韓廚麵 (已結業)

去左灣仔間韓廚麵試試，順便當支持一下社企！我地一行五人，叫左一個部隊鍋，雖然係二人份量，但係都幾大鍋，有好多我中意食既韓國午餐肉，其他瓜、菜、菇都好多。個炸雞幾脆，辣味最好食，少少辣得黎幾開胃。 我地叫左個紅粗麵，本身見佢紅色以為佢係辣既，但原來係吾辣既。仲有個火灸牛肉卷，個侍應哥哥即場係我地隔離燒，岩岩燒好既牛肉幾香幾滑！辣肉魷魚的配料都幾多，有芽菜、紅麵、泡菜，不過魷魚既份量就少左d喇。。。臨走果陣見到隔離枱用團購，可以任食炸雞！！！！  我下次都要買團購再黎過！！

因為習慣訂位，所以沒有等候時間。菜式選擇好像不太多，但不多也可以很好吃。我們點了部隊鎬、雞水冷麵、豬肉拌飯，原味同spicy炸雞。部隊鎬，其實我也不要求需要同韓國食的一樣，但可以再用心一點，收around 180,希望有種大大件都食得過的感覺，可惜沒有。雞水冷麵，水冷麵要求的是食落口有種QQ的口感，雪梨簡直是點睛之筆，可惜也做不到。豬肉伴飯，如果多麻油就好了。炸雞，spicy的較好味，還好。他的選歌是Big Bang 為主，我都好，服務用心，是好的，但食物再用心一點，更好。

部隊鍋依家好多韓國餐廳都有, 我第一次食, 見呢個二人套餐$258+1有包前菜同牛仔骨, 任食炸雞, 仲有雪糕刨冰同飲品, 幾豐富團購要book枱, 不過呢晚客人唔多, walk in都5洗等位泡菜一大份, 好好味炸雞熱辣辣, 大大塊, 任食, 只係有D乾, 同埋都幾肥下主角部隊鍋, 湯好入味, 送麵食一流, 配料都OK, 我平時叫開少辣,呢個鍋對我黎講幾辣下, 一杯飲品唔夠XD甜品good, 濃濃茶味

部隊鍋，聞其名已覺威猛，即時聯想起英勇的飛虎部隊，善戰的游擊部隊。。。來自韓國，嘩！陣陣鮮血四濺的韓國戰爭片段不其然在腦海中泛起。。。 Well，愛電影的我當然想像豐富啦，哈哈！ 今日，食晚餐啫！韓式部隊鍋，亦的確源自韓戰時期，軍隊及平民皆物資短缺，奈何天氣寒冷，無肉可吃下只有打軍隊的補給罐頭物資主意，把午餐肉、腸仔及火腿等精製食品作為火鍋材料，並且以軍人的頭盔作鍋，加水、加菜及辛辣的苦椒醬明火燒之，可以想像，在飢寒交迫的晚上，渴一口辣辣熱湯，嚐一啖有質感的午餐肉，多麼的滿足！ 因此當時極受歡迎，流傳至今，依照立足。過江龍韓廚麵以部隊鍋為主打，以社企形式運作，光顧美食的同時亦感覺良好。位於灣仔稍為偏遠的街道，估計街客不多，也許來者皆有心人仕。電梯二樓大門開啟，韓式小店風味盡見，裝潢簡單平實，頓有鄉鎮風情而非都會小店之感。著名部隊鍋，售$188，足夠二人享用，價錢合理。等待期間，捨棄一向必選的柚子茶，點數了熱梅子茶一杯，味道酸酸甜甜的，不及柚子茶甜美，但有梅子香，作為熱飲，開胃解膩，轉轉口味亦何妨！若不嚐泡菜，怎算是吃韓菜，據說，韓國人一天不吃泡菜不成，主婦不懂做泡菜不合格，可見

早2年去完韓國之後我地全家都好鍾意食部隊鍋，返到香港之後都一直搵緊邊度有好食嘅部隊鍋，早排呀爸見到呢間有團購，所以就買左喇。呢間舖頭好方便，灣仔地鐵站出左之後行幾步就到。我地之前book左位，所以一入去就可以坐低喇。個團購優惠就係星星炸雞同埋部隊鍋嘅麵係任食嘅，仲有送埋一碟牛肉壽司。個星星炸雞就唔係真係套劇入面個D，只不過係炸雞翼，反而個部隊鍋味道真係幾好，夠香又夠辣，D配料又好多。不過我地全家都唔係好食得辣，所以我地飲左好多水。最後我地總共食左6個麵呀!個部隊鍋有返咁上下水平，同我地喺韓國食個D差唔多，好食!

每次母親節，去邊度食真係諗到頭大。姐姐同事介紹呢間餐廳，又試吓啦。咁啱係網上serach到佢又做緊團購,便是團番張4人部隊鍋試試先!!去到，,經理服務員全部都是很年輕,裝修以木材為主,整體感覺時尚活力！坐底後睇吓餐牌先(雖然我地買咗團購)，原來呢間係以韓國湯麵為主,係韓國仲有超過60間分店!晚市都會供應其他傳統韓國菜,但款式就沒有傳統韓國餐廳多,價錢同一般韓式料理差唔多，但當中有一般韓式料理所沒有的菜式。團購係個4人部隊鍋+無限泡菜+無限麵+火焰牛肉卷+餃子+星星炸雞+天婦羅+飲品第一道：泡菜。味道不錯，不太咸,果然係傳統韓國泡菜。第二道：餃子。老實說，日本餃子食得多,韓式餃子分別很大，餃子面有幾種醬,味道甜酸覆雜,還可以。第三道：火焰牛肉卷。當店signature菜色,服務生即場幫牛肉點火,聞到牛肉燒烤的香味,因為是立即食,係我食過最好的壽司，牛肉味濃而入味，完全留下印象。第四道：星星炸雞+天婦羅。近期大熱菜色,我係其他地方都有食過, 但係呢到原來仲有其他味(醬油,garlic),但團購剩係得原味,兩者都非常出色，香脆不油膩味道出色。第五道：部隊鍋。明爐上，超正！材料中規中矩。但個湯