臻味冰室豬扒酸辣米線

營業中

休息中

今日專程到工業區重訪久違的臻味，避開午市時段無需等候。點了豬扒蠔仔米線，豬扒醃得入味且軟嫩，但鹹度稍高；蠔仔新鮮飽滿，與記憶中水準一致。米線爽滑不糊，清湯底看似簡單卻層次分明，帶有淡淡骨香而不膩口。雖開在工業區，但湯頭用料實在，豬扒厚切、蠔仔給得大方，性價比不俗。整體偏向家常風味，沒有過多花巧，但勝在食材新鮮、調味樸實，適合想快速吃碗暖胃湯粉的上班族。可惜距離地鐵站比較遠需要行走一段較長的路才能到達。

這間冰室的米線很不錯。每次午餐去，米線煮得剛好，口感滑順，還有點彈性。湯底清淡又香，喝了讓人感覺舒服。 我特別喜歡加豬扒，外面脆脆的，裡面嫩滑，和米線搭配起來剛好。而且價格相對平實，吃完也不會覺得花太多錢。這裡的環境輕鬆，可以邊吃邊聊天，適合和朋友一起來。總之，這裡的米線是個不錯的午餐選擇！美中不足的是，店員比較不太友善，一坐低，佢就會expect你已經要落單，想望個餐牌耐少少，佢就會拆返落去個企座度

今日見到網上話佢哋嘅酸辣豬扒米線好食特登走過嚟食下午茶。 首先個湯底完全冇酸辣。 個酸味只係靠佢放咗喺湯裏面嘅鹹酸菜。 湯就其實只不過係一個清湯。 到佢嗰個招牌豬扒，基本上就係一個普通茶餐廳炸豬扒，但係用咗大量梳打粉成舊豬扒都軟腍腍冇豬肉味， 仲要唔係即叫職責仲要唔係即叫即炸。 唯一值得讚嘅係塊豬扒份量都算可以三小塊。 花生芫荽等嘅配料都OK。 服務一般。 4:00成間舖頭得我同另一個客人好冷清。 兩個阿姐唔同講嘢。 得個收銀負責落單執碗餸菜。

#20241130 🤍📍 #臻味冰室豬扒酸辣米線 觀塘敬業街55號皇庭廣場地下3號舖 🍽️九龍灣｜觀塘均有分店➖➖➖➖➖➖➖➖➖➖➖➖➖➖➖➖➖#秘製豬扒麻酸辣米線 $48 🥢 #爽滑魚肉 +$10💭 呢間餐廳係觀塘個美食排行榜上面個排位都幾前下，見佢係觀塘都已經有3間分店就知咩料😏雙拼要加十蚊其實都唔平，叫兩個餸就差唔多六十蚊落樓，豬扒係幾好食既，咬落鬆化又唔柴，係唔錯既🐷.#脆香雞中翼酸辣紅薯粉 $49 🥢 #鮮爽豬潤 +$10💭 呢度基本配置係麻、酸、辣，不過佢唔係個湯底，只係分別落酸菜同辣椒醬落碗清湯度，呢點扣左好多分🙊雞翼炸既時候無落炸漿，所以一早放落湯都唔使驚浸淋，但唔符合脆香呢件事，食完唔太明佢點解咁名列前茅，只可以講真係咸魚青菜各有所愛🐔.#觀塘美食 #🐷在觀塘 #九龍灣美食 #🐷在九龍灣 #🐷_食

入店後沒有人帶位需要自己坐下，當時為晚飯時間但並非繁忙，超過一半座位是空的，店員就站在收銀位置發呆。坐下後想招手示意待應來下單，依然是站在收銀那邊望著我，他又不是殘疾人士，還要是個年輕人，理應是這種服務態度嗎？至於食物方面我們點了兩碗米線，只有豬扒比較出色，米線及湯底很一般，不會再來光顧。員工禮貌有待改善！

星期六做到三點幾先有時間食 lunch，諗住下午茶有優惠，有so。點知入咗一間無下午茶，都算啦！以前食過臻味，覺得唔錯，無下午茶都照食啦！估唔到餐牌換咗，連味道都轉埋。無咗我最愛嘅濃湯食雜，咁我叫其他啦！我唔食辣，叫咗雞絲腎片米線+凍檸茶。飲品全部正價，盛惠$70，貴就貴啦。香港好味嘅餐廳真係越來越少，當做支持下。點知碗米線嚟到，賣相已大失所望，而且份量真係寥寥可數。可能我叫嘅係雞絲腎片，賣相無咁大堆頭，但我“了”咗兩下，確實雞絲唔多，腎片數量就可以接受，不過真係誤以為係下午茶餐咁。份量都算啦，當我大食啦！最估唔到係佢個清湯，真係好清，只係得塩+水，真係未食過咁差嘅清湯。而杯檸茶，佢都的而且確俾咗4片檸檬，不過係超薄，篤到爛都無乜檸檬味。收得$18一杯，咁高利潤係咪至少俾多少良心呢？哩餐係真正farewell，臻味不再，係時間說再見了。

這碗好味既蠔仔酸辣紅薯粉令人驚艷。紅薯粉口感柔軟，酸辣湯汁則帶著微辣的風味，完美融合。每一口都能品味到鮮嫩的蠔仔，彈牙十足，散發著濃郁的海鮮香氣。菜肴中的酸菜和香草增添了豐富的層次感。這道紅薯粉帶來了口感和味道的雙重享受，令人難以忘懷。

