Chilli Lime (MONTEREY Place)

營業中

休息中

帶完海姐去睇醫生，係附近搵間餐廳醫肚🤭成日都經過，今次就試吓呢間泰菜，有室內同室外位置，今次帶着海姐，所以我哋就坐室外，環境都好chill架🤩泰式蝦餅🦐蝦餅超鬆軟！好少會用鬆軟去形容蝦餅😂但的確係彈牙得黎鬆軟🤤又重蝦味🤤係老母食過最好食既蝦餅🤤🤤馬拉盞通菜🥬通菜正正常常，菜既軟硬程度剛剛好，而且調味唔會死咸，不錯！仲要超級大碟！三四個人一齊食都夠晒😋傳統咖哩羊肉🐑咖哩微辣惹味😋最欣賞既係羊肉有少少膻味🤤咁先有食羊肉既感覺架嘛！羊肉仲煮得好腍，一咬就咬得開👍🏻😋酥油薄餅薄餅好夠酥！用特登叫黎點咖哩一齊食！咖哩除左配白飯，薄餅之類都係一絕👍🏻😋芒果糯米飯🥭擺盤擺得好靚，糯米飯軟糯煙靭😋而且仲要三色好特別🤩一啖糯米飯一啖芒果係最佳配搭😋😋Mojito、Fresh Thai Colada🥥酒味都有點重，係戶外飲住酒吹下風好鬼chill😌特別欣賞Feash Thai Colada，用返原個椰青承載cocktail，飲落好有椰青味，中意既仲可以食埋入埋啲椰青肉🥥好特別🤩🤑 人均消費：～$350🤩 推薦指數：8 / 10📍 餐廳資料：Chilli Lime (MONTEREY Place) (將軍澳

🇭🇰✨將軍澳南高質Chill泰馬印菜將軍澳南一向餐廳選擇都好多，今次唔嘗鮮，決定翻兜一間之前食過，覺得幾好食嘅東南亞餐廳～佢集泰國、馬來西亞、印度美食於一身，選擇眾多～環境開揚，設室內同戶外露天坐位，裝潢帶東南亞風情，而媽咪就最鍾意坐佢哋室內卡位，因為夠哂闊落啊～① 蟹肉魚肚羹 $118🔹超足料，裏面好多魚肚同蟹肉，魚肚煙煙韌韌，飲完好暖胃② 泰式柚子鮮蝦沙律 $98🔹柚子肉飽滿多汁，加了乾蔥和花生粒令口感更豐富，醬汁酸酸甜甜，開胃醒神③ 越式米紙素卷 $88🔹裏面有牛油果、紫蘇葉、生菜、米粉等等，紫蘇葉味道突出，醬汁清爽，感覺輕盈無負擔④ 泰式牛肉乾炒河粉 $118🔹河粉滑溜，牛肉大舊食得過癮，炒得好惹味，調味適合重口味人士⑤ 泰式椰菜苗 $108🔹炒得好好味，椰菜苗鮮甜爽口，加上炸蒜增添口感⑥ 酥油薄餅 $38🔹酥香酥脆，配咖哩一流⑦ 椰絲斑蘭丸子布丁🔹原來丸子布丁係熱食，上嚟嘅時候暖暖地；丸子係被搓成丸子模樣嘅斑蘭西米，上面舖咗椰絲同雞蛋絲，增加咬口📍 Chilli Lime (MONTEREY Place) 將軍澳澳南海岸唐俊街23號MONTEREY Place地下G07號舖

呢晚又同將軍澳嘅友人食飯 每次嚟呢頭都好羨慕佢 因為呢邊有好多唔同嘅餐廳選擇 呢次佢就揀咗呢間東南亞菜泰式牛油果鮮蝦沙律出街食飯梗係要食返幾條菜啦🥗 嗌咗呢一個清新嘅牛油果沙律🥑 除咗有泰式沙律係底 面頭仲有大量嘅牛油果粒粒同埋大蝦 大蝦係熟蝦嚟嘅 真係同佢個名一樣好大隻呀🦐 不過呢度嘅牛油果揀咗比較生嘅牛油果 所以食落去似食緊蘋果嘅質感 有更加多嘅營養價值😮炭燒豬頸肉呢度嘅炭燒豬頸肉食落口一啲都唔油膩 可能係燒得比較乾嘅關係 所以好多豬油都燒走咗🐷 少咗啲油膩感 食落就更加輕盈啦 隔離仲有泰式酸酸辣辣嘅醬汁 點埋食更加好食越式黃咖喱雞呢度嘅咖喱真係必點 食得出唔係咖喱粉溝出嚟 入面仲有超級多配料🍛 除咗呢一點咖喱嘅主角雞肉之外 仲有栗子 蓮子 車厘茄 洋蔥 薯仔🥔 呢度嘅雞肉 並唔係雞件嚟㗎 所以啖啖肉冇骨㗎🐥酥油薄餅為咗食咖喱嗌咗一碟薄餅 上碟熱辣辣 點埋咖喱真係好惹味👏🏼 仲想嗌多碟添啊菠蘿海鮮炒飯呢碟好有氣勢 用半個菠蘿梨裝住個飯🍍 呢個炒飯份量好多 我地都爭啲食唔晒呀🙈 入面嘅配料有鮮蝦 魷魚 同埋蟹棒🦀 幾鍾意佢個魷魚 口感好爽😄 當然唔少得嘅就係有菠蘿喺入面啦 酸酸甜甜好

Chilli Lime是我的將軍澳愛店之一，菜式選擇多元化，回訪多次都保持到食物水準✨ 餐廳環境舒適，蠻有去了異國渡假的感覺，亦設有室外位置，可以帶寵物一起來～🔸泰式柚子鮮蝦沙律夏日炎炎吃個清爽的沙律很開胃🦐 滿滿的柚子肉酸甜多汁，加了乾蔥和花生粒令口感更豐富🔹越式米紙素卷另一款輕盈無負擔的前菜，牛油果米紙素卷配搭清新醬汁很合拍🔸原隻炭燒魷魚大大條原隻上份量十足🦑 厚切的魷魚充滿鮮味，口感細嫩彈牙🔹印式椰香牛肉每次來都必吃這裡的咖哩配薄餅，非常推薦！這次試了印式椰香牛肉，牛肉很軟腍入味，偏辣的口味配酥油薄餅剛剛好，另外這裡的Naan烤餅也很好吃～🔸泰式河粉熱騰騰上菜很有鑊氣，Pad Thai加了魚乾炒出鹹香滋味，拌上辣椒粉、碎花生和青檸汁增添獨特香氣，非常惹味🔹飲品點了杯 Yellow Sky🍹 充滿亞熱帶風情，冰爽解喝