達人包車 (已結業)

唱完K,一行4大2細係柯士甸小路附近搵食，經常經過呢間韓國餐廳，但都未試過，煎餐聽到八成滿左，應該唔太差，就入咗去試一試。部隊鍋，竟然好食過我喺釜山食嘅部隊鍋涼拌豬手沙律，呢個出奇地好食，酸酸甜甜，而且有好多配菜炒粉絲，甜甜地，都幾好食，但隱約食到少少麻醬香海鮮煎餅，厚厚地，但又好足料，邊煎得脆，唔錯牛肉紫菜卷，叫俾小朋友食，所以無試食，不過兩個小朋友食晒成碟，味道應該不錯吧整體黎講，所有野食都唔錯下次要試下佢D炸雞先

三個女人一個墟！梗係要搵間可以盡情傾計嘅食肆啦！雖然餐廳寫明係食90分鐘，但佢冇人等都唔會趕你走！當然，我哋都深明唔好阻人做生意，見有人等位就會乖乖埋單走人搵下場再傾再飲！我哋坐四人枱，張枱好似比出面啲餐廳細啲咁，有啲逼！好彩又唔會同後面撞凳！張枱放咗部隊鍋同盆炸雞已經冇乜位淨！部隊鍋爐特別迷你！可能係要就番啲枱！食物質素，及格啦！蜜糖炸雞幾香甜脆口，加埋薯角幾好味！冇諗過蜜糖薯角都唔錯！部隊鍋，當然係同韓國食嘅分量差好遠啦！呢個，大食啲，一個人都可以搞掂佢！味道都可以啦！夠晒韓式辣醬味！餐廳係要㩒鐘仔叫服務生，通常都要㩒兩次先有人嚟⋯⋯

夜媽媽12點，心癮起想去喜來整個大醬湯嘆下，點知出到尖沙咀發現原來佢星期日係收12點係李家死硬粉絲嘅我哋本身諗住，算啦，咁去死李家啦！點知同朋友睇到達人包車個餐牌，個炸雞又好似幾吸引喎！唔好食都係一之啫，算下都無壞啦！就係咁就食咗好好味嘅炸雞喇！入去前已經決定要食佢個蜜糖炸雞，睇相就好吸引，但最怕就係食到啲個皮得個硬字唔係脆嘅炸雞！好在一上枱，見到都已經無失望！外皮香脆，掛滿充滿檸檬香味的蜜糖汁，甜而不膩；雞肉多汁嫩滑，滿滿的肉汁令人滿足$180一個炸雞當然不能滿足我哋啦！除炸雞外，我哋仲點咗一個雞蛋卷同一個部隊鍋！先講雞蛋卷，都試過好幾間韓國餐廳，呢度算一般啦，下次唔會叫喇！同大部份韓國餐廳嘅雞蛋卷一樣，表面都係茄汁，但呢度嘅蛋卷本身無咩調味，好單調...$160最後嘅部隊鍋，其實都幾貴，因為鍋內真係無任何貴少少嘅嘢～入面有腸仔，泡菜，金菇，焗豆？！，年糕，餐肉，「半」份公仔面，肉碎....... 我去韓國食嘅鍋係豐富好多！而且價錢太overprice，所以下次都未必會叫喇！$240總結就係我一定會返嚟再食～～～～～佢嘅炸雞啊！！！

韓流已在香港吹了好一段時間，韓燒店更是遍地開花。因天氣炎熱，近期已比較少到訪燒烤火鍋店。當然，凡事也有例外，最近朋友介紹了一間韓燒店，以一米長的燒烤串而聞名，聽落幾有趣，一於訂枱一試。餐廳門面挺大，分室內外用餐區，在炎炎夏日，竟還有人坐室外吃燒烤，果真要給個叻字！室內用餐區裝潢年輕，店中有一道未完成的水泥鋼筋牆，另一邊則有砂磚作面材的佈置。當然，最搶眼的還是天花上的一個個吊環，掛着一條條長長的燒烤串。前菜小吃有三款，分別是甜脆帶酸香的粟米，少辣惹味的泡菜及酸爽的涼菜。是日的重點美食是一米超大串燒，gimmick 十足，由下至上有十五層食材，分別是小蕃茄、五花腩、洋蔥、脊排、杏鮑菇、菠蘿、大蔥、豬頸肉、紅燈籠椒、杏鮑菇、雞扒、南瓜、香腸、大蝦及綠燈籠椒。小蕃茄輕輕一燒已可吃，汁豐甜美。五花腩半肥瘦，燒時油花四溢，固然香口，但質感沒預期般軟腍肥美。洋蔥食味甜爽，很讚。脊排沒五花腩般肥，口感同樣帶點乾硬感，肉香是三款豚肉食材中最濃。杏鮑菇口感彈牙，菇身佔上少許油份更為美味。菠蘿多汁清甜。大蔥香口度普通，或許熟度不足，成品未能咬開。豬頸肉肉香介五花腩及脊排之間，味道分野其實不算明顯。紅燈籠椒味