NORAYO K.Cafe (已結業)

其實細心啲搵下尖沙咀都幾多嘢食架喎，今次搵食黎到呢間樓上韓式料理餐廳!算早6點就入去幫襯，可能早又2個人好容易就安排到座位。見到menu好多嘢都想試，大大個部隊鍋就留返下次三五之己先試啦，都怕食唔晒，結果嗌左以下幾款....一嗌完餐就發現門口開始出現人龍啦!所以真係要襯早，唔係都唔知要等幾耐!韓國嘅公仔麵真係好好食!所以咁鍾情嘅我就嗌左呢個部隊拉麵，我覺得辣左少少嘅...不過可以接受，塊午餐肉好好食。賣相好靚，卡邦尼都幾濃郁，佢唔係用西式嘅意粉，食起上黎煙煙韌韌咁，好味凍食嘅反卷，超中意佢個沙津醬加酸甜醬，好開胃一黎到就好好奇點解咁樣插住，裝到咁滿都唔瀉嘅!研究左好耐都係無結果...主要都係飲到酒味....青檸同檸檬就...淨係酸酸地囉，無乜驚喜總括都值得一試嘅，最後我唔小心倒瀉左杯水，雖然係繁忙時間但店員都無黑面仲話唔緊要，服務態度抵讚！值得一去！

星期六晚上7點40左右到，等左20分鐘 我同朋友2人就入得。對於等位安排我覺得應該要改善下 太多人塞住喺門同餐廳入面 都幾影響用餐既人，而且個個都喺到傾計 好難聽到人聲叫number, 有客人因miss左唔知喺到繼續等而有少少爭執 野食方面因為覺得2個人食個年糕鍋太多，於是就冇叫到。叫左個牛肉紫菜卷，冇味 要靠點第二樣野食既汁黎食，食完都唔記得入面原來有牛肉 因為真係冇味，同埋個紫菜卷有蔥，係我唔識野定點，好似第一次食有蔥既韓式飯卷 第二樣叫左炸物辣年糕～ 啲醬好稀 有少少辣咁，有炸紫菜卷同餃子 冇咩特別 可以做得更好最後叫左部隊拉麵，係有茄汁豆芝士午餐肉同腸氣既麵，又係冇咩特別，你諗到既味 另外叫左兩杯野飲 芒果沙求同韓式奶茶沙冰，又係冇味 救命 真係勁淡 仲要50蚊一杯環境方面好嘈 茶樓咁埋單300蚊兩個人都覺比多左，寧願貴啲食其他韓國野 真心失望 唔會再黎 唔明點解咁多人話正同等位 完全係風氣 被騙的感覺

韓風大熱，四周都多了許多韓國食店。之前就帶了媽媽體驗一下韓國的食物~店舖裝潢用了不少鮮豔的顏色，甚有年輕的感覺! (感覺媽媽都頓時年輕不少,哈哈)首先點了前菜和小食，田園沙律$35，比較失望。因為蔬菜中有苦味，即使用上柚子汁亦蓋不了。炸紫菜卷 $30這個小食有驚喜! 雖然外層略硬，但內裏竟是熱熱的韓國粉絲！第一次食到這種口感，挺特別的什錦炒粉絲 $38韓國粉絲加雜菜，食落比較油，不是我的至愛呢~主菜終於來了! 部隊拉麵 $52部隊窩一直是我的至愛<3簡單又好味∼Norayo 的部隊拉麵有午餐肉，茄汁豆，芽菜，芝士和蛋等。部隊窩算是在家中也不難烹調的菜色，Norayo做得不過不失吧，至少我還是食掉很多;)芝士泡菜炒飯 $88想不到這泡菜炒飯是如此的大碟!還有一少份的沙律伴碟~味道上微辣，加上芝士也不錯喔。晚飯的終結一定是甜品。於是我們點了綠茶雪花冰 $55冰粒比我想像中細，不過較為結實，欠缺入口即溶的感覺。但好處係夠幾個人分，而且價錢也合理呢。當晚很早六點便入座，還未有太多人，但到大概七點，店外開始排起了人龍! 韓風果然沒法擋，而且Norayo價錢合理，相信也吸引了不少年輕人吧!