好耐之前九龍灣食過一次 印象一般 今日經過觀塘分店再食 都係覺得一般名過其實既感覺 簡單黎講就係吹大左首先個麻酸辣湯底好普通味道完全唔似專門食米線既餐廳既出品連辣醬都係就咁放係面 食既時候再撈埋好似平時魚蛋粉落辣醬咁唔係一齊煮其次係d米線都有少少煮太稔既感覺有d發漲 唔夠爽口仲有想講個韭菜餃D餡真係少到爆入面真係得幾粒菜同肉一啖唔洗就食晒唯一比較好既係塊豬扒豬扒係真係好香同好食但食米線黎講 湯同麵先係最重要就算豬扒好食都加唔到好多分數整體我唔會話難食但就真係非常普通 茶記酸辣米線水準唔好期望過高

頂天立地，去咗觀塘個臻味冰室試吓佢哋嘅豬扒酸辣米線！🍜 首先，得意彩頭就係佢個雜錦小窩酸辣米線，真係令人心花怒放，食落口感炸裂！湯底夠哂麻辣過癮，每啖都嗌得我舌頭翻天覆地，酸辣得嚟唔會蓋過其他味道。嗰啲豬扒呀，咬落去個肉香四溢，激得哂舌頭尖尖叫，腍滑得嚟仲充滿嚼勁，話你知幾正宗！旁邊加咗咁多餸嘛，肥牛跟鴨胸搞出一場味蕾盛宴，司華力腸嗌晒星光大道，鮑片又似乎玩到潮流尖端。呢種大雜燴，一次過滿足到所有慾望！兄弟姊妹，食住米線，边個會唔開心呢？正宗港式冰室，晚晚都有得撐，街坊熟臉成日見，一於黎試吓，含笑食碗好，返屋企會做個甜夢！👍😋🌶️

人氣觀塘米線重麻酸辣湯配大份豬扒，平價好食冇伏👍！・・・・・・・・・・・・・・・・・・・・🐷 秘製豬扒酸辣米線 HK$44・味道：豬扒入味，湯底酸辣適中，超重麻香，食完個咀會麻一陣但好爽！・口感：米線彈口，豬扒軟腍，平價lunch嚟講非常不錯喔😙・・・・・・・・・・・・・・・・・・・・🤰性價比：高～🤰9衝度：9衝～🤰結論： 非常不錯喔😌，鐘意麻香米線嘅波友可一戰～・・・・・・・・・・・・・・・・・・・・

🍜🍜🍜冇得頂嘅酸辣薯粉▫️以下價錢為外賣平台送餐價☑️ 酥炸韮菜餃 -$40.8份量好多，有10隻，炸得好脆，韭菜餃都好味，肉同韭菜配搭得好好，配左茄汁，如果配中式酸甜汁就更正！☑️雜錦小窩酸辣紅薯粉 -$65.4呢間係酸辣冇得選辣度，但我覺得剛好，係我世一酸辣黎。小窩配料本身有蔥、芫茜、花生、香芹，佢貴過單餸少少但有好多配料，好抵食。有一塊招牌豬扒、肥牛片、2片司華力腸，2片鴨胸、2隻韭菜餃，同2塊白色爽爽地吾知咩黎。薯粉要加$3但係粗薯粉黎，幾彈牙，外賣的話湯會另上。

臻味冰室豬扒酸辣米線位於觀塘敬業街盡頭，正如舖頭招牌個名，大推秘制豬扒酸辣米線🤤 用foodpanda 🐼落單外賣自取有8折 $42.4，堂食$44。豬扒份量十足勁大塊，已經預先切定細細塊上，唔需要自己原塊慢慢切，啱哂我呢D懶人🙈 豬扒醃得好入味，炸到好香口，食落好juicy，一D都唔會乾😋配料方面，有蔥、香芹、芫茜、花生、自制酸菜，份量都係勁多😆 湯底方面，雖然冇得自選辣度，不過唔算好辣，配埋酸菜，花生一齊食，麻辣中帶少少酸，好開胃，好快已經清哂成碗米線🤣🌟推介指數：😈😈😈😈😈（5😈為滿分）

我一直都好鍾意食臻味嘅豬扒酸辣米線❤️😍經過觀塘都一定要去食🤣今日去咗皇廷廣場分店😚好鍾意佢嗰種麻辣加酸 勁香 同埋叫多花生佢就真係會比好多 每啖米線都要配一粒花生😂😂😂個豬扒又夠林好入味 炸得好香口😳❤️望住啲相又回味緊😹😹😹不過缺點係繁忙時間，真係會比較迫🥲

觀塘茶餐廳也有很多選擇但這一間, 值得推薦MEUN 雖然沒有太特別但味道比一般茶餐廳好食!!點了A餐鮑魚火腿通粉 $34  B餐 沙嗲牛肉公仔面  $34 凍飲另加$3仿鮑很彈口, 湯底也很有鮑魚味! 沙嗲牛味道很香濃 !麵包烘底會更好食. 另外, 這間的環境也不會太迫, 坐得很舒適 !!

呢晚喺觀塘想食碗米線，就上網搵到呢間臻味冰室，見佢連個名都係用豬扒做招牌，所以我都叫左秘制豬扒酸辣米線$44。先講配料，有蔥、香芹、芫茜、花生、自制酸辣菜；酸菜嘅味道唔錯，花生都係脆卜卜。初初我一望碗米線時，心諗個湯底咁清嘅！？會唔會無味嫁？當時就咁飲一啖，的確係無味，但當我將啲配料全部撈均哂落個湯之後就唔同喇😳唔會好辣，酸味亦唔太特別出，但麻味好足，一邊食個口都係麻的😂豬扒都醃得好入味，而且好鬆軟，豬扒係整得非常出色！至於米線底就係正正常常！如果黎到就上下佢個豬扒啦！