Oliver's Super Sandwiches

營業中

休息中

假日晚餐，周圍都要等位。Oliver's Super Sandwiches係我經常選擇既晚餐！因為真係平靚正。環境整潔悠閒，就算晚餐時間都唔駛等位。可以慢慢食、慢慢歎～網上有ecoupon，星期一至日六時後就有晚餐。 $49 就有一個酥皮湯、飲品同主菜。俾完錢就坐低等野食，會送到黎你枱架喇酥皮忌廉湯：一般係蘑菇湯或粟米湯，每段時期就會轉下款。我自己就偏愛蘑菇湯！個酥皮又熱又脆，勁香牛油味。而個湯永遠都係濃濃忌廉味，冇得輸，又香又濃又滑主菜有：a)挪威煙三文魚、蜆肉扁意粉配刁草忌廉汁b)煙三文魚碎蛋沙律焗薯配凱撒沙律c)蜜味火腿、車打芝士、蘑菇配意大利包a同c都好食，但我都係鍾情焗薯！大大個既熱辣辣焗薯，厚厚既薯仔肉加滿滿既配料，又夾又好味。因為出面好少食到焗薯，所以成日都會去各分店食，唔駛餐餐粉麵飯咁悶！今日個凱撒沙律分量少左啲，但依然美味！飲品就可以㨂熱檸菜檸水奶茶或illy咖啡，大大杯。凍飲或其他飲品可加錢享用呢間分店既店員係好友善的，執枱亦好勤快，你食完好快就會幫你收走～～抵讚

見悶悶地, 又想食好啲, 搞搞新意思, 去咗Super Sandwiches 嘆番個上等dinner.相比大型連鎖快餐廳, 價錢貴得黎值, 有service, 有環境, 食物味道有誠意, 比貴十幾廿蚊都願呀...間唔中的話!同大爺分別叫咗2個set, 有湯+意粉+熱飲 酥皮忌廉蘑菇湯明知酥皮係好肥, 但都要升級轉做酥皮, 因為唔使錢! 我覺得個酥皮整得太厚, 焗既時間又唔夠, 雖然個湯夠熱, 但係塊酥皮我係可以好容易咁成塊起, 唔夠鬆化. 不過個湯又幾好飲, 夠濃, 夠creamy. 肉醬扁意粉喱度提供既只有扁意粉, 無圓意粉, 我個人鐘意食圓意粉多啲. 個意粉完全唔夠熱呀, 無論係意粉定肉醬, 稍為微溫都無, 對於我食野鐘意燙口既人, 完全唔合格. 我相信如果溫度可以控制番係正常熱度, 好味指數會倍增. 下次再唔夠熱, 實行叫佢翻熱先得. 挪威煙三文魚、蜆肉扁意粉配刁草忌廉汁一樣係唔夠熱, 一睇就知. 賣相係唔錯, 不過味道就唔多清楚, 因為係大爺既, 我自己就唔會叫喱個, 一來唔鐘意食蜆肉, 二來個湯又係忌廉湯, 個意粉又係忌廉汁, 好似食黎食去都係嗰隻味咁, 有啲口味變化會好啲