阿爸鮮食

營業中

休息中

上次係上環試左間外賣麵店叫「阿爸鮮食」覺得係香港少有車仔麵做到咁有誠意有日係附近收工心血來潮想再試 睇下水準有冇變.今次繼續最愛既蕃茄濃骨湯因為冇落味精 所以可以放心飲哂而且蕃茄味夠哂濃佢地店既配菜見到係其他車仔麵店比較少見.鮮魚鰾：平時去魚劏買得魚多就知呢樣係正野唔少劏魚師會自己袋埋食落個質感好爽彈😋.紅薯寬粉：好彈滑😍.日本蘿蔔片：平時食車仔麵都好鐘意叫白蘿蔔 呢間蘿蔔好清甜 索埋湯汁好入味.麻吉燒：車仔麵都有得食冇得輸啦！.自製魚餅：魚餅係老闆每日手打魚肉味好濃！.另外我地仲叫左個冷麵夏天食冷麵真係幾爽個秘製醬汁好味 食得太快唔記得影🫢配兩餸叫左嫩雞塊同鮮魷兩樣都煮得好嫩滑仲另外有鮮濃骨湯裝住變相送埋湯飲好正🥰.飲品一如既往叫咗冷泡杞子養生茶飲完都唔會覺得有罪惡感🤣.甜品買外賣時太熱 見到透心涼冰粉即刻想試冰粉睇落同大菜糕相似 但係比較啫喱狀同食落甜啲啲配有紅糖、山楂、紅棗、葡萄乾粒等好味、清涼、養身😁.總結：今次第2次食都冇我地失望，雖然車仔麵價錢比起坊間絕對唔平，但呢個價食到新鮮、自家製、健康同多選擇，已經贏哂。好肯定下次黎會再食🤭

上次經朋友介紹而去食呢間嘅麵食，黃爸爸 (即係店主)嘅鮮濃骨湯真係好好味，令我今次又再次回訪啦😄 餐廳空間比較細小，所以只供外賣。估唔到我哋由上環拎到返深水埗食，食物仍可以保持到熱嘅溫度，其包裝有好好的保溫效果喎👍🏻🍢🍜 懷舊車仔麵套餐 (HK$59)
．巳預設有陳皮魚蛋、豬大腸、日本蘿蔔片、牛柏葉，揀咗配鮮濃骨湯和紫薯粉絲💜．紫薯粉絲 — 上次食過覺得好好味所以今次encore再食，好會掛湯，軟滑微彈口，正👍🏻．陳皮魚蛋 — 口感彈牙、有陳皮味、食到有5粒，好滿足🫶🏻．豬大腸 — 乾淨、爽脆可口、厚切的，加分！．牛柏葉 — 厚切、爽脆、好入味．日本蘿蔔片 — 爽滑、清甜．金錢肚 — 好驚喜點解會有嘅😳 哈哈，多謝加餸，味道是入味，易咬、口感好爽彈！．鮮濃骨湯 — 濃郁的煮家肉骨湯，鮮甜美味，當然飲晒無剩😋 🦐🍜 鱻鮮套餐 (HK$59)．巳預設有自製魚餅、鮮蝦和白魚蛋，我哋揀咗配蕃茄濃骨湯和紅薯寬粉．紅薯寬粉 — 真係好寛闊，口感爽滑、煙韌，是好健康嘅澱粉質，因為有助增進腸道蠕動喔！．魚餅 — 成個碗咁大塊，是黃爸爸手打的鯪魚肉，加入大量蔥，好足料，好美味😋．白魚蛋 — 爽口又彈牙，

下雨天買個外賣做晚餐🌙溫暖既米線係個不錯的選擇😋 平時食得多麻辣米線今日想食清清地🥰 呢間小店有種爸爸既暖心感覺❤️ 有點似車仔麵嘅配搭但亦有套餐選擇😋 加上自製既健康花茶感覺真係好有心思🌸⭐️ 鱻鮮套餐 🐟真係有三條魚咁鮮既鮮味🌊 材料有自製既魚餅鮮蝦同白魚蛋🦐配上骨湯調味唔會太鹹但係好濃郁🤍⭐️ 涼皮套餐 🍝涼皮配上紅蘿蔔絲同青瓜絲就有種爽口嘅感覺🥕 配上自家辣醬帶點花生味好濃郁🌶️ 配料點了金錢肚同埋藕片好入味🐮⭐️ 檸檬清喉茶 🍋⭐️ 日本去油大麥茶 🍵自家製嘅飲品都好有誠意🧡 特別檸檬茶配上菊花同茉莉花🌻 清甜得黎入口好潤喉⭐️ 透心涼冰粉 🍮冰粉配上果仁同提子乾等配料🥜簡單但作為甜品非常不錯🍬