花餃子》$65餃子個肉汁好多《老饕澳洲和牛牛板鍵》$195澳洲和牛係用M5，肉質細嫩，雲石紋理細密，口感豐盈。《香蔥牛脷》$85牛脷本身有加黑椒，即使唔沾醬都夠味。《辣豆腐海鮮湯》$95有隻大蝦，墨魚仔，不過味道淡左啲。《Yogurt Soda》$48《Pineapple Soda》$48

到尖沙咀韓燒，一間韓燒店最緊要當然係抽風系統好，唔會食完成面油煙，加上樓底高，位置闊落，兩個人可以慢慢傾下計，食下傾下，咁就已經令人覺得好舒服。而且好光猛，裝修都好有特色，環境令人好舒適 首先，我地叫了兩份燒肉，一份牛肉，一份豬肉，同時叫了兩份韓式料理。 辣豆腐海鮮湯韓式料理，一個豆腐海鮮湯。裡面係相當足料，真係海鮮湯，裡面有大蝦，大青口，仲有蜆肉，小八爪魚等等，其實足以令你每一口都啖啖海鮮。加上豆腐其實好滑。二話不說，立即叫了一個白飯，總覺得充滿韓國風味。 一份牛肉和牛牛板鍵因為價錢唔平，本身都有諗過叫唔叫，但上餐之後就知道係物超所值了。係幾咁正! 和牛肉質，香味就唔再講。燒一燒，當中既鮮味已經出曬黎啦。有幾塊，真係好想再叫一碟。只係輕輕燒一燒已經夠，都已經唔需要額外既調味，色，香，味全部有齊。 另一份係豚肉五花腩燒到表面香口，已經可以慢慢食，五花腩好味道。 野菜組合，有茄子，南瓜，翠肉瓜，雞脾菇本身我地唔知當中的奧秘，係店員講一講之後，原來碟中間有一個紫蘇葉牛油，而E個牛油，如果一邊燒一邊搽係野菜表面，係會有驚喜的。本身瓜菜本身油份就唔多，加左紫蘇葉牛油令佢更香，而且唔通普通牛油，

其實我係未食過，今次第一次跟朋友試一試。希望可以食一餐好味道既韓國料理。今日星期一，但一樣人流滿滿，而且好光猛，好通爽，仲有bar枱。先黎個韓式小碟，係肉方面，首先叫了一份 澳洲和牛牛板鍵，肉質好鮮嫩，肥瘦均勻，食落口帶有香濃和牛味。而且每一口都有和牛油花。沾上燒肉汁，岩鹽等等。食得出牛肉既原味。 豚肉五花腩今次E一份係厚切五花腩，牛花腩雖然好邪惡，但其實真係好好食，最多食完多做運動。五花腩燒到脆皮，香口。如果單食會比較油，夾住生菜就正正中和了。然後每一口既有菜既新鮮，又有五花肉香。 泡菜煎餅好欣賞佢份泡菜煎餅，每一口唔會只係粉，而係有著彈牙感及泡菜味道。沽上醬汁更是一流。而個個厚薄度亦係好岩，唔會太厚太薄，而係相當均勻。而煎餅本身亦是十分香口。 野菜組合燒肉配有野菜組合亦是相當重要，一來可以幫助消化，加上野菜其實燒烤是十分香口。加上佢有一個紫蘇葉牛油，令野菜燒出來更加香濃。 辣豆腐海鮮湯韓國式料理一定要來一個豆腐海鮮湯，最後再配飯就更加正。 鳳梨梳打鳳梨梳打好岩燒烤飲，好清新，帶有清甜味，再加有果粒，如果你又唔想飲酒，又想有一杯好好既飲品配搭，配燒肉岩曬。

係限堂食令之前同朋友聚一聚，今次去到尖沙咀食個韓國烤肉，佢款式唔算多，但每一種類都會d咁，岩哂一班人或朋友聚餐一坐低就會上3道小菜，酸酸甜甜幾開胃，仲有牛肥膏係用黎烤肉，記得唔好食呀天氣咁熱，叫個沙律清一清新下先，同開下胃，就點左麻醬豆腐沙律沙律好香豆味，個豆腐味幾出，加埋麻醬好清新開胃先黎左佢個招牌-美國Prime牛肋骨鬆開後放落網到燒，每邊燒下分半鐘，燒到兩邊微微焦香，肉汁封哂入邊食落好嫩滑，仲有濃郁既牛味，醬油入哂d牛肋骨到，甜甜地好入味，配埋啤酒真係一大爽事仲可以試下點埋wasbi食，又另一番風味，幾有意外，冇咁膩又可以刺激下未夠喉就叫多個鳥肶肉醬油個汁一樣醃到好入味，食落好嫩口啖啖肉，雞皮燒到甘香，更加香口韓國菜點少得食煎餅，煎得香脆，仲有好多海鮮同香蔥，食落香口同有口感，配埋醬汁更開胃最後當然叫個湯-辣豆腐海鮮湯個湯辣辣地好鮮甜，送埋飯一流入邊仲有好多海鮮同豆腐，蝦都一大隻，好足料總括而言：未去到韓國前，都可以黎呢到一嘗韓國夢，食個好正既烤肉，歎杯啤酒，爽一爽，係尖沙咀食高級烤肉，價錢合理

