達人包車 (已結業)

夜媽媽12點，心癮起想去喜來整個大醬湯嘆下，點知出到尖沙咀發現原來佢星期日係收12點係李家死硬粉絲嘅我哋本身諗住，算啦，咁去死李家啦！點知同朋友睇到達人包車個餐牌，個炸雞又好似幾吸引喎！唔好食都係一之啫，算下都無壞啦！就係咁就食咗好好味嘅炸雞喇！入去前已經決定要食佢個蜜糖炸雞，睇相就好吸引，但最怕就係食到啲個皮得個硬字唔係脆嘅炸雞！好在一上枱，見到都已經無失望！外皮香脆，掛滿充滿檸檬香味的蜜糖汁，甜而不膩；雞肉多汁嫩滑，滿滿的肉汁令人滿足$180一個炸雞當然不能滿足我哋啦！除炸雞外，我哋仲點咗一個雞蛋卷同一個部隊鍋！先講雞蛋卷，都試過好幾間韓國餐廳，呢度算一般啦，下次唔會叫喇！同大部份韓國餐廳嘅雞蛋卷一樣，表面都係茄汁，但呢度嘅蛋卷本身無咩調味，好單調...$160最後嘅部隊鍋，其實都幾貴，因為鍋內真係無任何貴少少嘅嘢～入面有腸仔，泡菜，金菇，焗豆？！，年糕，餐肉，「半」份公仔面，肉碎....... 我去韓國食嘅鍋係豐富好多！而且價錢太overprice，所以下次都未必會叫喇！$240總結就係我一定會返嚟再食～～～～～佢嘅炸雞啊！！！