コメダ珈琲店

營業中

休息中

迷你冰與火$49冰：抹茶軟雪糕火：烘熱咗嘅丹麥麵包丹麥麵包以日本小麥每日自家製，足足有64層酥皮，食落超軟熟😋抹茶雪糕由於接觸到烘熱咗嘅丹麥麵包所以好快溶，要盡快食。雪糕抹茶味唔算濃，抹茶味濃啲就會好食好多，但牛奶味雪糕奶味都幾重。雪糕配埋熱既丹麥麵包一齊食，一熱一凍感覺相當過癮😋雞蛋沙律潛艇堡麵包相當軟熟同有爆餡雞蛋沙律，每一啖都充滿着雞蛋所以比起平時食嘅雞蛋沙律三文治，味道同口感都好好多🤤

好想好想飛🛫🛫🛫，可惜無假期。而且不斷落雨⛈️⛈️⛈️。唯有行商場，突然諗起日系coffee shop- Komdea’s Coffee，成日話想試，但次次都無件事。難得今日皇子陪我👦🏻，就去試吓。入門口已感受濃濃日本感覺，而且員工們很有禮貌。Menu很多選擇，當然要飲杯靚咖啡☕️，皇子就要食刨冰🍧，再加一個人氣冰與火🔥。KOMDEA coffee ☕️☕️☕️未開始飲已經比咖啡香氣吸引，陣陣幽香。好厚嘅味道帶有回甘嘅感覺，可能自己鍾意飲齋啡，所以呢個味道我自己好鍾意，而且咖啡豆又唔會太酸。迷你冰與火🍦🍦🍦人氣食品，梗係試吓，順滑嘅軟雪糕，鬆軟嘅餅底 ，唔怪得知係人氣食品芒果刨冰好香，芒果味，而且食落好似有啫喱糖嘅感覺，唔怪得啲小朋友咁鍾意食

之前已經想去黃埔開的第一間店。但非常多人等候。所以放棄了。難得開到黎屯門，比較近我，可以一試。不知道是不是熱潮減退，晚市都沒有人等，可以直接入坐。QR code 手機自助落，menu 睇圖用。香港限定的係抹茶雪糕，不過這一天抹茶全部售罄，所有抹茶味的飲品同雪糕都沒有。其實我想吃冰與火，同飲杯野。其實我還點了漢堡，跟餐可以+20蚊有薯角。薯角沒有調味，請自己落鹽。維也納蜂蜜咖啡，轉豆乳不用加錢。不是蜂蜜版可以便宜少少。但這個咖啡，不在跟餐優惠裡面🙁要畀多少少錢。順帶一提，如果你是飲慣精品咖啡的話，日本口味的黑咖啡或者會唔係太岩飲。揀其他應該會好d😅所有咖啡飲品，都會送一包小花生。如果你好鍾意包花生，店裡面有家庭裝可以買。這杯咖啡頂的忌廉，我嫌厚左d，而且忌廉凍，杯咖啡好快就不熱。下次有機會才試瑞的紅茶跟那個高級一點的咖啡。這日都幾多東西完賣。漢堡是有蛋那款，因牛肉薯餅跟咖哩薯餅那款都是完賣。我個人覺得，漢堡也幾大份，但是汁醬咸了一點，裡面蔬菜又太少，完全解唔到「漏」既感覺。只有裡面的漢堡肉是稱上好味。食完正餐，還可以食埋迷你版冰與火。那個軟雪糕很好好味，奶味很重。跟日本的軟雪糕一樣質素。

早兩日經過見到佢哋8號試業，趁尋日屋企人放假一齊去試試，我哋大約12點幾左右，去到都有啲人等緊，我哋等咗三個字左右就入座👏🏻一入門口個帶位同個男收銀職員已經超有禮貌地歡迎，值得一讚👍🏻 入到去周圍環境令我哋有種好輕鬆嘅感覺😌 我哋叫咗炸蝦餅方堡🥪，咖喱意粉🍝，Komeda炸雞🍗，迷你冰與火🧊🔥，蜜瓜雪糕梳打🍈，抹茶咖啡果凍🍹等咗10分鐘左右啲嘢食就到，炸蝦餅方堡真係大推，可以選擇切兩件或者四件，蝦餅入面仲有粒粒蝦肉，CP值超高！咖喱意粉，超級彈牙，係日本咖喱嘅味道，輕微辣味道剛剛好，而炸雞就有六件同埋10件選擇，非常Juicy，渣幾滴檸檬汁落去食，超夾！甜品時間，呢個冰與火，特別之處係呢個丹麥麵包有64層，以上面就係好香濃嘅牛奶雪糕，夾埋一齊食又凍又熱咁真係好過癮🤤不過如果想打卡就真係要快手啲，因為溶用得快㗎🤭而蜜瓜雪糕梳打就係傳統日本蜜瓜汽水嘅味道🤭配埋個牛奶雪糕，相信大人小朋友都會鐘意🍈🍵抹茶咖啡果凍，上面配咗啲士多啤梨醬件事好靚🤣 杯入面仲有啲咖啡啫喱，滿足晒多種口感，而味道都係預期中嘅抹茶味，唔錯👍🏻放假同屋企人抖下，chill下，環境超good，係放假黎休息之選，下次會再黎😍