臻味冰室豬扒酸辣米線

營業中

休息中

🍜🍜🍜冇得頂嘅酸辣薯粉▫️以下價錢為外賣平台送餐價☑️ 酥炸韮菜餃 -$40.8份量好多，有10隻，炸得好脆，韭菜餃都好味，肉同韭菜配搭得好好，配左茄汁，如果配中式酸甜汁就更正！☑️雜錦小窩酸辣紅薯粉 -$65.4呢間係酸辣冇得選辣度，但我覺得剛好，係我世一酸辣黎。小窩配料本身有蔥、芫茜、花生、香芹，佢貴過單餸少少但有好多配料，好抵食。有一塊招牌豬扒、肥牛片、2片司華力腸，2片鴨胸、2隻韭菜餃，同2塊白色爽爽地吾知咩黎。薯粉要加$3但係粗薯粉黎，幾彈牙，外賣的話湯會另上。

受到「米線關注組」嘅影響下，呢排成日都好想食米線，雖然呢間唔係米線關注組五大必食米線小店之一，但據聞都係觀塘嘅名物嚟，嚟止止癮先˙𐃷˙!🔸秘製豬扒酸辣米線($𝟑𝟖)：豬扒份量好足夠，有4大塊，煎過而且都冧身，無任何急凍雪藏味，亦醃得幾入味，有咬口又Juicy😋米線質地偏冧身滑溜，口感微彈。湯底就係「麻，酸，辣」三樣都有，不過佢嘅酸味就應該係嚟自湯底裡面嘅酸菜，所以酸就唔算好酸。辣亦都唔係好辣，但相當麻，愈食愈麻，食到最後條脷都痹埋，相當過癮同惹味( ° ͜ʖ° )！好適合食唔到好辣但亦喜歡麻辣嘅麻痹感覺嘅朋友。如果嫌唔夠辣嘅，可以叫佢加辣，佢會有酸辣另上。佢嘅湯底比起好多嘅小鍋米線偏向無咁多油，我諗係同佢湯底無肉碎有關，但整體嚟講都好食惹味。🔸酥炸韭菜餃($𝟑𝟐)：一碟有大約6-7隻，份量幾足夠，而且個皮炸得相當脆口之餘又唔會食到成口油，裡面嘅韭菜足料同埋幾香，值得一試。整體嚟講，惹味又好食，絕對止到我想食米線嘅癮！不過食完一段時間就相當口渴，所以預咗味精都唔小～