好肯定呢間韓國Cafe可以上到排行榜頭幾位一定同D甜點有關，因為試過鹹點一定會覺得無乜特別！一坐低先叫2杯飲品：熱白朱古力咖啡同柚子檸檬冰沙！White Mocha味道唔錯但可以少D甜！冰沙就好Refreshing，味道質感調得好好！值得一試！至於食物方面，等咗30分鐘先上台，呢份辣雞翼係完全無特別。。醬過多但可以完全一D辣味都無！好普通。再來牛肉紫菜飯卷，料好足，味道可以，整體一般。第一次食部隊拉麵，拉麵過淰，上到臺D湯唔多夠D麵可能已經吸咗好多，唯一個湯食落個辣味幾正可以再辣D，但午餐肉腸都係無乜野可以講。叫得部隊鍋食物都知唔會特別得去邊。最後本來諗住留肚食BingSu，點知下晝3點幾已經話賣哂！好失望！如果下次去，都應該只會為咗Bingsu而去，其他鹹點應該唔會再試！

前排見到有啲韓國 oppa係街到派傳單，再睇一睇，見到呢度有得食之前韓國大熱嘅蜜瓜雪花冰，已決定一家要同姊妹們一齊去試吓今次盲摸摸噤搵上門，行咗２層樓梯就到，唔緊要啦，當大擦一餐之前運動一下啦每一層都有呢啲圖，又幾得意嘅上到去，見到個裝修真係好似去番韓國本地嘅 café，成個設計同 feel都好似，好 relax噤好彩早收工，可以早去拎咗位先，如果唔係就可能要等一等喇！提一提大家，呢度嘅侍應好多全部都係韓國人，不過簡易英文係溝通到，有個好似係識聽中文嫁，而且個個都好 nice添等朋友嚟都等咗１５分鐘，決定都係 order定嘢食，唔再等喇！我哋係唔會忘記今日個主角 - 蜜瓜雪花冰嫁，所以４個人，叫咗２個麵３個小食先填肚就夠喇！好彩落咗單５分鐘，姊妹們都陸續嚟到喇！嚟到韓式 café，當然要試吓韓式紫菜反卷！想平凡中見不平凡，我哋就揀咗反包嘅版本！呢個反卷料好足，有蛋絲、炒香咗嘅蘿蔔絲、牛蒡絲、香腸、青瓜同黃瓜，食落有唔同嘅口感，加上芝麻味好香，好啱吹水時嘅小食星星迷當然要叫個辣醬炸雞翼啦！雖然細細份，啱啱好一人一隻，雞翼炸得香口，但一啲都唔油喎炸皮薄，肉又 juicy真喺好想知道韓國人炸

我認我是shopping精, 加連威老道絕對係非去不可, 唔講得笑, 行到倦倦地係時候搵個地方醫下肚, eee.....俾我見到間韓式cafe, 朋友仔佢地受韓風影響, 二話不說點頭和議, 幸好時間尚早, 唔駛等位 上到去, 樓梯佈置都好韓style.........一入去, 有韓國藉男店員招呼, 店內有紅綠橙, 街燈呀! 空內還播著韓國歌, 氣氛真係好relax店員把餐牌給我們看看, lunch有set, 仲有甜品餐牌添^^lunch set都幾經濟, 由$48~$68不等, 有拉麵, 年糕, 意大利飯, 比起單點會平D, 因為SET會包一杯飲品, 我地三個人一人叫一個set, 基於樣樣都想試, 一於每樣叫一款首先, 係部隊拉麵上檯, 原來部隊拉麵是以前軍人打仗, 糧食唔多, 會將屋企僅有的食材撈埋一齊, 說到底是大雜會, 眼見有午餐肉, 芝士腸, 雞蛋, 焗豆, 芽菜等等, 夠哂份量! 麵質有點淋, 可能浸得耐左, 個麵其實是辛辣麵餅, 餐牌上話佢辣, 食落又唔係好辣, 微辣的, 整體味道一般跟著, 墨汁魷魚意大利飯, 呢個食完個咀會烏卒卒, 想約會既男女, 要小心喔, 魷魚煮得有

朋友去完旅行返黎, 帶左一袋手信俾我, 我地當然要揾個好地方坐低慢慢傾計啦!!  朋友揀左呢間韓式CAFE, 皆因上次太夜黎度, 好多甜品同飲品都話SOLD OUT, 所以今次決定早D黎食Dinner。放工即刻衝去拿位, 一心諗住依家個個都好鍾意食韓國菜嘛!  係加連威佬道揾左一陣就見到有個入口, 沿住樓梯上餐廳, 會見到好多得意既地圖圖案, 感覺呢間應該會係幾特別既CAFE...上到去餐廳, 估唔度唔駛等位, 有個韓國男仔就招呼我坐係半卡位度, 還親切地遞上MENU給我...由於我係提前黎拿位, 朋友需要一段時間先到, 所以我就叫左杯飲料邊坐邊等。 MENU裡面有好多種唔同既飲品, 有咖啡, 果汁, 果茶, 鮮奶, etc.  我就揀左杯好特別既紫薯鮮奶 (Sweet Potato Latte)飲品好快就送度, 見到紫色既奶泡係面, 望落好靚好吸引, 輕輕吹開奶泡就會聞度陣陣既香味。熱飲時感覺到又香又濃烈既紫薯味道, 但係放涼左後就會變得好甜, 變得無咁好飲了。朋友終於黎度, 我第一句就同佢講, 主菜既部隊鍋同埋有款特別既韓式年糕都係SOLD OUT items。佢個刻已經有D失望,