夏捌月 (已結業)

之前同老公黎過呢度食個蟹肉蟹膏飯，自此就念念不忘喇，所以今日再黎食過。夏捌月嘅位置唔顯眼，但其實佢交通幾方便，就喺朗屏西鐵站旁邊嗰條天橋下面。門口裝修幾靚精緻，小清新，入到去環境舒服，有好多裝飾物，明顯睇得出老闆用心佈置。酥皮忌廉湯酥，個皮傳黎陣陣嘅牛油香味。外層鬆脆，內裏軟熟。而忌廉湯味道適中，唔會偏淡，裏面有dd煙肉粒同埋粟米粒,有d野咬下。蟹肉蟹膏意大利飯釀大野菇蟹膏蟹膏份量非常多，金黃色嘅意大利飯 賣相非常吸引。每粒意大利飯都俾蟹膏包住左，啖啖都有蟹膏嘅香味，香氣濃烈。而飯亦好煙韌，好味。成個飯份量好似唔多，但由於蟹膏量多，食三啖已經開始飽。煎自家煙燻三文魚伴日本元貝果醬汁賣相好靚，明顯見到有比心機製作。三文魚扒四邊煎到金黃色，外皮脆脆地，內裏鬆軟，肉質好juicy。味道本身帶少少甜，唔會鹹，再配埋個果醬汁，酸酸地，甜甜地，非常開胃。粒大元貝都幾清甜爽口，而下面係一個用南瓜同甘旬做出黎嘅南瓜蓉，清新香甜，減少左之前食意大利飯嘅飽濟感。最後，姐姐話fb讚好就送雪糕，我以為係普通雪糕，所以都冇乜期望。但真心想讚下呢間餐廳d野好好食，於是都有讚好。點知黎嘅竟然係......真心好驚喜

今晚再一次到元朗食飯，因友人從 Open rice 看見網上的食評，而又很想食豬手，當然也有為食的我很想食吧，19:00 到達店舖，剛巧有四人的位置，便順利入座，我連餐牌都未睇完，友人已急不及待向店員查詢今晚仲有無豬手，因知道是十分搶手的我們每人點了一份餐，先來個酥皮湯，亦可選擇紅湯或白湯，也配上一塊濃郁的蒜蓉包，酥皮湯熱辣辣，很鬆化我點了烤焗寶雲蘇羊扒配薯格，羊架三大支，夠啖啖肉又唔show朋友點左個德國咸豬手豬手配蜜糖芥末，上枱時很香，又大隻，店員亦細心的協助幫忙切每一細件也很脆口最後配上餐飲樽裝奶茶夠香濃其實食飯唔一定要食大大餐廳的，小店也很好味的，因他們用心製作

在元朗，除了商場中既高級餐廳外，西餐的選擇並不是很高質及抵食。但自我發現了這間平民西餐後，就列入了我的top list。不但食物質素不俗，價錢更相宜！特別是扒啊豬手那些，性價比是挺高的。所以今次與朋友約食午餐，又再選擇了這間小餐廳。座位不算闊落，但不感侷促。和朋友邊吃邊談特別舒暢！我點了蟹肉蟹膏意粉($98)，可算是我的最愛。因為有很濃郁的蟹膏，食落更有滋味。一如以往的份量大，午餐而言稍為over了。店家也太慷慨了。還有很多菇菌類，為單調的意粉加添了口感。跟餐還有飲品，蒜蓉包及餐湯，我額外轉配酥皮忌廉湯($18)。雖然更邪惡及增加飽肚感，但饞嘴的我也是豁出去了。另外必飲他們的樽仔凍奶茶(+$3)，奶味較出及偏甜，但正中我下懷！