大滾友火鍋

我想講佢嘅冬蔭公湯底真係好味加勁多料，湯底係滿滿嘅大蜆，係排到個底實的的咁多囉！而且粒粒飽滿㗎。冬蔭公湯底香料味豐富酸辣味都啱啱好，重點係佢啲鮮味係好正，我湯都飲咗兩碗。首推佢個酒香陳年花雕浸牛肉，花雕浸嘅牛肉肉味無變淡，仲多咗陣淡淡花雕味，可能因為我係冬蔭公湯底搶咗個花雕味⁽⁽٩(๑˃̶͈̀ ᗨ ˂̶͈́)۶⁾⁾另外佢哋嘅手打丸都好食，肉丸彈牙爆汁嗰種，特別係蟹子墨魚丸，加埋冬蔭公湯底佢好似加強個鮮味入口係甜㗎(╯✧∇✧)╯

入元朗國郊遊遊，打邊爐做大滾友。平日的兩點幾，從門口望入去黑蚊蚊，還擔心咁早無人打邊爐？入到去原來好華麗，兩個人坐卡位也很寛敞。打開餐牌的第一感覺是得意，每款湯底都配搭有趣名稱。之後一望價錢，都幾離地啊！但係原來6點前離座有68折，咁就抵好多，唔怪得其後陸續有客人入嚟，還可以慢慢食慢慢坐到6點，啱曬和朋友吹水。至於食物質素，可說對得住個價錢。🔅［櫻唇半開］特色卜卜蜆鍋：上枱視覺效果佳，蜆肉多到好似食唔完，非常新鮮、肥美，還有大量芽菜和唐芹。蜆肉多，逐隻食有點攰，我把一些蜆肉與芽菜放碗中，加蒜蓉豉油，成碗食，大滿足。這煲用鮮蜆滾嘅湯鮮甜到不得了，又冇油，記得飲碗湯才加湯打邊爐。🔅酒香陳年花雕浸牛肉和🔅骰子牛肉粒：兩種牛肉都足牛肉味和有口感。花雕浸牛肉的肥膏部份入口融化，食完回甘有花雕酒味，而且份量多又伴以芽菜；骰子牛切得較碎，相對無咁抵食。🔅大滾友肉丸拼盤：手打墨魚丸、豬肉丸、鮮蝦丸、牛丸等5款共10粒，全都新鮮彈牙，其中鵝肝墨汁墨魚丸最有特色又好味。🔅大扇貝和🔅皇帝菜：新鮮。🔅自家製炸魚皮：第一次食到咁新鮮香脆不過鹹的炸魚皮，推介。襯有折可以試下。

平時既我好少會想打邊爐，今日突然之間邊爐癮起😮男友搵完一輪之後話帶我黎呢度試下😅一黎到見到有椰子雞蕃薯蜆濃湯鍋諗都唔駛諗即刻叫左，好中意椰子湯，養顏得黎又清甜好味🤣配料我地叫左陳年花雕浸牛肉，美濃水蓮 (香港好少見估唔到呢度有！😍)，鮮淮山，竹笙，飲品就叫左加多寶～鍋底超足料！有勁多椰子條，粟米，蜆肉同半隻望落就知嫩滑肥美既雞肉，見到都覺得飽😂個湯愈滾愈香😍 椰子甜味加埋雞肉既油香，超好飲！！🤤 未打之前我同男友已經飲左半鍋湯🤣牛肉聞落有濃郁既酒香，整熟之後酒香味岩岩好😋 中間帶啲油脂，脂肪分布好靚👍係火鍋店食到水蓮真係令我好驚喜！😎 呢樣係我去台灣旅行必食既野，非常爽脆😊鮮淮山係養生火鍋食材，煮得岩岩好既話口感爽口好食又健康😉竹笙係我同男友都好中意既配料黎，呢個湯底配竹笙簡直不得了！！！😱😱😱完全係將椰子雞湯既精華索晒落去，超好食！😆😆😆作為一個元朗街坊，呢間大滾友無疑已經成為我地打邊爐既首選！👍👏🎉

難得入嚟元朗搵朋友食飯，朋友同我都好鍾意食火鍋，食極都唔厭，於是佢推薦咗呢間大滾友火鍋😚玲瓏浮凸花膠雞湯鍋- 呢個湯鍋真心高質，超級足料，香甜都不得了，好醇好濃郁，而且花膠大件得嚟有咬口，雞肉都煲到好軟身😍酒香陳年花雕浸牛肉- 牛肉新鮮紅潤，肉質嫩滑，陳年花雕更能帶出咗牛肉嘅鮮味，啖啖都好滋味🤩日本廣島蠔- 作為蠔迷嘅我，打得邊爐就要叫，廣島蠔鮮甜creamy，美味軟嫩，一咬落去滿滿嘅海水鮮味就係成個口腔爆發出嚟，好滿足啊☺️韭菜豬肉餃- 韭菜新鮮香噴噴，豬肉鮮嫩，配搭埋透薄軟滑嘅餃皮，juicy爆汁，好好食啊😍紫菜腐皮卷- 腐皮卷就食得多，紫菜腐皮卷就相對少啲啦，但非常之驚艷，紫菜香口脆身，十分惹味，腐皮卷油香十足，兩者配搭融合得好好🤩餐廳環境都相當雅致舒適，食得舒適，啱晒成班朋友一齊聚一聚🥰