牛魔係一間日韓烤肉店，烤肉雖然好味，但最怕就係食到成身成頭都係煙味，好多烤肉店雖然爐上面有抽油煙機，但食完都仲係會有陣味，不過牛魔特別設置嘅燒烤枱有地下抽氣，食完真係完全冇煙味，所以今次已經係我第二次幫趁。牛魔嘅燒烤枱上面冇抽氣裝置，但一樣唔會食到成身煙味。前菜三小碟有中華沙律、芽菜同辣青瓜，大大碟食完仲有免費追加，清清涼涼幾開胃。乳酸梳打特飲($48)乳酸梳打幾重乳酸味，但一定要攪勻佢，否則會淨係飲倒梳打味，飲到後尾又會太甜。美國Prime醬油牛肋骨($198)牛肋骨一份有兩大塊，好腍冇筋。牛肋骨本身用醬油醃左，已經好入味，就咁食已經好好食。鍾意重口味嘅，亦可以試下蘸少少玫瑰鹽食。辣豆腐海鮮湯($98)海鮮湯有配白飯，裡面有大蝦、蜆、魷魚、金菇同豆腐，非常足料。海鮮湯熱辣辣，辣度啱啱好，唔係得死辣，我鍾意跟傳統食法將白飯加入湯內當泡飯食。總結，烤肉好食又唔會食到成陣煙味，除左烤肉，其他食物亦有水準，前菜仲有得免費追加，唔怪得哩個時勢都仲幾多人幫趁。

最近男友說想吃燒肉，在網上搜了一下想起了上次跟媽媽吃過的牛魔，終於有機會可以嚐一下晚餐了！近日受疫情影響，入店前都要先量體溫，非常安全。豆腐沙拉配芝麻汁 $68一上菜以為店員給錯了，怎麼看不到豆腐呢？原來豆腐藏在堆成小山的蔬菜裡頭。豆腐嫩滑，沙律菜新鮮，不錯。A4牛魔野原燒（和牛薄切配月見汁沾蛋）一片 / 50g $130我看到月見汁沾蛋就樂了。月見其實在日文是賞月的意思，故此把生蛋稱為月見，其實就是蘸牛肉的醬汁。和牛輕輕一燒，烤香了蘸上月見汁味道非常搭配又中和了和牛的油膩感，我給一百分！越南巨物虎蝦（二件）$85虎蝦大大隻，已經開了邊，蝦肉彈牙新鮮。美國Prime醬油牛肋骨（二件）$198另一最愛，醬油牛肋骨永遠都是必點。牛肋骨醃得入味，肉質鮮嫩，完全是一口接一口。辣豆腐海鮮湯 $95海鮮湯辣得過癮，兩個人分著喝剛剛好。乳酸梳打特飲 $48酸酸甜甜的，配燒烤一流。三得利 $55生啤更不用我介紹了，完全是燒肉的最佳伴侶！牛魔真的沒令我失望，午餐晚餐都出色喔！

喺尖沙咀行完街又到搵食嘅時候，係無意之中比我哋搵到呢間牛魔！我哋某程度上喺比牆上嘅壁畫吸引左入嚟！燒烤配啤酒真心是絕配的！所以我叫左杯 Hoegaarden HK$65, 而且呢度嘅啤酒都唔喺話太貴！而友人因為病病哋，所以只好飲杯熱薑茶 HK$38...前菜先黎一個豆腐沙律配芝麻油 HK$68 及泡菜豚肉煎餅 HK$75 ，豆腐沙律夠清新，而煎餅又不太油及太辣，味道相當不錯！而燒烤主食我哋就點左美國Prime 醬油牛肋骨 HK$198 及越南巨物虎蝦 HK$85 ！牛肋骨嘅肉貨非常非常之鮮嫩而且真常之多肉汁，牛味超濃，絕對是高質嘅牛肉黎！而虎蝦都非常之大隻，肉質又結實又夠爽口彈牙！正呀！由於店內喺採用半開放式廚房，好多人都會擔心比較焗同比較大油煙，不過呢度又完全冇呢個問題，仲非常之企理同乾淨tim! 最後我哋就叫左辣豆腐海鮮湯 HK$95 同石頭拌飯 HK$110 ！雖然叫辣海鮮湯，但又唔喺真的好辣，辣道啱啱好，而湯入內仲有大大隻蝦！石頭伴飯非常之足料，有雞扒有菇有青瓜又有紫菜等，加埋個豆瓣醬同食，真的好惹味呀！仲有專人幫我哋分湯分飯！非常之貼心呀！有機會一定會再黎幫襯呀